🛑 सावंतवाडी शहरात भाजप कार्यकर्ते व नगराध्यक्षांची मनमानी ; अजित सांगेलकर यांचा आरोप

🛑 भर पावसात कोट्यावधी ची कामे सुरु..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : प्रशांत मोरजकर

🎴सावंतवाडी, दि-२४ :- सावंतवाडी नगरपरिषदेच्या गेल्या पावणे दोन वर्षात नगराध्यक्ष व त्यांचे नगरसेवक आणि भाजपचे पदाधिकारी आणि कार्यकर्त यांचा सावंतवाडी शहरामध्ये कशा तऱ्हेने मनमानी कारभार चालू आहे. ती जनता पाहत आहे, गेल्या पावणे दोन वर्षांमध्ये सत्ताधारी नगराध्यक्ष व त्यांच्या टीमने सावंतवाडी शहरातील लोकांच्या तोंडाले पाने पुसलेली आहेत. गेल्या पावणे दोन वर्षामध्ये कोणत्याही प्रकारचे काम या शहरामध्ये भाजप सत्ताधाऱ्याने केलेले नाही. केवळ सावंतवाडी बाजारपेठेत कोविड १९ चे नाव सांगून व्यापाऱ्यांना त्रास द्यायचा, त्यांची दुकाने बंद करायाची आणि आपल्या भाजपच्या लोकांची नवनवीन दुकाने लावून त्यांचा व्यवसाय सुरु करायचे काम केले आहे. असा आरोप शिवसेनेचे अजित सांगेलकर यांनी केला आहे.
मागील नगराध्यांच्या काळात शिवसेनेची सत्ता असताना, शिवसेनेचा नगराध्यक्ष व नगरसेवक यांच्या कालावधीत झालेली कामे अजूनही सावंतवाडी शहरामध्ये चालू असून, फक्त भाजपच्या सत्ताधारी नगराध्यक्षानी भुमी पूजने, उद्घाटने व फित कापण्याची फुकटची मी पणा दाखविणारे कामे केलेलो आहेत. भाजपच्या नगराध्यक्षानो आपल्या वरीष्ठांकडून या पावणेदोन वर्षात सावंतवाडी शहरात किती निधी आणला व किती खर्च केला ते जाहीर करावे असे आव्हान सांगेलकर यांनी प्रसिद्धीस दिलेल्या पत्रकातून केले आहे.
सावंतवाडी शहरात शिवसेनेचे तालुका प्रमुख रुपेश राऊळ हे बाहेरचे म्हणजे नेमळे गावातील असल्याने त्यांचा सावंतवाडी शहराशी संबंध नाही अशी टिका भाजपचे नगराध्यक्ष व नगरसेवक यांचेकडून केली जाते. मग माझा असा प्रश्न आहे की, सावंतवाडी नगराध्यक्ष कुठले आहेत? तर मडुरा गावातील आहेत. गेली १० वर्ष तुम्हाला भाजपला सावंतवाडी विधानसभेसाठी स्थानिक व्यक्ती मिळत नाही. म्हणून तुम्ही कणकवलीतील व्यक्ती आणून निवडणूक लढविता, मग बाहेरचा आणि स्थानिक असा प्रश्न कुठे राहतो. जी व्यक्ती तुम्ही विधानसभेला आमदार म्हणून देता ती सावंतवाडी, वेंगुर्ला, दोडामार्ग या तीन तालुक्यातील व्यक्ती असते का? त्यावेळी तो स्थानिक नाही असे म्हणता का? दुसऱ्याकडे बोट दाखविण्यापूर्वी भाजपच्या कार्यकर्त्यांनी पहिल्यांदा स्वतः ची पायरी साफ करावी. स्थानिक निवडणूक लढविण्यासाठी भाजपने स्थानिक व्यक्ती निर्माण कराव्यात व नंतरच इतरांवर टीका करावी असे सा़गेलकर यांनी म्हटले आहे.
सावंतवाडी नगरपरिषदेत नगराध्यक्षांचे केबीन आहे. सावंतवाडी शहरातील एखादी व्यक्ती कामासाठी नगराध्यक्षाना भेटण्यास जातो. परंतु नगराध्यक्षांची केबीन त्यांच्या कार्यकर्त्यांनी भरलेली असते मग सामान्य व्यक्ती भेटणार कशी असे म्हटले आहे.
पूर्वी पावसाळ्या पूर्वी गटार साफ केली जायची पण या काळात जून संपत आला तरी गटारा सफाईचे काम सुरु आहे. असा आरोप केला आहे.
पांजरवाड्यात येणारा रस्ता पुर्णपणे खचलेला आहे. परंतु त्याची दुरुस्ती करण्याचे सोडून नगराध्यक्ष स्वतःच्या वार्डात कोटची कामे करीत आहेत, पावसात कामे बंद ठेवण्याचा नियम असताना देखील छोटया छोट्या पाणंदीमध्ये देखील कॉोटची कामे पावसातही सुरु आहेत.असा आरोप सांगेलकर यांनी केला आहे.
या प्रमाणे वर नमूद जेजे प्रश्न शिवसैनिक म्हणून मी सोशल मिडीया व प्रसार माध्यमातून उपस्थित केलेले आहेत, त्या प्रश्नांचे उत्तर सन्मा. नगराध्यक्ष यांनी द्यावे. कारण सावंतवाडी शहराच्या जनतेने दोन वर्षांसाठी सुसंस्कृत, सुशिक्षित असा नगराध्यक्ष निवडून दिलेला आहे. त्यामुळे माझ्या प्रश्नांची स्पष्टीकरणासह सविस्तर उत्तरे नगराध्यक्षांनी स्वतः द्यावीत असे आवाहन अजित सांगेलकर यांनी केले आहे.