🛑 जिल्ह्यात लघुपाटबंधारे योजना कालवा पुनर्स्थापना अंतर्गत चालू असलेल्या पाईपलाईन कामात होतोय प्रचंड भ्रष्टाचार..

🛑 आवळेगाव येथील कामाची पद्धती व दर्जाबाबत स्थानिकांनी वेळोवेळी आक्षेप घेऊन देखील अधिकाऱ्यांकडून केला जातोय दुर्लक्ष..

🛑 भंगसाळ बंधारा कामातील पैशांच्या चुराड्यानंतर पाटबंधारे विभागातील अधिकाऱ्यांचा भ्रष्टाचाराचा सिलसिला पुन्हा सुरूच ; कामांच्या सदोष पद्धतीबाबत मनसे आक्रमक..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : गणेश तोडकर

🎴कुडाळ, दि-०३ :- सिंधुदुर्ग पाटबंधारे विभागाच्या हत्यारे अखत्यारीत लघु पाटबंधारे योजना कालवा पुनर्स्थापना अंतर्गत बंदिस्त नलिका प्रणालीद्वारे पाईपलाईनचे काम अनेक ठिकाणी सुरू आहेत. त्या अनुषंगाने आवळेगाव येथील पाईप लाईनचे काम सदोष पद्धतीने होत असल्याने कामाच्या पद्धतीबाबत व दर्जाबाबत स्थानिक ग्रामस्थांनी वेळोवेळी आक्षेप घेत उपअभियंता श्री. संतोष कविटकर यांचे लक्ष वेधले. कंत्राटदाराला पाईपलाईन जोडणीसाठी नव्याने खोदकाम करण्याचे अंदाजपत्रकात तरतूद असतानाही कंत्राटदार मात्र जुन्या कालव्याच्या क्षेत्रातच पाईपलाईन जोडणी करून लाखो रुपये गिळंकृत करत आहे. शिवाय पाईपलाईनच्या खाली संरक्षणासाठी वाळूचा थर पसरविणे बंधनकारक असताना देखील दगड गोट्या मिश्रित माती वापरली जात असल्याने पाईपांना मोठ्या प्रमाणात उरखडे येऊन पाईप चेपण्याचे प्रकार झालेले आहेत.त्यामुळे पाईप जोडणीचे काम किती काळ टिकणार आहे याचा संभ्रम स्थानिकांमध्ये आहे.याबाबत स्थानिक शेतकरी व ग्रामपंचायतीने पाटबंधारे विभागाकडे रीतसर तक्रारी करून देखील संबंधित अधिकारी कंत्राटदारांच्या भ्रष्टाचाराला पाठिशीच घालण्याचे काम करत आहेत.त्यामुळे अधिकारी व कंत्रायदार यांच्या अभद्र युतीतून जनतेच्या पैशांचा चुराडा होत असल्याचा मनसेचा थेट आरोप आहे.पाटबंधारे विभागाच्या कुडाळ भंगसाळ बंधारा बांधकाम निष्कृष्ट कामाचे व पैशांच्या अपव्यवयाचे ताजे उदाहरण जिल्ह्यातील जनतेसमोर आहे मात्र स्थानिक लोकप्रतिनिधीही याकडे दुर्लक्ष असल्याने त्यांचाही या भ्रष्ट कारभाराला छुपा पाठिंबा आहे की काय असा सवाल सर्वसामान्य जनतेच्या मनात निर्माण झाला आहे.