🛑 बेकायदा दारू वाहतुकीवर राज्य उत्पादन शुल्क खात्याच्या इन्सुली तपासणी नाक्यावर कारवाई..

🛑 इंदोर येथील दोघे ताब्यात; तपासणी नाका व रत्नागिरी ग्रामीण पथकाची संयुक्त कारवाई..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधि : शैलेश गवस

🎴बांदा, दि-१३:- गोव्याहून मुंबईच्या दिशेने सहाचाकी ट्रक मधून होणाऱ्या बेकायदा दारू वाहतुकीवर राज्य उत्पादन शुल्क खात्याच्या इन्सुली तपासणी नाक्यावर कारवाई करत तब्बल ३३ लाख ६६ हजार रुपये किमतीच्या गोवा बनावटीच्या दारुसह एकूण ४२ लाख ९४ हजार रुपये किमतीचा मुद्देमाल जप्त करण्यात आला. ही कारवाई इन्सुली तपासणी नाका व रत्नागिरी ग्रामीण पथक यांच्या संयुक्त विद्यमाने दुपारी दीड वाजण्याच्या सुमारास करण्यात आली. याप्रकरणी इंदोर (राजस्थान) येथील दोघांना ताब्यात घेण्यात आले आहे. ट्रकच्या मागील हौद्यात लाकडी फळ्यांखाली बनविलेल्या कप्प्यांमध्ये गोवा बनावटीच्या विविध ब्रँडचे ५०० बॉक्स जप्त करण्यात आले.
कारवाई जिल्हा अधीक्षक डॉ एच बी तडवी यांच्या मार्गदर्शनाखाली प्रभारी निरीक्षक शैलेंद्र चव्हाण, दुय्यम निरीक्षक शिवाजी काळे, जवान शिवशंकर मुपडे, रत्नागिरी ग्रामीण पथकाचे दुय्यम निरीक्षक स्स्त्यावन भगत, डी एस कालेलकर, एस एस धोत्रे यांनी केली. अधिक तपास शिवाजी काळे करत आहेत.