🛑 गणेश चित्रशाळेत मूर्तिकार व्यस्त..

🛑 विविध रूपातील गणेश मूर्ती तयार करण्यास सुरुवात..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-०२ :- एका महिन्यावर गणेशोत्सव येऊन ठेपला आहे गणेश चित्र शाळेतील मूर्तिकार गणरायाचे मूर्ती घडविण्यात व्यस्त असल्याचे सध्या दिसून येत आहे. कोकणात सर्वत्र गणेशोत्सव अगदी मोठ्या उत्साहात भक्तिभावाने साजरा केला जातो. या वर्षी १० सप्टेंबर रोजी गणेश चतुर्थीचा सण साजरा करण्यात येणार आहे. गणेशोत्सव अजून महिना शिल्लक असले तरी मूर्ती शाळेमध्ये मात्र कामाची लगबग जोरात सुरू झाली आहे. गेले दीड वर्ष देशभरात सुरू असलेल्या कोरोना महामारी मुळे गेल्या वर्षाचा गणेश उत्सव सर्वांनी आपल्या घरी साध्या पद्धतीने साजरा केला. यावर्षी हा उत्सव साजरा करावा लागणार असल्याची शक्यता दिसून येत आहे . ग्रामीण भागातल्या काही गणेशभक्तांनी गेल्या काही वर्षात मोठ्या गणेश मूर्ती पूजनाचा पायंडा घातला होता कोरणामुळे अनेक प्रकारचे व्यवसाय नोकर्‍या ठप्प झाल्याने गणेशभक्त देखील आर्थिक अडचणीत आले आहेत. कोरोना टाळेबंदी कालखंडात गतवर्षी निर्बंधांमुळे गणेशोत्सवावर विरजण पडले होते .यंदाही गणेश भक्तांकडून कोरोनाचा विचार करता घरगुती पद्धतीने गणेशउत्स साजरा करण्याचा कल आहे .यामुळे गणेश भक्तांकडून छोट्या सुबक मूर्ती पसंती दिली आहे .

मुंबई पुणे सारख्या मोठ्या शहरात सार्वजनिक गणेशोत्सवात विविध आकारातील आकर्षक मूर्ती पाहायला मिळतात त्यामुळे फोटोच्या स्वरुपात किंवा व्हाट्सअप फेसबुक मोबाईल वरचे फोटो पाठवून विविध रूपातील गणेश मूर्ती तयार करण्यासाठी मूर्ती करायला सांगितले जाते. यावर्षी प्लास्टर ऑफ पॅरिस, शाडू मातीचे भाव वाढले आहे . इंधनाच्या वाढत्या दरामुळे वाहतूक खर्च वाढला आहे. तसेच रंगाच्या किमतीतही वाढ झाल्याने गणेश मूर्तीच्या किमतीत वाढ होणार असल्याचे गणेशमूर्ती करांमधून बोलले जात आहे. कोरोनामुळे गतवर्षीपासून उत्सवावर निर्बंध घालण्यात आले आहेत. या वर्षी कोरोणामुळे गणेशोत्सव साधेपणाने साजरा करण्याचे आवाहन प्रशासनाने केले आहे .घरगुती गणेश मूर्तींची उंची दोन फूट व सार्वजनिक गणेश मूर्तीची उंची चार फुटांपर्यंत ठेवण्याच्या सूचना जारी केल्या असून मिरवणुकावर बंदी घालण्यात आल्याचे गणेश भक्तांवर निर्बंधाचे विघ्न राहिले आहे.