राजापूर तहसीलदार प्रतिभा वराळे यांची गुहागर येथे बदली
राजापूर तहसीलदार प्रतिभा वराळे यांची गुहागर येथे बदली
प्रतिनिधी : अद्वैत अभ्यंकर
राजापूर तहसीलदार प्रतिभा वराळे यांची गुहागर येथे बदली झाली असून त्या सोमवारी गुहागर तहसीलदार पदाचा पदभार स्विकारणार आहेत. प्रतिभा वराळे यांनी २ जुन २०१७ रोजी राजापूर तहसीलदार पदाचा कार्यभार स्वीकारला होता. गेल्या चार वर्षात त्यांनी महसूल प्रशासनाचा कारभार लोकाभिमुख करण्याचा प्रयत्न केला. शासनाच्या विविध योजना सर्वसामान्यांपर्यंत पोहोचवताना तालुक्याचे १००% सातबारा संगणकीकरण करून जिल्ह्यात बाजी मारली होती.
निसर्ग, तौक्ते चक्रीवादळ, कोरोना महामारी व अलीकडेच झालेल्या अतिवृष्टीत त्यांनी सुयोग्य नियोजन करून स्वतः पूरग्रस्तांना दिलासा दिला होता.
गेले काही महिने त्या प्रशासकीय बदलीच्या प्रतीक्षेत होत्या. रिक्त झालेल्या राजापूर तहसीलदार पदाचा पदभार ठाणे येथे तहसीलदार म्हणून कार्यरत असलेल्या व मूळच्या राजापूरच्या रहिवासी शीतल जाधव मंगळवारी स्वीकारणार आहेत.
