🛑 कुडाळ तालुक्यातील १२७४ मतदार मतदानाला मुकणार..

🛑 मतदार यादीतून नाव वगळणार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-०३ :- निवडणूक विभागाने केलेल्या पाहणी तालुक्यातील १२७४ मतदारांची छायाचित्रे मतदान यादीत समाविष्ट नसल्‍याचे निदर्शनास आले आहे. याबाबत कुडाळ तहसील कार्यालयाने केलेल्या आवाहनानुसार आतापर्यंत केवळ २९ नागरिकांनी आपली छायाचित्रे तालुका निवडणूक विभागाकडे जमा केले आहेत उर्वरित नागरिकांनी सोमवारी ५ जुलै पर्यंत छायाचित्रे जमा करावी अन्यथा त्यांची नावे मतदार यादीतून वगळण्यात येतील असा इशारा कुडाळ तहसील विभागाकडून देण्यात आला आहे. निवडणूक आयोगाच्या निदर्शनानुसार मतदारांना छायाचित्रे उपलब्ध करून देण्याची संधी देण्यात आली होती. लोकप्रतिनिधीत्व नियम १९५०चे कलम २२ नुसार मतदार नोंदणी अधिकारी यांना मतदार यांच्यामध्ये सुधारणा बदल किंवा नाव वगळण्याचे अधिकार देण्यात आले आहेत .अघयावत व शुद्ध मतदार यादी करताना मतदारांच्या माहितीमध्ये मतदारांचे छायाचित्र असणे अनिवार्य आहे म्हणून कुडाळ तहसीलदार कार्यालयात नगरपालिका पंचायत समिती आधी कार्यालयामध्ये प्रसिद्धीपत्रकाद्वारे छायाचित्र सादर करण्याबाबत नागरिकांना आवाहन केले होते. मात्र तालुक्यातील केवळ २९ नागरिकांनी आपले छायाचित्र कुडाळ तहसीलदार यांच्या निवडणूक शाखेकडे जमा केले आहेत .उर्वरित १२७४ नागरिकांनी अद्यापही छायाचित्र जमा केलेले नाहीत त्यामुळे त्या मतदारांचा येत्या निवडणुकीत मतदारांचा पत्ता कट होणार आहे .