खारेपाटणपासून अगदी जवळ असलेल्या नडगिवे घाटीत चारचाकी वाहनाला अपघात
🖥️Kokan Live Breaking News
✍️प्रतिनिधी : रविकांत जाधव
🎴 खारेपाटण : दि. २५ मुंबई – गोवा महामार्गावर खारेपाटण पासून अगदी जवळ असलेल्या नडगिवे या घाटीत एक अवघड वळणावर एम. एच. 07. पी. 9977 या मालवण येथून आलेल्या व चिपळूण येथे जाणाऱ्या चारचाकी वाहनाला पाठीमागून येणाऱ्या मोठ्या अवजड मालवाहू ट्रकने जोरदार धडक दिल्यानंतर झालेल्या अपघातात चारचाकी गाडीतील वाहन चालकासह एकूण 8 जण जखमी झाले आहेत.
हा अपघात आज दुपारी 12 वाजताच्या दरम्यान घडला. जखमी व्यक्तींवर खारेपाटण प्राथमिक आरोग्य केंद्र येथे तातडीने उपचार करण्यात आले. अपघातात जखमी झालेले व्यक्ती कु.पावनी नीलकंठ मालंडकर (वय – 13), साईश मोहन कुसवेकर- (वय-14), वैशाली गजानन कुडाळी (वय-48), दीपक धर्माजी जाधव (वय -49), दिग्गज दीपक जाधव(वय – 14), कु.हिमानी जगदीश येरंम (वय – 15), ईशान नितीन वेंगुर्लेकर (वय -13), रंजन रानोजी साठे – वाहनचालक, (वय- 25) सर्व राहनार मालवण येथील आहेत.
या बाबत अधिक वृत्त असे की मालवण येथून मालवण टेबल टेनिस अकॅडमी येथून विठ्ठलराव जोशी चॅरिटेबल ट्रस्ट आयोजित युथ गेमसाठी चिपळूण डेरवण येथे प्रशिक्षकासह मुले चारचाकी एन्जॉय गाडीने चालली होती. दरम्यान महामार्गावर नडगिवे या गावी जि. प. केंद्र शाळा नं. 1 च्या समोर वन वेवर गोवा येथून आलेला, दमन येथे अवजड माल घेऊन जाणारा टाटा कंपणीचा ट्रक वाहन क्र. – GJ.27.X.5804 या गाडीचा ब्रेक फेल झाल्याने वाहन चालक जिंतेंद्र यादव वय -21 राहणार उत्तरप्रदेश – प्रतापगड याने पुढे चालणाऱ्या फोर व्हीलर गाडीला पाठीमागून जोरदार धडक दिल्यामुळे गाडी पलटी होऊन अपघात झाला.
अपघात एवढा भीषण होता की गाडीचे फार मोठ्या प्रमाणात नुकसान झाले आहे. मात्र सुदैवाने कोणतीही जिवीतहानी झालेली नाही. परंतु चारचाकी गाडीतील 8 व्यक्ती किरकोळ जखमी झाल्या. ड्रायव्हर च्या हाताला दुखापत झाली, तर एक मुलीच्या डोक्याला मार बसला.
अपघाताची माहिती मिळताच खारेपाटण सरपंच रमाकांत राऊत, उपसरपंच इस्माईल मुकादम, सदस्य महेंद्र गुरव, भाऊ राणे, बबन तेली यांनी घटनास्थळी भेट देऊन अपघातात जखमी व्यक्तींना तातडीने खारेपाटण प्रा. आ. केंद्रात आणण्यास मदत केली. खारेपाटण प्रा. आ. केंद्राच्या वैद्यकीय अधिकारी डॉ. प्रिया वडाम, डॉ. पूजा ताडे यांनी जखमींवर उपचार केले.
दरम्यान महामार्ग वाहतूक पोलीस निरीक्षक अरुण जाधव खारेपाटण पोलीस दुरक्षेत्राचे पोलीस मोहिते यांनी घटनास्थळी तातडीने भेट देऊन अपघाताची पाहणी केली. याबाबत अधिक तपास खारेपाटण दुरक्षेत्राचे पोलीस अधीकारी करीत आहेत.
