🛑 कोविड आपत्ती कालावधीतील वाहनांची नोंदणी प्रक्रिया न झाल्याने आकारल्या जाणाऱ्या दंड आकारणीवर मनसे आक्रमक..

🛑 दंड चलनाच्या पावत्या घेऊन कुडाळ मनसेची आरटीओ कार्यलयावर धडक..

🛑 ही तर राज्य शासनाकडून घोर फसवणूक ; मनसेची संतप्त प्रतिक्रिया

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : गणेश तोडकर

🎴कुडाळ, दि-०१ :- देशात कोरोना आपत्ती कालावधी चालू झाल्यापासून बहुतांश सर्वच कार्यालयांचे कामकाज ठप्प होऊन सेवा बंदावस्थेत होत्या.केंद्रीय परिवहन विभागाकडून अधिकृत परिपत्रक जारी करत संचार बंदी कायदा लागू असल्याने वाहनांची नोंदणी, नूतनीकरण आदी सेवा कामांसाठी जनतेने कार्यालयात येऊन गर्दी होऊ नये यासाठी कार्यालये बंद ठेवण्यात आलेली होती.महाराष्ट्र राज्याचे परिवहन मंत्री श्री.अनिलजी परब यांनी देखील परिवहन विभागाच्या आढावा बैठकीत कार्यालयीन कामकाज ठप्प असल्यामुळे नागरिकांवर कोणत्याही प्रकारचा दंड आकारला जाणार नाही असे स्पष्ट करून जाहीर प्रसिद्धी केलेली होती.मात्र सद्यस्थितीत वाहनांची नोंदणी प्रक्रिया चालू झाल्यापासून वाहन धारकांकडून नोंदणी व रोड टॅक्स विलंबासाठी दंड आकारला जात असल्याने मनसेच्या शिष्टमंडळाने थेट आरटीओ कार्यालय गाठत अधिकाऱ्यांना जाब विचारला.यावेळी मनसेचे कुडाळ तालुकाध्यक्ष प्रसाद गावडे,बाबल गावडे,राजेश टंगसाळी,दिपक गावडे,अविनाश अणावकर,सचिन ठाकूर,सुंदर गावडे आदी पदाधिकाऱ्यांसाहित वाहनधारक उपस्थित होते. सचारबंदीमुळे ठप्प जीवनमानामुळे मेटाकुटीस आलेल्या जनतेकडून शासन अनावश्यक दंड आकारत लुबाडणूक करीत असल्याने मनसेने तीव्र नाराजी व्यक्त केली.तसेच खोटी आमिषे दाखवून फुकाची प्रसिद्धी देत जनतेची फसवणूक करणाऱ्या ठाकरे सरकार मधील मंत्री महोदयांचा मनसेने निषेध व्यक्त केला. उप प्रादेशिक परिवहन अधिकारी श्री.राजेंद्र सावंत यांनी दंड माफी आपल्या अखत्यारीत नसून सॉफ्टवेअर जनरेटेड यंत्रणा असल्याने मनसेची मागणी वरिष्ठ कार्यलयाकडे सादर केली जाईल असे म्हटले. जनतेवर दंड भरणा करणेसाठी दडपशाही झाल्यास मनसेशी गाठ आहे असा इशारा मनसेचे तालुकाध्यक्ष प्रसाद गावडे यांनी दिला असून राज्य शासनाने तात्काळ दखल घेवून दंड वसुली थांबवण्याची मागणी केली आहे.