गायींना कत्तल करण्यास नेणारा संशयित ताब्यात, तिघांचे पलायन..

*गायींना कत्तल करण्यास नेणारा संशयित ताब्यात, तिघांचे पलायन..*

*प्रतिनिधी : अद्वैत अभ्यंकर*

राजापूर दि. ८ जुलै :-
तालुक्यातील केळवली येथे गायींची वाहतूक करणाऱ्या कर्नाटकातील बोलेरो पीकअप गाडीला ताब्यात घेण्यात आले. या गाई कत्तल करण्यास नेण्यात येत होत्या. या कारवाईत एक संशयित ताब्यात घेण्यात पोलिसांना यश आले असून उर्वरीत ३ जण पलायन करण्यात यशस्वी ठरले आहेत. ही घटना गुरुवार (दि.८) सकाळी ६ वाजताच्या सुमारास घडली.

रोहित कल्लापा नाईक(रा. कर्नाटक) याला पिकअप केए २० बी ४०३० सह पोलिसांनी ताब्यात घेतले आहे. तर सर्फराज चांदमीया ठाकूर, हाफिज चांदमीया ठाकूर आणि चांदमीया अब्बास ठाकूर (रा. परटवली) हे तिघे पळून जाण्यात यशस्वी ठरले. चार संशयितांना पोलीस ठाण्यात घेऊन जात असताना यातील तिघांनी गाडीतून उडया मारून पलायन केले. पोलीस त्यांचा शोध घेत आहेत. या कामी विश्व हिंदू परिषदचे अशोक पाटणकर, संदेश टिळेकर आणि बजरंग दलाचे व कोकण लाईव्ह ब्रेकिंग चे राजापूर प्रतिनिधी अद्वैत अभ्यंकर यांनी पोलिसांना मदत केली. रात्री उशिरापर्यंत गुन्हा दाखल होण्याची प्रक्रिया सुरू होती.