🛑गांजा-पार्ट्यांचे सावंतवाडीत ‘स्मोकिंग हब’: विद्यार्थ्यांचा अध:पात आणि पोलिसांची उदासीनता!
*🛑गांजा-पार्ट्यांचे सावंतवाडीत ‘स्मोकिंग हब’: विद्यार्थ्यांचा अध:पात आणि पोलिसांची उदासीनता!*
*🎥 KOKAN LIVE BREAKING ||NEWS CHANNEL*
*✍️ संपादकीय : सीताराम गावडे*
*🎴सिंधुदुर्ग, दि- ०६:-* स्वातंत्र्याचा अमृत महोत्सव साजरा करत असताना सावंतवाडी शहरामध्ये गांजा, अफू, सिगारेट, पार्ट्या आणि नशेचे थैमान चालले आहे. धक्कादायक बाब म्हणजे यात महाविद्यालयीन युवक-युवती, डॉक्टर-इंजिनीयर बनण्याचं स्वप्न पाहणारी उच्चभ्रू घरातील मुलं नशेच्या दलदलीत अडकली आहेत, आणि दुर्दैवाने पोलिसांची नजर असूनही कृती नाही!
*सिगारेटमध्ये गांजा, गाड्यांत अफू, हॉटेलमधील ‘गुप्त झोन’!*
सावंतवाडीतील काही हॉटेलमध्ये खास ‘अनधिकृत सिगारेट झोन’ तयार केले गेले आहेत. काही ठिकाणी हिरव्या नेट लावून “गोपनीय धूरपट्टी केंद्र” उभारण्यात आले आहेत. येथे सर्रास गांजा मिसळलेल्या सिगारेट्स ओढल्या जातात. सुशिक्षित मुलींपासून इंजिनिअरिंग, मेडिकल, आणि आर्ट्सच्या मुलांपर्यंत अनेक जण या ‘पार्ट्यां’चा भाग होऊन शरीर, मन आणि भविष्य उद्ध्वस्त करत आहेत.
*औत्सुक्याने सुरुवात, पण संपते आयुष्याचं उध्वस्त होणं!*
अकरावी-बारावीतील मुले सुरुवातीला “फक्त ट्राय” म्हणून गांजाकडे वळतात. पण एकदा त्या चक्रात सापडल्यावर माघार घेणं अशक्य होतं. आम्ही स्वतः गांजा मिळत नसल्यामुळे गळफास लावून आत्महत्या केलेला तरुण आणि त्याची आक्रोश करणारी आई डोळ्यांनी पाहिली आहे.
दारू पेक्षा धोकादायक असणारे हे अफू आणि गांजा मेंदूवर थेट परिणाम करतात, आणि एकदा या नशेच्या आहारी गेलेली व्यक्ती नाते, धर्म, कर्तव्य, शिक्षण सर्व विसरते.
*कोट्यवधींचे वाहनं, पण उत्पन्न कुठून?*
सावंतवाडीच्या रस्त्यांवर चार कोटींच्या गाड्या फिरताना दिसतात, आणि त्या चालवत असतात कधीकाळी मोडक्या चेतकवर सामान विकणारे लोक! कोणता व्यवसाय असा आहे की क्षणात करोडपती बनवतो? हे ‘पैसे कुठून आले?’ याची चौकशी पोलीस करतील का? की हप्त्याच्या लोणीत लोण्यासारखं सर्व गिळून टाकणार?
*पोलीस का गप्प? दंड – सोडून – परत धंदा!*
अनेकदा पोलिसांकडून केवळ दंडात्मक कारवाई करून सोडून दिलं जातं. गांजा पकडला, अफू सापडला – पण दुसऱ्या दिवशी पुन्हा तोच विक्रेता दुसऱ्या गल्लीत ‘डील’ करताना दिसतो! कारवाईसाठी ‘दबाव’ येतो, ‘फोन’ येतो, आणि सर्व मिटतं.
*पालक गुंतलेत नोकरी,व्यवसायात – मुलं भरकटलीत!*
आजच्या काळात आई-वडील दोघंही नोकरी-व्यवसायात व्यग्र आहेत. घरात मुलं एकटी, मोबाईलमध्ये गर्क, आणि सोबत ‘फ्रेंड सर्कल’. इंटरनेट, OTT, इंस्टाग्राम या माध्यमांतून नशेचं भयानक आकर्षण वाढवलं जातं. एकत्र कुटुंब पद्धती नष्ट झालीय आणि संस्कारही हरवलेत.
*शाळा-काॅलेजमधून तपासणी हवी* – दप्तरांमध्ये गांजा सापडतोय!
शाळा, महाविद्यालय, अभियांत्रिकी आणि वैद्यकीय संस्था यांनी आता दप्तर तपासणी बंधनकारक करावी. ज्या विद्यार्थ्याच्या पाठीवर गांजा सापडेल, त्याला संस्थेबाहेरचा रस्ता दाखवावा – अशी ठोस पावले उचलल्याशिवाय यातून सुटका नाही.
*आम्हाला आपण काय उपाय करावेसे वाटतात?*
1. पोलीस विभागाने खऱ्या सूत्रधारांवर हल्ला चढवावा. किरकोळ विक्रेत्यांना सोडून मूळ पुरवठादारांवर कार्यवाही झाली पाहिजे.
2. हॉटेल्सवर छापे, अनधिकृत सिगारेट झोन बंद.
3. शाळा-काॅलेजांमध्ये समुपदेशन केंद्र सक्तीने सुरू करावे.
4. प्रत्येक पालकाने मुलांच्या बॅगपेक्षा त्यांच्या नजरेतील बदल तपासावा.
5. गोपनीय हेल्पलाइन सुरू करून तरुणांना बाहेर पडण्यासाठी मदत करावी.
*”हा लढा गांज्याच्या वासाविरुद्ध नाही, तर आपल्या मुलांच्या भविष्यासाठी आहे!”*
या लढ्याला सामील व्हा. उद्याचा युवा भारत जर अधोगतीला गेला, तर घर, गाव, राष्ट्र काहीही टिकणार नाही.
आजच एक पाऊल उचला – “नाहीतर एक दिवस आपल्या मुलाच्या हातात बॅटरी नसलेली पण धूर सोडणारी सिगारेट असेल, आणि त्याच्या नशेत बुडालेल्या डोळ्यांकडे पाहून आपण फक्त पश्चातापच करू शकू.”
*सविस्तर बातमीसाठी खालील लिंक वर क्लिक करा…….👇👇👇👇*
_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*
https://chat.whatsapp.com/GX6edZZhJPuIF8DertMr8J
*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*
*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*
*🔥💥 कोकण लाईव्ह ब्रेकिंग 💥🔥*
_*अचूक बातमी थेट हल्ला*_
*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*
*♦ब्युरो चीफ : विशाल पित्रे*
*📱संपर्क : +919405475712*
*▪️मुख्य कार्यालय*
*कोकण लाईव्ह ब्रेकिंग*
आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे
ता.सावंतवाडी, जि. सिंधुदुर्ग
——————————–
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/
*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg
*🎴कोकण लाईव्ह वेबसाईट👇🏻*
*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/
*🎴कोकण लाईव्ह टेलिग्राम👇🏻*
https://t.me/kokanlive
*🎴कोकण लाईव्ह ट्विटर👇🏻*
*🖥️ कोकण लाईव्ह ब्रेकिंग*
_अचूक बातमी थेट हल्ला_