*राणीसाहेब सौ. शुभदादेवी खेमसावंत भोंसले यांच्या मातोश्रींचे दुःखद निधन*

*राणीसाहेब सौ. शुभदादेवी खेमसावंत भोंसले यांच्या मातोश्रींचे दुःखद निधन*

सावंतवाडी, दि. २३ जुलै (प्रतिनिधी):
सिंधुदुर्ग जिल्हा शिक्षण प्रसारक मंडळाच्या कार्याध्यक्षा राणीसाहेब सौ. शुभदादेवी खेमसावंत भोंसले यांच्या मातोश्री श्रीमती मृणालिनीदेवी शिवाजीराव सावंत (वय ८९) यांचे बेंगळूर येथे दुःखद निधन झाले. त्यांच्या निधनामुळे सावंतवाडी, सिंधुदुर्ग जिल्ह्यासह संपूर्ण संस्थात्मक व सामाजिक क्षेत्रात शोककळा पसरली आहे.

*शैक्षणिक, सामाजिक व सांस्कृतिक क्षेत्रातील आदर्श माता*
मृणालिनीदेवी यांचा जन्म आणि जीवनप्रवास संस्कारशीलतेचा, कुटुंबप्रमुखपणाचा आणि संस्कृतीशीलतेचा आदर्श होता. त्यांनी आपल्या मुलींना आणि संपूर्ण कुटुंबाला मूल्याधिष्ठित जीवनाची शिकवण दिली. त्यांच्यामुळे अनेक पिढ्यांना सुसंस्कार लाभले आहेत.
*संस्था व महाविद्यालयाकडून श्रद्धांजली*
सिंधुदुर्ग जिल्हा शिक्षण प्रसारक मंडळ, सावंतवाडी यांच्यावतीने सर्व कार्यकारीणी सदस्य, तसेच श्री पंचम खेमराज महाविद्यालय येथील सर्व शिक्षक, शिक्षकेतर कर्मचारी व विद्यार्थी वर्ग यांनी मृणालिनीदेवींना श्रद्धांजली अर्पण केली. त्यांच्या स्मृतीस विनम्र अभिवादन करताना संस्थेचे प्रतिनिधी म्हणाले की, “त्यांचा जीवनप्रवास आम्हा सर्वांसाठी प्रेरणादायी राहिला आहे.”
*पश्चात परिवार*
त्यांच्या पश्चात तीन कन्या – राणीसाहेब सौ. शुभदादेवी खेमसावंत भोंसले, सौ. अनुराधा इंद्रजीत घोरपडे व सौ. प्रिया शैलेंद्र घोरपडे, जावई – राजेसाहेब खेमसावंत भोंसले, श्री. इंद्रजीत घोरपडे व श्री. शैलेंद्र घोरपडे, तसेच नातवंडे व विस्तृत कुटुंबीय असा परिवार आहे.