🛑 राष्ट्रवादीच्या पदाधिकाऱ्यांनी प्रसिद्धीसाठी स्टंटबाजी करू नये ; पालिकेचे आरोग्य सभापती सुधीर आडिवरेकर

*🎥 कोकण लाईव्ह ब्रेकिंग न्यूज*

_अचूक बातमी थेट हल्ल

*✍️ प्रतिनिधी : प्रशांत मोरजकर*

*🎴सावंतवाडी,दि-०६ :-* गेल्या अनेक वर्षांच्या तुलनेत यावर्षी शहरातील नाले सफाई, गटार आणि डास फवारणी याबाबत सावंतवाडी पालिकेकडून अगदी कोरोनाच्या काळात सुध्दा चांगले काम झाले आहे. त्यामुळे राष्ट्रवादीच्या पदाधिकाऱ्यांनी प्रसिद्धीसाठी स्टंटबाजी करू नये असे प्रत्युत्तर पालिकेचे आरोग्य सभापती सुधीर आडिवरेकर यांनी केले.

        नाहक टिका करण्यापेक्षा शहरात नेमकी काय कामे झाली याची माहिती पालिकेच्या आरोग्य प्रशासनाकडुन घ्यावी, तसेच आम्ही केलेल्या कामांचे आमच्याकडे पुरावे आहेत. असेही त्यांनी यावेळी सांगितले. काल राष्ट्रवादीच्या पदाधिकाऱ्यांनी मुख्यधिकारी यांची भेट घेऊन डास निर्मूलनासाठी पालिकेचा आरोग्य विभाग अपयशी ठरला असा आरोप केला होता, याबाबत त्यांनी आज पत्रकारांशी संवाद साधत भूमिका मांडली.

 

ते म्हणाले, नागरपालिकेच्या माध्यमातून शहरात डास निर्मूलनाची फवारणी सुरू आहे. याचे आमच्याकडे पुरावे आहेत. तसे पुरावे त्यांनी यावेळी सादर केले. त्यामुळे राष्ट्रवादीने ही स्टंटबाजी बंद करावी. तसेच दरवर्षी मुसळधार पाऊसामुळे शहरातील गटारे तुंबतात मात्र पालिकेच्या वतीने मे महिन्याआधीच नाले, गटार साफसफाई केल्याने गटारे तुंबली नाहीत. तसेच दरवर्षी जयप्रकाश चौकात पाणी तुंबते पण या वर्षी मुसळधार पाऊस पडूनही येथील जयप्रकाश चौकात पाणी तुंबले नाही. याचे सर्व श्रेय नगरपालिका व कर्मचाऱ्यांचे आहे. राष्ट्रवादीच्या माध्यमातून मुख्याधिकारी यांना डास निर्मूलनासाठी निवेदन देण्यात आले होते.