🛑 ग्रामस्तरिय नियंत्रण समितीचा बाजारपेठ बंदचा निर्णय एकतर्फी..

🛑 साटेली -भेडशी व्यापारी संघाचा नियंत्रण समितीच्या निर्णयाला प्रखर विरोध..

🛑 शासन नियमाप्रमाणे दुकाने सकाळी ७ ते ११ पर्यत चालू राहतील ; व्यापाऱ्यांनी केले स्पष्ट

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-०३ :- साटेली भेडशी ग्रामस्तरिय नियंत्रण समितीने ५ जून पासुन बाजारपेठ बंद ठेवण्याचा घेतलेला निर्णय हा पुर्णतः एकतर्फी असून व्यापारी संघाशी कोणत्याही स्वरुपाची चर्चा न करता बैठक न बोलवता आपल्या एकाधिकार शाहिचा वापर करुन घेतलेला निर्णय आहे.

मुळात शासनाने सकाळी ७ ते ११ या वेळेत आस्थापने उघडण्यास परवानगी दिलेली असताना आणि बाजारपेठेत या नियमांचे काटकोरपणे पालन होत असताना देखिल स्थानिक प्रशासन जाणून बूजून आपल्या अधिकारांचा गैरवापर करित आहेत आणि एक प्रकारे त्यांना वेठिस धरण्याचा प्रकार त्यांनी चालवलेला आहे.

कोरोना महामारिच्या काळात आधिच मेटाकुटिला आलेला व्यापारी उभ राहण्यासाठी धडपड करित असताना अशा प्रकारे व्यापाऱ्यांना प्रशासन वेठीस धरत असेल तर व्यापारी संघ ते कधीही खपवुन घेणार नाही.

त्यामुळे ५ जुन पासुन १५ जुन पर्यत मेडिकल सोडून सर्व आस्थापने बंद करण्यात यावी हा समितीने घेतलेला निर्णय व्यापारी संघास मान्य नाही आणि त्याचमुळे शासन नियमाप्रमाणे नेहमी प्रमाणे दुकाने सकाळी ७ ते ११ या वेळेत सुरु राहतील