🛑 सिंधुदुर्ग जिल्ह्यात महामार्गालगत संरक्षक भिंतींची गरज..

🛑 डोंगर खोदाईमुळे अपघाताची शक्यता..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-०२ :- मुसळधार पावसामुळे अनेक जिल्ह्यात भूस्खलन होत असल्याने याचा फटका मनुष्यहानी वित्तहानीला बसला आहे. मुंबई-गोवा महामार्गाच्या डोंगर खोदाईमुळे अपघाताची शक्यता असून महामार्गाच्या तळगाव ते कलमठ व कलमठ ते झाराप टप्प्यात अशा डोंगर खोदाई च्या बाजूला संरक्षक भिंती उभारण्याची मागणी वाहन चालक पादचारी व स्थानिक नागरिकांमधून जोर धरू लागली आहे. या टप्प्यातील खोदाईच्या ठिकाणी संरक्षक भिंती उभारण्यासाठी लोकप्रतिनिधी पाठपुरावा करण्याची गरज आहे .अन्यथा अति पावसामुळे महामार्गावर माती किंवा दगड येऊन काही अघटीत घडल्यास जबाबदार कोण असा प्रश्न वाहनचालकांमधून केला जात आहे. मुंबई-गोवा महामार्गावर सध्या अनेक ठिकाणी तळगाव ते झाराप डोंगर उंच भागावर खोदाई करून महामार्गाचे काम करण्यात आले आहे. यामुळे अनेक ठिकाणी डोंगर खोदाई करण्यात आलेली आहे मात्र उर्वरित भाग तसाच असलेला दिसून येत आहे .सध्याच्या घटना घडतात पाहता तळगाव ते झाराप टप्प्यात खारेपाटण, नडगिवे कासार्डे ,बेळणे ,वागदे, कसाल वेताळ-बांबर्डे ,कुडाळ परिसरात अशी अनेक ठिकाणी धोकादायक दरडी केलेली ठिकाणी आहेत त्यामुळे या ठिकाणी भविष्यात उर्वरित भाग कोसळून मोठा अनर्थ घडल्यास जबाबदार कोण? असा प्रश्न सध्याच्या डोंगर व दरडी पडण्याच्या घटनेवरून उपस्थित होत आहे. महामार्ग क्रमांक ६६ चे काम या कामात अनेक ठिकाणी वेगळेपण दिसून आहे मात्र तळगाव ते झाराप टप्प्यात काही ठिकाणी काम सोडले तर सर्वच ठिकाणी केलेल्या कामा धोकादायक आहे त्यामुळे महामार्गावर अशा ठिकाणी संरक्षक भिंत उभारण्याची गरज आहे मुंबई-गोवा महामार्ग वर कसाल पुलाजवळ डोंगरावरून येणारी माती महामार्गावर येण्याची शक्यता आहे या ठिकाणी महामार्गालगत वाहनचालकांच्या सुरक्षेसाठी ब्रॅकेट लावण्यात आले आहेत यासाठी शासन ठेकेदार कंपनी हावे प्राधिकरण विभागाने याकडे गांभीर्याने व तातडीने लक्ष देण्याची गरज आहे.