🛑बंडखोरीची नसबंदी आणि सिंधुदुर्गचा ‘एक्स फॅक्टर’
*🛑बंडखोरीची नसबंदी आणि सिंधुदुर्गचा ‘एक्स फॅक्टर’*
*🛑सिंधुदुर्गातील बंडोखोरांचा वाली कोण? त्यांना रसद कोण पुरविणार?*
*🛑राणेंच्या एका शब्दावर झालेली युती कोणाच्या डोळ्यात खुपते?*
*🎥 KOKAN LIVE BREAKING ||NEWS CHANNEL*
*✍️ संपादकीय : सीताराम गावडे*
*🎴सिंधुदुर्ग, दि- २६:-* लोकशाही व्यवस्थेत मतदाराला राजा म्हटलं जातं आणि लोकप्रतिनिधींना त्या राजाचे सेवक. मात्र या व्यवस्थेच्या प्रवासात एक अशी प्रवृत्ती आहे, जी लोकशाहीला आतून पोखरत राहिली आहे—ती म्हणजे बंडखोरी. प्रस्थापित राजकीय पक्षाच्या निर्णयाला आव्हान देत अधिकृत उमेदवाराच्या विरोधात निवडणूक लढवणाऱ्याला आपण बंडखोर म्हणतो. घटनेनं दिलेल्या अधिकारांचा आधार घेत काही जण स्वतःची ताकद दाखवण्यासाठी, तर काहीजण पक्षानं दिलेला उमेदवार कसा चुकीचा आहे हे दाखवण्यासाठी बंडखोरीचा मार्ग स्वीकारतात.
पहिल्या नजरेत ही कृती ‘लोकशाहीतील स्वातंत्र्य’ वाटत असली, तरी तिचे परिणाम पाहिले तर लक्षात येतं की बंडखोरी हा लोकशाहीचा शत्रू ठरतो. कारण बंडखोरी ही केवळ एका उमेदवाराविरोधात नसते, ती पक्षशिस्तीविरोधात, संघटनाविरोधात आणि शेवटी जनमताविरोधात उभी ठाकलेली असते.भारतीय राजकारणात बंडखोरीचा मोठा इतिहास आहे. अनेकदा पक्षांतर्गत दोन बलाढ्य उमेदवारांमध्ये निर्णय होत नाही, तेव्हा वरिष्ठ नेत्यांचीच बंडखोरीला मुक संमती असते. काही वेळा ही बंडखोरी रणनीतीचा भाग असते, तर काही वेळा ती वैयक्तिक महत्त्वाकांक्षेचं अपत्य असते. राज्याच्या आणि देशाच्या राजकीय इतिहासात अशी अनेक उदाहरणं सापडतात. काँग्रेस पक्षानं ही जखम अनेकदा अनुभवली आहे. ज्येष्ठ नेते शरद पवार यांनी एका काळात वापरलेली बंडखोरीची रणनिती आजही राजकीय अभ्यासाचा विषय आहे. बंडखोर उमेदवार उभे करून दिग्गज नेत्यांना पराभूत करण्याचा प्रयोग यशस्वी झाला, मात्र त्याची किंमत पक्षाला आणि लोकशाहीला मोजावी लागली.
बंडखोरीचं सर्वात भीषण रूप आपल्याला त्रिशंकू सरकारांमध्ये पाहायला मिळतं. जेव्हा कोणत्याच पक्षाला स्पष्ट बहुमत मिळत नाही, तेव्हा घोडेबाजार सुरू होतो. जनतेच्या कौलाला डावलून सत्ता स्थापन होते. त्यानंतर मंत्रीपदांची वाटणी, मलईदार खात्यांसाठीची रस्सीखेच, आणि सत्तेच्या खुर्चीसाठी चाललेलं रणकंदन—हे सगळं देशाच्या जनतेनं वारंवार पाहिलं आहे. तेव्हा जनतेचे प्रश्न मागे पडतात आणि जनतेचे सेवक स्वतःच्या स्वार्थासाठी भांडताना दिसतात. हीच बंडखोरीची किड लोकशाहीला आतून पोखरत असते.
अशा नकारात्मक राजकीय इतिहासातून न शिकणारे राजकारणी कधीच दीर्घकाळ यशस्वी होत नाहीत. आज देशात अशी अनेक उदाहरणं आहेत. त्यामुळेच बंडखोरीवर नियंत्रण ठेवणं, तिला वेळीच रोखणं, हे कोणत्याही पक्षासाठी अत्यंत महत्त्वाचं ठरतं.
याच पार्श्वभूमीवर सिंधुदुर्ग जिल्ह्यात सध्या सुरू असलेला बिनविरोध निवडणुकांचा पॅटर्न विशेष लक्षवेधी ठरतो. भारतीय जनता पक्षाला ‘पार्टी विथ डिफरन्स’ का म्हटलं जातं, याचं हे जिवंत उदाहरण आहे. खासदार नारायण राणे यांच्यासारख्या प्रदीर्घ अनुभव असलेल्या नेत्याच्या मार्गदर्शनाखाली, पालकमंत्री नितेश राणे आणि शिवसेना आमदार निलेश राणे यांच्या नेतृत्वाखाली सिंधुदुर्गात उभा राहिलेला हा पॅटर्न केवळ संख्याबळावर आधारित नाही, तर तो काटेकोर रणनीतीचा परिणाम आहे.
या संपूर्ण प्रक्रियेत सर्वात महत्त्वाचा मुद्दा आहे—बंडखोरीची नसबंदी. महायुतीची घोषणा झाल्यानंतर सर्वात मोठा धोका जर कुठला असेल, तर तो बंडखोरीचा होता. अधिकृत उमेदवार जाहीर झाल्यानंतर काही ठिकाणी तसं चित्र दिसूही लागलं. मात्र राणेसाहेबांसारख्या अनुभवी नेतृत्वानं वेळ न दवडता अचूक रणनिती आखली. बंडखोरीला वाढण्याआधीच तिच्यावर घाव घातला गेला.एखादी अयोग्य, अनिष्ट आणि विनाशकारी प्रवृत्ती वाढू द्यायची नसेल, तर तिची मुळं उपटावी लागतात. या निवडणुकीत नेमकं तेच झालं. बंडखोरांच्या भरवशावर आपलं नशीब आजमावणारे अनेक संभाव्य उमेदवार आपोआप माघार घेऊ लागले. कारण एक गोष्ट स्पष्ट झाली होती—बंडखोरीशिवाय आता कुणाचीही डाळ शिजणार नाही.
यातूनच खासदार नारायण राणे, मंत्री नितेश राणे आणि आमदार निलेश राणे यांच्या नेतृत्वाची खरी ताकद समोर आली. बंडखोरीची नसबंदी हाच या बिनविरोध मिशनमधला खरा ‘एक्स फॅक्टर’ ठरला. हा केवळ निवडणूक जिंकण्याचा डाव नव्हता, तर संघटना मजबूत करण्याचा, शिस्त प्रस्थापित करण्याचा आणि लोकशाहीला स्थैर्य देण्याचा प्रयत्न होता.
सिंधुदुर्गचा हा पॅटर्न आज राज्याच्या राजकारणात चर्चेचा विषय ठरतो आहे. कारण तो केवळ विजयाचा नव्हे, तर नेतृत्वाचा आणि दूरदृष्टीचा नमुना आहे. बंडखोरीवर नियंत्रण ठेवलं, तरच राजकारण सुसंस्कृत होतं, हे या उदाहरणातून अधोरेखित होतं.शेवटी एवढंच म्हणावं लागेल—लोकशाही टिकवायची असेल, तर बंडखोरीला आवर घालावा लागेल. आणि ते काम ज्यांनी केलं, त्या राणेंच्या नेतृत्वानं सिंधुदुर्गात केवळ बिनविरोध निवडणुका घडवल्या नाहीत, तर राज्याच्या राजकारणाला एक नवा संदेश दिला आहे.आणि खासदार नारायण राणे यांच्या एका शब्दावर झालेली ही युती काही जणांच्या डोळ्यात खुपली,काहींची पोट दुखी वाढली त्यातून बंडखोरीचे पीक आले आणि या बंडखोरीत खासदार नारायण राणे यांनी केलेली युती कशी फीस्कटली हे दाखविण्याचा तो केविलवाणा प्रयत्न होता.या सर्व बंडखोरांचा बोलविता धनी वेगळा आहे,त्यांना रसद पुरविणारी वेगळी शक्ती आहे हे सर्व ज्ञात आहे पण कोणिही कितिही आटापिटा केला तरी खासदार नारायण राणे यांनी सिंधुदुर्गात केलेली ही युती सहा उमेदवार बिनविरोध झाल्याने आधिच यशस्वी झाली व पुढेही होणार हे सुर्यप्रकाशा एवढे सत्य आहे.
*सविस्तर बातमीसाठी खालील लिंक वर क्लिक करा…….👇👇👇👇*
_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*
https://chat.whatsapp.com/GX6edZZhJPuIF8DertMr8J
——————————–
_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_
*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*
*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*
*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*
*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*
*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*
बुकींगसाठी संपर्क:-
*बी.पी. डेव्हलपर्स अॅण्ड बिल्डर्स*
प्रोप्रा.श्री.बाबासाहेब पां. पाटील
मोबा. नं. ७७०९०४६४६५/७७०९०४५४६१
*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५
*Email:-* bpdevelopersandbuilders@rediffmail.com
*🛏️रत्नेश प्रिमीयम (लॉजींग)🛌🏻*
रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी
*📱फो.नं.* ०२३६३-२७१६५५/७७०९०४५४६७
—————————————-
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/
*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg
*🎴कोकण लाईव्ह वेबसाईट👇🏻*
*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/
*🎴कोकण लाईव्ह टेलिग्राम👇🏻*
https://t.me/kokanlive
*🎴कोकण लाईव्ह ट्विटर👇🏻*
*🖥️ कोकण लाईव्ह ब्रेकिंग*
_अचूक बातमी थेट हल्ला_