🛑 कळणे मायनिंग विरोधात काही व्यक्तिंची भूमीका म्हणजे चोराच्या उलट्या बोंबा ; स्थानिकांच्या डोळ्यात नेहमीच फेकतात धुळ..

🛑 मनसे मायनिंग विरोधात कळणे वासियांच्या पाठीशी ; मनसे उपतालुका अध्यक्ष संदिप गवस

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-०७ :- विनाशकालीन घातक प्रकल्पांना हद्दपार करण्यासाठी स्थानिक जनतेने एकत्र येवून लढण्याची आता गरज आहे. कळणे मायनिंग , मांगेली येथे डोंगराला पडलेल्ये भेगा, स्थानिकांना होणारा त्रास , नुकसन ,जीवीत हानी या गोष्टी फायद्याच्या आहेत की तोट्याच्या याचा विचार स्थानिकांनी करून आता अंतिम निर्णय घेणे गरजेचे आहे असे महाराष्ट्र नवनिर्माण सेनेचे उपतालुका अध्यक्ष संदिप गवस गवस यांनी प्रसिद्धी पत्रकाद्वारे सांगितले.

तसेच स्थानिकांना रोजगाराचे आमिष दाखवून काही राजकीय नेते मंडळींनी हे प्रकल्प चालू करून आपली पोळी भाजून सर्वसामान्यांना मात्र कंगाल करून सोडले. पहिल्यांना या मायनिंगला विरोध करणारे काही दिवसांनी समर्थक बनले आणि आता मात्र विरोधकाची भुमिका बजावत आहेत. या राजकारणी नेत्यांची पुढाऱ्यांची जनते बद्दल असणारी भूमिका नेमकी कोणती हे आता स्थानिक जनता ओळखून आहे.

महाराष्ट्र नवनिर्माण सेना मात्र मायनिंग विरोधात कळणे वासियांच्या पाठीशी आहे असे मनसे उपतालुका अध्यक्ष संदीप गवस यांनी प्रसिद्धी पत्रकाद्वारे सांगितले आहे.