🛑 जर्मनीत कमी फीमध्ये शिक्षणासाठी सुवर्णसंधी

🛑 राहुल नाईक यांचे ‘एज्युब्रॉड’मार्फत सिंधुदुर्गातील विद्यार्थ्यांना परदेशात जाण्याचे दार खुले..

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🛑कुडाळ, दि.२७:- कोकणासह संपूर्ण महाराष्ट्रातील विद्यार्थ्यांसाठी परदेशात शिक्षणाच्या दिशा खुले करण्याचे कार्य सिंधुदुर्गातील युवक राहुल नाईक करत असून, त्यांनी स्थापन केलेल्या ‘एज्युब्रॉड एज्युकेशन अँड करिअर गाईडन्स सेंटर बर्लिन’ या संस्थेमार्फत विद्यार्थ्यांना कमी फीमध्ये जर्मनीसह युरोपातील विविध देशांमध्ये शिक्षण घेण्याची सुवर्णसंधी उपलब्ध करून दिली आहे. कुडाळ येथे घेतलेल्या पत्रकार परिषदेत त्यांनी ही माहिती दिली.

या पत्रकार परिषदेला उद्योजक अ‍ॅड. श्रीनिवास नाईक, सौ. स्नेहा नाईक, सौ. श्रुती नाईक आदी उपस्थित होते.

राहुल नाईक गेली १५ वर्षे जर्मनीतील बर्लिन येथे वास्तव्यास आहेत. त्यांनी तिथे ऑटोमोबाईल इंजिनिअरिंगमध्ये मास्टर्सची पदवी मिळवली आहे आणि आज हजारो भारतीय विद्यार्थ्यांना युरोपमध्ये शिक्षण व नोकरीसाठी मार्गदर्शन करत आहेत. विद्यार्थ्यांच्या परदेशातील समस्यांचा प्रत्यक्ष अनुभव आल्याने त्यांनी ही संस्था सुरू केली असल्याचे त्यांनी यावेळी सांगितले.

 

*विद्यार्थ्यांसाठी संपूर्ण सेवांचा समावेश*

 

*एज्युब्रॉड संस्थेमार्फत विद्यार्थ्यांना खालील सेवा दिल्या जातात*:

 

*योग्य युनिव्हर्सिटी व कोर्स निवडण्यासाठी मार्गदर्शन*

 

*व्हिसा अर्ज आणि प्रक्रिया*

 

*परदेशातील निवास, प्रवास आणि प्रशासकीय बाबींमध्ये मदत*

 

*जर्मन व फ्रेंच भाषा प्रशिक्षण (ऑनलाइन पद्धतीने)*

 

*परदेशात नोकरी मिळवण्यासाठी सहाय्य*

श्री. नाईक यांच्या पत्नी श्रुती नाईक या संस्थेच्या भाषाशिक्षण विभागाची जबाबदारी सांभाळतात. भाषा ही परदेशातील शिक्षणासाठी आणि समायोजनासाठी अत्यंत आवश्यक असल्यामुळे ऑनलाईन क्लासेस सुरू करण्यात आले आहेत.

*सिंधुदुर्ग शाखेमार्फत १५ विद्यार्थी युरोपात*

सिंधुदुर्ग जिल्ह्यातील विद्यार्थ्यांसाठी दोन वर्षांपूर्वी ही शाखा सुरू करण्यात आली असून, आतापर्यंत १५ पेक्षा अधिक विद्यार्थ्यांनी या माध्यमातून जर्मनीमध्ये उच्च शिक्षणाची सुरुवात केली आहे. विद्यार्थ्यांना परदेशातही ‘घराबरोबरचा जिव्हाळा’ मिळावा, यासाठी संस्थेमार्फत वैयक्तिक लक्ष दिले जाते, असे राहुल नाईक यांनी नमूद केले.

*परदेशातील शिक्षण – एक परिवर्तनकारी अनुभव*

शिक्षण, संशोधन, संस्कृती आणि करिअरच्या संधींचा संगम असलेले परदेशातील शिक्षण हे आजच्या तरुणांसाठी परिवर्तनकारी ठरते. युनायटेड स्टेट्स, कॅनडा, ऑस्ट्रेलिया, युके, जर्मनीसारख्या देशांमध्ये विद्यार्थ्यांसाठी असंख्य संधी आहेत. त्या सुलभ करण्यासाठी एज्युब्रॉड संस्था प्रामाणिकपणे काम करत असल्याचा विश्वास श्री. नाईक यांनी यावेळी दिला.