🛑लोकशाहीला पैशाचे ग्रहण — मतदार राजाच बारबाला बनला!

*🛑लोकशाहीला पैशाचे ग्रहण — मतदार राजाच बारबाला बनला!*

 

*🛑सिंधुदुर्गातील राजकारणात “नाच मेरे बुलबुल पैसा मिलेगाँ”चा नगारा!*

 

*🛑पैशाच्या खेळामुळे पुढील निवडणुकीत विरोधी पक्षाला उमेदवार मिळताना नाकेनऊ.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सावंतवाडी, दि- ०५:-* सिंधुदुर्गात नगरपरिषद निवडणुकीत जे दृश्य दिसले, ते लोकशाहीचे नाही— तर राजकीय डान्सबारचे आहे. बारमध्ये जसा मालक पैसे उडवतो आणि डान्सर नाचते,अगदी तसाच पैसा आज मतदारांच्या माथी फेकला गेला… आणि मतदार पैशाच्या चमकदार नोटांसमोर नतमस्तक झाले,हे वास्तव आहे , सावंतवाडी नगरपरिषद निवडणुकीत बारा हजार मते दहा हजार प्रमाणे विकत घेतली गेली,अगदी दोन्ही बाजूंनी.आणी यात उघडा पडला व थंडीत कुडकुडला तो विरोधी पक्ष व उमेदवार, जवळपास ३० कोटी रुपये दोन्ही कडून या निवडणुकीत उडविण्यात आले,अर्थात तो पैशाचा जुगार होता आता या जुगारात कोणाचे पान अंदर पडते व कोणाचे बाहेर ते २१ तारीखला समजणार आहे.

ही लज्जास्पद विकृती लोकशाहीचा अपमान नसून लोकशाहीचा खून आहे.

सावंतवाडी, मालवण,वेगुर्ला, कणकवली, संपूर्ण सिंधुदुर्ग या पैशाच्या त्सुनामीत वाहून गेला आहे.

*समाजसुधारकांचे स्वप्न चिरडणारी राजकीय अधोगती*

यावेळचे गृहमंत्री कै आर.आर. पाटील यांनी एकेकाळी डान्सबार बंद केले—सामाजिक विकृती

थांबवण्यासाठी.आज त्याच प्रकारची राजकीय विकृती निवडणुकांमध्ये सुरू आहे.कलाकार बारमध्ये नाचतो ती तरी कला आहे.पण मतदार जेव्हा पैशासाठी नाचतो तेंव्हा तो लोशाहीचा खून होतो व सगळे उघड्या डोळ्यांनी पाहत बसतात.

शाहू महाराजांनी समता दिली, फुलेंनी शिक्षण दिलं, प्रबोधनकारांनी प्रबोधन दिलं…आणि आपण?₹500 च्या नोटीसाठी मतदानाचा पवित्र हक्क विकतो?

*सिंधुदुर्गात पैशाची उघडी लूट — लोकशाहीचा बाजार*

मालवणमध्ये — आमदार निलेश राणेंनी प्रत्यक्ष पैसे वाटणारे हातोहात पकडले. पण यंत्रणेची कारवाई शुन्य सावंतवाडीत — ₹10,000 प्रति मत अशी बाजारपेठ उघडपणे फिरली.

वेगुर्ला–कणकवलीत — “बिहार मॉडेल”च्या पाकिटांचे वितरण.

पैसे वाटताना दोन गट आपापसात भिडले.अनेक ठिकाणी पोलिसांच्या देखरेखीखाली बुधवरच पैशाचे वाटप सुरू होते,काय ही लोकशाहीची शोकांतिका,व सत्तेचा माज,माझ्या पत्रकारितेच्या ३५ वर्षात जे पाहायला मिळाले नाही ते या निवडणुकीत याची डोळा पाहिले,पाच मते पन्नास हजार, पुन्हा दुसरी कडून पन्नास हजार, म्हणजे एक लाख रुपये पाच मतांचे असा खूला बाजार सुरू होता.अनेक प्रतिष्ठीत आपले पाकीट मिळाले नाही म्हणून फोन लावत होते..प्रत्यक्ष पैशाचा पाऊसच मडला व मतदार राजा त्या पावसात मनसोक्त भिजला.

 

*बापू साहेब महाराजांच्या विचाराना तिळांजली*

 

सावंतवाडी संस्थानच्या बापू साहेब महाराजांच्या राज्यकारभाराला महात्मा गांधी यांनी राम राज्य म्हटले होते,दूरदृष्टी असलेला राजा मनाचा राजा माणूस अशी बापू साहेब महाराजांची ओळख होती, सावंतवाडी शहरात सर्व पायाभूत सोयी उपलब्ध करून त्यानी चराठ्याच्या एका वाडीला अंधारातून प्रकाशाकडे आणले,शांत सुसंस्कृत संयमी जनता अशी या शहराची ओळख होती,या निवडणुकीत त्या ओळखीला निश्चितपणे गालबोट लागले असे म्हटले तर वावगे ठरणार नाही.

*ही काय निवडणूक?*

*ही तर श्रीमंतांच्या गुन्हेगारी गुंतवणुकीचा ऑक्शन!*

सरकार, पोलीस, निवडणूक आयोग सगळ्यांना अंधत्व आलंय का?सोशल मीडियावर व्हिडिओंचा महापूर.

साक्षीदारांचे बयान खुलेआम.

गाड्यांमधून पॅकेट, बॅगा, बंडल्स.

पण…कारवाई? शून्य.केस? नाही.

रेड? नाही.गुटखा पकडला तर पोलीस धावतात.दारू सापडली तर ताबडतोब खेचतात.मग लोकशाहीची हत्या करणारे गुन्हेगार मोकाट का?

राजकीय बारबालांना सरकारी संरक्षण मिळतंय का?असा सवाल मुठभर सुज्ञ जनता विचारत आहे.

 

*मतांचा बाजार = समाजाचा नाश*

जिथे पैसा वाटतो, तिथे— गुन्हेगार टोळ्या वाढतात,कंत्राटी माफिया राज करतात,प्रशासन झुकतं,तत्त्व, विचार, मूल्य संपतात,कार्यकर्ते गुलाम बनतात,रुग्णालय–शाळा–रस्ते अधांतरी राहतात,पैसा घेऊन मतदान करणारा मतदार प्रत्यक्षात आपलं भविष्य, आपल्या मुलांचं भविष्य, आपल्या समाजाचं भविष्य विकतो!

 

*मतदारच बारबाला, राजकारणी मालक — आणि लोकशाहीचे दहन*

मत विकून आपण करू पाहतोय काय?लोकशाही मजबूत की हुकूमशाही जन्म?राजकीय मालकांच्या नोटांचे फडफडाट पाहून नाचणारा मतदार,भविष्यात त्या नेत्यांचे गुलामीच करणार.कारण—

जे पैशाने येतात, ते पैशाचीच वसुली करतात.

*अंतिम धडा*

मतदार राजा जागा हो, नाहीतर लोकशाहीचा अंत ठरलेला!**

स्वतःची किंमत –₹५००० ठेवून

आपण स्वतःला बारबालेच्या दर्जावर आणलं आहे.लोकशाहीचे तीन शत्रू—

नेत्यांचा पैसा, प्रशासनाची गप्पी, आणि मतदारांची लालसाहे एकत्र आले की देशाची अवस्था दयनिय व्हायला वेळ लागत नाही.आज सिंधुदुर्गात जे दिसतंय,ते आगामी हुकूमशाहीचे पाऊलवाट आहेत.

मत विकून नेता निवडू नका.भविष्य विकू नका.स्वाभिमान विकू नका.

नाहीतर उद्या इतिहास लिहील—

“सिंधुदुर्गात लोकशाही पैशाच्या चिखलात बुडाली.”

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_