🛑 सिंधुदुर्ग जिल्ह्यातील विद्यार्थ्यांनी मेडिकल टुरिझमची संकल्पना राबविण्याची गरज ; ज्येष्ठ तज्ञ डॉक्टर रवींद्र मराठे

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी,दि-२४ :– गोवा राज्याच्या सीमेवर असलेल्या सिंधुदुर्ग सिंधुदुर्ग जिल्ह्यात मेडिकल टुरिझमला चांगले दिवस असून त्यातून या जिल्ह्यातील शेकडो तरुण मुलांना रोजगाराच्या संधी उपलब्ध होऊ शकतात. त्यामुळे सिंधुदुर्ग जिल्ह्यातील विद्यार्थ्यांनी मेडिकल टुरिझमची संकल्पना राबविण्याची गरज या क्षेत्रातील ज्येष्ठ तज्ञ डॉक्टर रवींद्र मराठे यांनी व्यक्त केली.

सिंधुदुर्ग जिल्हा पर्यटन व्यावसायिक महासंघाच्या वतीने डॉ.मराठे यांचे आभासी व्याख्यान आयोजित करण्यात आले होते. त्यावेळी ते बोलत होते. नाशिक येथील नेचर क्युअर इन्स्टिट्यूट मार्फत महाराष्ट्र शासन मान्यता प्राप्त डिप्लोमा कोर्स चालविले जातात. ॲक्युप्रेशर हा सहा महिन्याचा अभ्यासक्रम आहे. त्याची फी पंधरा हजार रुपये आकारले जाते. त्यासाठी दहावी पास -नापास विद्यार्थी प्रवेश घेऊ शकतात. हा डिप्लोमा एक वर्षाचा असून त्याची फी वीस हजार रुपये एवढी आहे. यात परीक्षा शुल्क, पुस्तके प्रात्यक्षिक,प्रवेश आणि प्रशिक्षण या सर्वांचा समावेश आहे. सर्वांचा समावेश आहे. परीक्षा उत्तीर्ण झाल्यावर महाराष्ट्र शासन मान्यता प्राप्त प्रमाणपत्र दिले जाते. उत्तीर्ण झालेला विद्यार्थी भारतात कुठेही ही सेवा देऊ शकतो. हा संपूर्ण अभ्यासक्रम ऑनलाईन असून महिन्यातून दोनदा प्रत्यक्ष प्रात्यक्षिक प्रशिक्षण दिले जाणार आहे. जुलै 2021 पासून हा अभ्यासक्रम सुरू केला जाणार आहे. ज्या विद्यार्थ्यांना ही पदविका घेण्याची इच्छा असेल त्यांनी कृपया किशोर दाभोळकर भ्रमणध्वनी-9404347199 यांच्याशी संपर्क साधावा.

आरोग्य पर्यटन- एक फलदायी इंडस्ट्री

भारतात दर वर्षी सुमारे १० लाख लोक वैद्यकीय पर्यटनासाठी येतात. केंद्र सरकारने राष्ट्रीय उद्योगाचा दर्जा दिलेले ‘आरोग्य पर्यटन’ महाराष्ट्रात सुरू करण्याचा निर्णय राज्य सरकारने घेतला.असे धोरण स्वीकारणारे महाराष्ट्र हे दिल्ली आणि केरळनंतर देशातील तिसरे राज्य ठरले आहे. आरोग्य पर्यटनात पर्यटक आल्हाददायक स्वच्छ हवामानात आपल्या प्रकृतीत सुधारणा करण्यासाठी अथवा आहे तशीच ठेवण्याचा प्रयत्‍न करतो. पूर्वी यालाच हवापालट असे म्हणत. प्रदूषणमुक्त व आल्हाददायक वातावरण व जोडीला निसर्गसौंदर्य असल्यास आरोग्यावर सकारात्मक परिणाम होतो, म्हणूनच स्थानिक पर्यटनात पर्यटक जवळच्या शांत निसर्ग संपन्न व सौंदर्याने नटलेल्या परिसरात हवापालटासाठी जातात. अशा पर्यटनात पर्यटक एका आठवड्यापासून ते तीन महिन्यापर्यंत वास्तव्य करतात, असे महासंघाचे कार्याध्यक्ष सतीश पाटणकर यांनी आपल्या प्रास्तविकात सांगितले.

यावेळी महासंघाचे अध्यक्ष बाबा मोंडकर यांनी महासंघाच्या कार्याची माहिती दिली. आरोग्य पर्यटनामुळे सिंधुदुर्ग जिल्ह्यातील विद्यार्थ्यांना रोजगाराचे एक नवीन दालन उपलब्ध होईल असा आशावादही त्यांनी व्यक्त केला. महासंघाचे सचिव नकुल पार्सेकर यांनी आभार मानले. कार्यशाळेत महासंघाचे जिल्हा उपाध्यक्ष डि.के.सावंत सावंतवाडी तालुका अध्यक्ष जितू पंडित, मालवणचे अध्यक्ष अवि सामंत, दाभोलकर, मालवणचे जिल्हाउपाध्यक्ष रोहित आमने उपस्थित होते.