🛑 जिल्हा परिषद प्रशासनाच्या विरोधात मनसेचे उद्या आंदोलन..

🛑 सफाई कामगारांना वारसा हक्काने दिलेल्या चुकीच्या नियुक्त्या रद्दपातल करून भूमिपुत्रांना न्याय देण्याची मागणी..

🛑 जिल्हा परिषदेची सर्वसाधारण सभा असल्याने मनसेचे आंदोलन ठरणार लक्षवेधी..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : गणेश तोडकर

🎴कुडाळ, दि-१३ :- सिंधुदुर्ग जिल्हा परिषदेमध्ये लाड पागे समितीच्या शिफारशीनुसार सफाई कामगारांना वारसाहक्काप्रमाणे दिलेल्या नियुक्त्या या विभागीय चौकशीत चुकीच्या असल्याचे सिद्ध झाल्याने त्यांचेवर बडतर्फीची कारवाई करावी व स्थानिक भूमिपुत्रांना न्याय द्यावा या मागणीसाठी मनसेने उद्या दिनांक 14 जुलै रोजी जिल्हा परिषद प्रवेशद्वारासमोर आंदोलन पुकारले आहे. मागील आठवड्यात याच प्रकरणात जिल्हा परिषदेतील पाच कर्मचाऱ्यांचे कर्तव्यात कसूर केल्याप्रकरणी निलंबन करण्यात आले होते मात्र ज्या परजिल्ह्यातील उमेदवारांना चुकीच्या पद्धतीने नियुक्त्या देऊन नोकऱ्या बहाल करण्यात आल्या त्या नियुक्त्या रद्दपातल करण्याची कारवाई अद्याप पर्यंत न झाल्याने मनसे त्याविरोधात आक्रमक झालेली पाहायला मिळत आहे. वास्तविक विभागीय स्तरावरून भरती प्रक्रियेत अनियमितता झाल्याचा ठपका ठेवून देखील जिल्हा परिषद प्रशासनाकडून भ्रष्टाचार केले प्रकरणी फौजदारी कारवाई होत नाही म्हणजेच जिल्हा परिषद प्रशासन भ्रष्ट प्रवृत्तींना पाठीशी घालत आहे असा मनसेकडून आरोप करण्यात येत असून उद्या जिल्हा परिषदेची सर्वसाधारण सभा असल्याने मनसेच्या आंदोलनाकडे सर्वांचे लक्ष लागून राहिले आहे.