🛑तरुण पिढीला डाॅ. आंबेडकर समजून सांगावे लागतील!

*🛑तरुण पिढीला डाॅ. आंबेडकर समजून सांगावे लागतील!*

 

*🛑दर्पण प्रबोधिनीच्या जय भीम महोत्सव अंतर्गत व्याख्यान कार्यक्रमात जगदिश आेहोळ यांचे प्रतिपादन*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कणकवली, दि- ११:-* विश्वरत्न, महामानव डाॅ. बाबासाहेब आंबेडकर यांनी त्यावेळी मनुस्मृतीचे दहन केले नसते तर आजही स्त्रिया, दलित, शोषितांना सामाजिक विषमतेचे झळ सोसावी लागली असती. डाॅ. आंबेडकर हे एका समाजाचे उद्धारकर्ते नाहीत, तर ते सर्व समाजांचे उद्धारकर्ते आहेत. अलीकडच्या काळात युवा पिढी सोशल मीडियाच्या आहारी गेली आहे. या पिढीला सामाजिक बांधिलकीबद्दल काही देणे-घेणे राहिलेले नाही. त्यामुळे या पिढीला सोशल मीडियाचा अभ्यासी जगतातून बाहेर काढण्याची जबाबदारी फुले-आंबेडकर चळवळीतील मंडळींवर येऊन ठेपली आहे. डाॅ. आंबेडकर हे कोण होते हे आजच्या तरुण पिढीला समजून सांगणे काळाची गरज बनली आहे. संविधानाला नख लावण्याचे काम पद्धतशीपणे सुरू आहे. हे प्रयत्न फुले-आंबेडकर यांच्यासह संविधान मानणाऱ्या मंडळींनी संविधानिक आयुधांचा वापर करून हाणून पाडणे ही सर्वांची सामूहिक जबाबदारी आहे. तगाथत गौतम बुद्ध, डाॅ. बाबासाहेब आंबेडकर यांचे विचारांमध्ये जगात शांतता प्रस्थापित होण्याची ताकद आहे. त्यामुळे त्यांचे विचार जगाला तारतील, असे प्रतिपादन लेखक, विचारवंत जगदिश आेहोळ यांनी केले.

दर्पण प्रबोधिनी संस्थेच्यावतीने शहरातील पेट्रोल पंपासमोरील उड्डाणपुलाखाली जय भीम महोत्सवाचे आयोजन केले होते. या महोत्सवांतर्गत ‘जग बदलणारा बाप माणूस डाॅ. बाबासाहेब आंबेडकर’ या विषयावर व्याख्यान देताना श्री. आेहोळ बोलत होते. यावेळी मंचावर दिग्शदर्शक राजदत्त तांबे, दर्पण प्रबोधिनी संस्थेचे अध्यक्ष आनंद तांबे, महोत्सवाचे स्वागताध्यक्ष श्रीधर तांबे, नितीन कदम, डाॅ. अशोक कदम, चर्मकार समाज उन्नती मंडळाचे जिल्हाध्यक्ष सुजीत जाधव, विद्याधर तांबे, दर्पण प्रबोधिनी संस्थेच्या महिला फ्रंडच्या अध्यक्षा स्नेहल तांबे, नीलम पवार, सिद्धार्थ तांबे, प्रा. राजेंद्र मुंबरकर, राजेश कदम आदी मान्यवर उपस्थित होते. आेहोळ म्हणाले, सध्या काळ हा आधुनिकतेचा आहे. या काळात तंत्रज्ञाने अफाट प्रगती केली आहे. प्रत्येक व्यक्ती तंत्रज्ञानस्नेही झाली आहे. विशेष करून तरुण पिढी सोशल मीडियावर फारच सक्रिय असते. ही पिढी स्मार्ट आहे, मात्र, त्यांना सामाजिक भान नाही. रिल्स पाहणे व रिल्स तयार करणे ही त्यांची हाॅबी बनली आहे. या पिढीला वाचनासाठी प्रोत्साहित करणे खूप मोठे आव्हान आहे, हे आव्हान फुले-आंबेडकर चळवळीतील मंडळी स्वीकारून तरुण पिढीला वाचन संस्कृतीकडे नेणे हे सामाजिकदायित्व आहे. डाॅ. आंबेडकर यांनी अत्यंत प्रतिकूल परिस्थितीत सामाजिक विषमेतेविरोधात लढा दिला. हा लढा देताना डाॅ. आंबेडकर यांना जातीवाद, अस्पृशतेबरोबरच अनेक संकटे आणि आव्हानांचा सामना करावा लागला होता. देशात सामाजिक समता प्रस्थापित होण्यासाठी आणि अनिष्ट प्रथांचा समूळ उच्चाटन करण्यासाठी डाॅ. आंबेडकरांनी मनुस्मृतीचे दहन केले होते. शिका, संघटित व्हा आणि संघर्ष करा, हा मूलमंत्र डाॅ. आंबेडकर यांनी स्त्रियांना व दलित, शोषितांना दिला. या मूलमंत्राचा विसर पडत कामा नये याकरिता फुले-आंबेडकर चळवळतील मंडळींना नेहमीच सतर्क राहिले पाहिजे. डाॅ.आंबेडकर हे मोटीव्हेशनल स्वीकर असून ते कोण होते, हे आजच्या तरुण पिढीला समजून सांगावे लागणार आहे, असे आेहोळ यांनी सांगून तत्कालीन सामाजिक विषमतेवर भाष्य करीत डाॅ. आंबेडकरांचे आचार व विचार तरुण पिढीने आत्मसात करावे, असे आवाहन त्यांनी केले.

डाॅ. आंबेडकर हे दलित होते. अस्पृशता आणि सामाजिक विषमतेची झळ सोसून डाॅ. त्यांनी स्वतःचे कर्तृत्व सिद्ध केले. त्यामुळे ते भारतच नव्हेतर जगासाठी खरे आयडाॅल आहेत. आजच्या युगात हायप्रोफाईल आयुष्य जगण्यासाठी प्रत्येक जण मेहनत घेत आहे. हे आयुष्य जगण्यासाठी पैसा आणि संपत्ती मिळवण्यासाठी प्रत्येकाची धडपड सुरू आहे. हायप्रोफाईल आयुष्य जगण्याच्या नादात आपण सामाजिकदायित्व विसरत चाललो आहे, अशी खंत त्यांनी व्यक्त केली. डाॅ. आंबेडकर यांनी उच्च शिक्षण घेताना त्यावेळी देश व जगातील राजकीय, आर्थिक, सामाजिकस्थितीचा अभ्यास केला होता. राजकीय, आर्थिक, सामाजिक परिस्थिती सुधारण्यासाठी डाॅ. आंबेडकर यांनी अभ्यासाअंती विविध उपाययोजना सुचवले होते, त्यावेळी त्यांनी सुचविलेल्या उपाययोजनांची अंमलबजावणी केल्यामुळे देशात राजकीय, सामाजिक, आर्थिक क्षेत्रांमध्ये परिवर्तन घडून आले होते. त्यामुळे डाॅ.आंबेडकर हे खऱ्या अर्थाने जग बदलणारा माणूस होता, असे म्हटले वावगे ठरू नये. तरुण पिढीने सोशल मीडियावर जास्त सक्रिय न राहता समाजसुधारकांवर लिहिलेली पुस्तके वाचली पाहिजेत. समाजसुधारकांना तरुण पिढीने आपले आर्दश मानले पाहिजेत, अशी अपेक्षा त्यांनी व्यक्त केली.

*सविस्तर बातमीसाठी खालील लिंक वर क्लिक करा…….👇👇👇👇*

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_