🛑 बांधकाम विभाग उठा आता..जागे व्हा…पाऊस पडला..झाडीझुडपे वाढली..

🛑 कधी करणार साफसफाई?अपघात झाल्यावर का? ; सर्वसामान्यांना पडलाय प्रश्न

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रशांत मोरजकर

🎴सावंतवाडी,दि-२४:- तालुक्यात अनेक ठिकाणी रस्त्यावर झाडी झुडपे वाढलेली आहेत मात्र दरवर्षी झोपलेल्या सार्वजनिक बांधकाम विभागाला पाऊस पडला की उठवावे लागते अशी परिस्थिती निर्माण झाली आहे.माजगांव गरड परिसरात सावंतवाडी-बांदा मार्गावर मस्जिद शेजारी मोठ्या प्रमाणात झाडीझुडपे वाढलेली आहेत त्या ठिकाणी रस्त्याला मोठे वळण असून सावंतवाडीच्या दिशेने बांद्याला जाणाऱ्या वाहनाला समोरुन येणारे वाहन दिसत नाही त्यामुळे अपघात होऊ शकतो सार्वजनिक बांधकाम विभागाने त्वरित रस्त्यावर वाढलेली झाडीझुडपे तोडून रस्त्याची साफसफाई करावी अशी मागणी आता वाहनचालकांमधून होत आहे.

पावसाळ्यात दरवर्षी झाडीझुडपे वाढतात सार्वजनिक बांधकाम विभागाने ह्याबाबत लक्ष घालून रस्त्याच्या दुतर्फा वाढलेली झाडी तोडून रस्ता मोकळा केल्यास नक्कीच वाहनचालकांचे होणारे हाल कमी होतील असे दरवेळी सार्वजनिक बांधकाम विभागला जागे करावे लागते हे दुदैवी आहे अशी नाराजी शिवसेना शाखाप्रमुख नरहरी शिरोडकर यांनीही व्यक्त केली आहे