🛑गेंड्याच्या कातडीचे अधिकारी,निलंबनाचा धक्का आणि सिंधुदुर्गातील अवैध धंद्यांचे साम्राज्य.

*🛑गेंड्याच्या कातडीचे अधिकारी,निलंबनाचा धक्का आणि सिंधुदुर्गातील अवैध धंद्यांचे साम्राज्य.*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- २३:-* सिंधुदुर्ग जिल्ह्यात गेल्या काही वर्षांपासून मटका, अवैध दारू, जुगार, चरस-गांजा आणि भूमाफियांची दादागिरी उघडपणे सुरू आहे. कायद्याचे रक्षकच या धंद्यांचे आश्रयदाता बनल्यामुळे जिल्ह्यातील सुज्ञ नागरिकांत रोष निर्माण झाला आहे. कोकण लाईव्हसारख्या चॅनेलनी सातत्याने या धंद्यांवर प्रकाशझोत टाकून प्रशासनाला जागे करण्याचा प्रयत्न केला. पण खरे पाऊल उचलावे लागले ते थेट पालकमंत्री नितेश राणे यांना.कणकवली पोलीस ठाण्याचे निरीक्षक जाधव यांना कर्तव्यात कसूर प्रकरणी निलंबित करण्यात आले आणि हा जिल्ह्यातील काळ्या धंद्यांच्या गोटाला मोठा दणका ठरला.

*सिंधुदुर्गातील अवैध धंद्यांचा आकडेवारीसह आढावा*

*मटका साम्राज्य* : अंदाजे १५०० ते २०० ०मटका अड्डे जिल्ह्यात कार्यरत.

*अवैध दारू* : दरमहा ₹१० कोटी हून अधिक काळा पैसा गोव्याहून येणाऱ्या दारूमार्फत फिरतो.

*गांजा-चरस* : जवळपास २० ते २५ कॉलेज परिसरात ‘गांजा नेटवर्क’ सक्रिय. दरमहा किमान ₹५ कोटीची उलाढाल.

*जुगार अड्डे* : प्रत्येक तालुक्यात किमान ५ ते १० अड्डे, उत्सवकाळात वाढते प्रमाण. किमान २ ते ३ कोटीची उलाढाल होते.

*भूमाफिया व्यवहार* : मागील ५ वर्षांत जिल्ह्यात बाहेरील बिल्डरांनी घेतलेल्या जमिनींची किंमत १५०० कोटींपेक्षा जास्त.या आकडेवारीतूनच हे स्पष्ट होते की जिल्ह्याच्या आर्थिक, सामाजिक आणि राजकीय घडामोडींवर काळा पैसा व अवैध धंदे कसा गडद सावली टाकतात.

*निलंबनाचे गांभीर्य व परिणाम*

जाधव यांचे निलंबन केवळ एका अधिकाऱ्यावरील कारवाई नाही. तर ही कारवाई जिल्ह्यातील ८ तालुक्यांतील सर्व पोलीस निरीक्षकांना दिलेला इशारा आहे.

कारवाईनंतर एकाच दिवसात —मटका अड्डे बंद पडले,कॉलेज परिसरातील ‘गांजा पिणारे गाजाडे टोळके’ गायब झाले,

शाळा-रुग्णालयाजवळचे सिगारेट हब बंद झाले,बांदा चेक पोस्ट वरुन सिंधुदुर्गात येणाऱ्या अवैध दारूवर नियंत्रण ठेवण्यात आले.यावरून हेच दिसून येते की पोलीसांनी इच्छाशक्ती दाखवली, तर जिल्ह्यातील ७०% अवैध धंदे एका दिवसात थांबू शकतात.

*प्रशासनाच्या ढिलाईला चपराक*

सिंधुदुर्गातील अनेक अधिकारी ‘हप्ते खाऊन’ सुस्तावले आहेत. वारंवार तक्रारी होऊनही ते कारवाई टाळतात. जणू काही अवैध धंदे हेच जिल्ह्याचे “अर्थचक्र” असल्याची परिस्थिती निर्माण झाली आहे.पोलीस ठाण्याच्या पाठीशी स्थानिक राजकीय दबाव,गावोगावी काळ्या पैशाच्या जोरावर पसरलेली माफिया दादागिरी,आणि पोलीस अधिकाऱ्यांचा “मिळेल त्या वाट्याचा” दृष्टिकोन,या तिन्ही घटकांच्या संगनमतामुळे जिल्हा आज गुन्हेगारीच्या सावटाखाली आहे.

*आता पुढे काय?*

पालकमंत्री नितेश राणे यांनी दिलेला इशारा हा फक्त सुरुवात आहे. परंतु जिल्ह्यात कायमस्वरूपी बदल घडवायचा असेल तर:

अवैध धंद्यांचा टॉप-१० आरोपींची यादी जाहीर करणे.प्रत्येक तालुक्यात विशेष पोलीस पथक स्थापन करणे.

शाळा-कॉलेज परिसरात नशाविरोधी स्क्वॉड नेमणे.भूमाफियांच्या व्यवहारांवर महसूल-गुन्हे शाखेची चौकशी होणे गरजेचे

जिल्ह्यातील पोलीस अधिकाऱ्यांची जबाबदारी ठरवणारी वार्षिक रिपोर्ट प्रणाली.

*शेवटचा सवाल*

आज पोलीस निरीक्षक जाधव यांचे निलंबन झाले म्हणून जिल्ह्यात शुकशुकाट आहे. पण प्रश्न असा की हे निलंबन कायमस्वरूपी सुधारणा घडवेल का?की काही दिवसांनी पुन्हा मटका, दारू, जुगार, गांजा या जिल्ह्याच्या हवेबरोबरच सुरू राहतील?

सिंधुदुर्गकरांना आज केवळ आश्वासन नको, तर कठोर, सातत्यपूर्ण आणि आकडेवारीवर आधारित कारवाई हवी आहे. अन्यथा हा जिल्हा विकासाऐवजी अवैध धंद्यांचा सिंधुदुर्ग म्हणूनच ओळखला जाईल.व युवा पिढी बरबाद होईल एवढे मात्र निश्चित.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_