🛑 “अवैध धंद्यांना पाठबळ देणाऱ्या अधिकारी-कर्मचाऱ्यांना सस्पेंड करणार” – पालकमंत्री नितेश राणे.

*🛑 “अवैध धंद्यांना पाठबळ देणाऱ्या अधिकारी-कर्मचाऱ्यांना सस्पेंड करणार” – पालकमंत्री नितेश राणे.*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कणकवली, दि- २२:-* कणकवलीतील मटका-जुगार अड्ड्यावर धाड घातल्यानंतर आता दारू माफिया, अंमली पदार्थांचा व्यापार व वाळू माफिया यांच्यावर कारवाईचा नंबर लागणार असल्याचा इशारा पालकमंत्री नितेश राणे यांनी दिला आहे.“सर्व अवैध धंदे त्वरित बंद झाले नाहीत, तर आम्ही दर आठवड्याला धाडसत्राची ब्रेकिंग न्यूज देणार. तसेच या धंद्यांना पाठबळ देणारे पोलीस अधिकारी, महसूल अधिकारी किंवा अन्य शासकीय कर्मचारी असतील तर त्यांना सरळ सस्पेंड करणार,” असा थेट इशारा त्यांनी पत्रकार परिषदेत दिला.

*नऊ महिने दिले तरी पोलीस निष्क्रिय!*

“मी पालकमंत्री झाल्यानंतर लगेचच जिल्ह्यातील मटका, जुगार, गांजा अड्डे बंद करण्याचे आदेश पोलीस प्रशासनाला दिले होते. त्यासाठी नऊ महिने वाट बघितली. पण पोलिसांनी कारवाईच केली नाही, म्हणून मला स्वतः धाड टाकावी लागली,” असे राणे म्हणाले.

*त्यांनी टोला लगावत विचारले* –

“जिल्ह्यात सक्षम पोलिस असताना अवैध धंदे अजूनही सुरू कसे?”

*गांजा विक्रेत्यांवर टार्गेट*

पालकमंत्र्यांनी अनेक ठिकाणांची थेट नावे घेत इशारा दिला –“सावंतवाडी रेस्ट हाऊसच्या मागे सिगारेटच्या पॅकेटमधून गांजा विक्री सुरू आहे, ते कोण करतात, कोण ओढतात, हे मला माहीत आहे.”“खारेपाटण चेकपोस्ट, कणकवलीतील हरकुळ बुद्रूक गावासह संपूर्ण जिल्ह्यात अवैध धंद्यांचे जाळे आहे.”“या धंद्यांना कोणते अधिकारी व किती रक्कम घेऊन पाठबळ देतात, धाड टाकायच्या आधी पूर्वकल्पना कोण देतो – याचे पुरावे माझ्याकडे आहेत.”

*त्यांनी स्पष्ट इशारा दिला* –

“योग्य वेळी सगळ्यावर कारवाई करणार. मग नोकरी गेली म्हणत कोणी रडत बसू नका.

“*हप्त्यांच्या आरोपांवर थेट उत्तर*

राणे म्हणाले, “मटका-जुगार अड्ड्यांवर कारवाई करा असे सांगितल्यावर माझ्यावर ‘हप्ता मिळत नाही, वाढवून हवा’ असे आरोप झाले. मी मात्र गप्प बसलो, कारण पोलिसांना संधी द्यायची होती. पण काही अधिकारी दुहेरी रक्कम उकळत राहिले. मला तर कोणत्या रंगाचा इन्व्हलप, कोणत्या नोटा वापरतात हे सगळं माहिती आहे.”

*दर आठवड्याला धाडसत्र*!

“काल मटका अड्ड्यावर धाड टाकली. आता दर आठवड्याला सर्व अवैध धंद्यांवर धाडसत्र होईल. हे व्यवसाय कायमचे बंद केले जातील,” असा निर्णायक इशारा त्यांनी दिला.

*“सस्पेंड झालात तर मला दोष देऊ नका”*

“सिंधुदुर्गातील LCB, पोलीस, महसूल व इतर विभाग वाळू चोरी, गांजा, गोवा दारूला पाठबळ देतात. मी त्यांना वेळ देतोय, कारवाई करा. कोणी सस्पेंड झालं तर मला दोष देऊ नका,” अशी स्पष्ट भूमिका राणेंनी घेतली.

*राणेंची आठवण – “व्यसनांच्या आहारी जाऊ दिलं नाही”*

“खासदार नारायण राणे यांनी १९९० पासून सिंधुदुर्ग जिल्ह्याची वेगळी ओळख निर्माण केली. तरुणांना रोजगार मिळवून दिला, व्यसनांच्या आहारी जाऊ दिलं नाही. मी त्यांचा मुलगा आहे. त्यामुळे या जिल्ह्यातील तरुणांना व्यसनाधीन होऊ देणार नाही,” असे ते म्हणाले.

*जनतेला थेट संदेश*

पालकमंत्री म्हणाले, “अवैध धंद्यांना आळा घालणे ही केवळ माझी जबाबदारी नाही. पोलीस, पत्रकार, शासकीय अधिकारी आणि सर्वसामान्य जनता यांनी आपली भूमिका चोख पार पाडली पाहिजे. अन्यथा युवा पिढी बाद होणार, आणि मग जबाबदार आपणच असू.”

संपूर्ण पत्रकार परिषदेत नितेश राणे यांचा स्वर आक्रमक, रोखठोक आणि इशाराभरला होता. ‘आता शब्द नाही, थेट कृती!’ असाच संदेश त्यांनी दिला.

*सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_