🛑सिंधुदुर्गातील खनिज साठ्यांच्या जमिनी उद्योगपतींना देण्याचा सत्ताधाऱ्यांचा डाव!

*🛑सिंधुदुर्गातील खनिज साठ्यांच्या जमिनी उद्योगपतींना देण्याचा सत्ताधाऱ्यांचा डाव!*

 

*🛑काँग्रेसचे प्रदेशाध्यक्ष हर्षवर्धन सपकाळ यांचा गंभीर आरोप*

 

*🛑गोपुरीत विचारवंत व सामाजिक चळवळीतील मंडळींचा सपकाळ यांच्याशी संवाद*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴कणकवली, दि- १६:-* सिंधुदुर्ग जिल्ह्यातील सामाजिक सलोखा बिघडविण्याचे काम सत्ताधारी पक्षातील मंत्री व नेतेमंडळी करीत आहेत. हिंदू-मुस्लीम धर्मांमध्ये तेढ निर्माण करून जिल्ह्यातील वातावरण तंग ठेवण्याचा प्रयत्न सत्ताधाऱ्यांकडून सुरु आहे. जिल्ह्यातील खजिनांचा साठा असलेल्या जमिनी पंतप्रधान नरेंद्र मोदींचे मित्र असलेल्या दोन उद्योगपतींना देण्याचा महायुती सरकारचा डाव आहे. खजिन साठ्यांच्या उत्खननाला ग्रामस्थांचा विरोध होऊ नये याकरिता सामाजिक सलोखा बिघडविण्याचे काम भाजपचे मंत्री व नेतेमंडळींकडून पद्धतीशिरपणे सुरू आहे. भाजपचा हा कुटील डाव सिंधुदुर्गवासीयांना हाणून पाडण्यासाठी लढा दिला पाहिजे. या लढ्यात काँग्रेस पक्ष जिल्हावासीयांच्या पाठिशी खंबीरपणे उभा राहील. बिघडलेला सामाजिक सलोखा पुन्हा प्रस्थापित करण्यासाठी काँग्रेस पक्ष लवकरच जिल्ह्यात सदभावना पदयात्रा काढणार आहे, असे काँग्रेसचे प्रदेशाध्यक्ष हर्षवर्धन सपकाळ यांनी सांगितले.

वागदे येथील गोपुरी आश्रामाला सपकाळ यांनी भेट दिली. भेटीनंतर सिंधुदुर्ग जिल्ह्यातील विचारवंत व सामाजिक चळवळींमध्ये काम करणाऱ्या मंडळींनी त्यांच्याशी संवाद साधला. यावेळी काँग्रेसचे जिल्हाध्यक्ष इर्शाद शेख, ज्येष्ठ कार्यकर्ते अनिल डेगवेकर, माजी जि. प. सदस्य नागेश मोरये, आर. टी. मर्गज, तालुकाध्यक्ष प्रदीप मांजरेकर, साहित्यिक प्रवीण बांदेकर, अॅड. संदीप निंबाळकर, डाॅ. मंगेश सावंत, डाॅ. सिडक, आदी उपस्थित होते.

सपकाळ म्हणाले, तोडा-फोडा आणि राज्य करा ही भाजपची नीती आहे. याविरोधात काँग्रेसचा लढा सुरु आहे. सिंधुदुर्ग जिल्ह्याला विचारवंतांची परंपरा लाभली आहे. मात्र, अलीकडच्या काळात परंपरा खंडित करण्याचे काम सत्ताधारी पक्षातील मंत्री व नेतेमंडळी करीत आहेत. राणे-पित्रापुत्र सत्तेत असल्याने त्यांनी जिल्ह्यात पुन्हा राजकीय दहशतवाद माजवण्यास सुरुवात केली आहे. त्यामुळे सामाजिक सलोखा बिघडू लागला आहे. हा सामाजिक सलोखा बिघडू नये म्हणून परिवर्तनवादी चळवळीमध्ये काम करणाऱ्या मंडळींना या दहशतवादविरोधात लढाई सुरु केली पाहिजे. या लढाई काँग्रेस पक्ष आपल्या खांद्याला खांदा लावून लढेल, अशी ग्वाही त्यांनी दिली.

राहुल गांधी यांच्या नेतृत्वाखाली देशात पुन्हा काँग्रेस पक्ष स्टाॅग होताना दिसत आहे. सिंधुदुर्गात काँग्रेस पक्ष संघटना मजबूत करण्यासाठी आज मी पदाधिकारी व कार्यकर्त्यांशी चर्चा केली आहे. पक्ष संघटनेचे नेटवर्क मजबूत होण्यासाठी आगामी काळात पक्षाच्या माध्यमातून जिल्ह्यातील पदाधिकारी व कार्यकर्त्यांसाठी कृती कार्यक्रम दिले जाणार आहेत. काँग्रेसची सत्ता असताना शिवसेनेतून नारायण राणे हे पक्षात आले.१२ वर्षे ते पक्षात राहिले आणि सत्ता गेल्यानंतर त्यांनी स्वतःचा पक्ष काढला. त्यानंतर तो पक्ष भाजपमध्ये विलीन करून ते भाजपवासी झाले. काँग्रेस सोडताना राणेंनी पक्षातील पदाधिकारी व कार्यकर्त्यांना आपल्यासोबत घेऊन गेले. त्यामुळे काँग्रेस पक्ष कमकुवत झाला, ही वस्तुस्थिती आहे.

राहुल गांधी यांच्या नेतृत्वात काँग्रेस पक्ष नव्या उमेदीने व वेगळ्या स्ट्राॅजेजीने वाटचाल करीत आहे. त्यामुळे आगामी काळात पक्ष गाव ते राष्ट्रीय पातळीवर पुन्हा गतवैभव प्राप्त करेल, असा विश्वास त्यांनी व्यक्त करतानाच सिंधुदुर्ग जिल्ह्यातील विचारवंत, परिवर्तन चळवळीतील मंडळी, सामाजिक संस्थांमध्ये काम करणाऱ्या मंडळींनी काँग्रेस पक्षाच्या जनहितार्थ उपक्रमांमध्ये आणि भाजपविरोधी लढ्यात पक्षाला सपोर्ट करावा, असे आवाहन त्यांनी केले. संवाददरम्यान भाजपचे मंत्री व नेते हे एक धर्माला टार्गेट करीत आहेत. त्याची ही कृती निषेधार्थ आहे, अशी खंत संदीप निंबाळकर यांनी व्यक्त केली. काँग्रेस पक्षाने परिवर्तनवादी, समाजवादी चळवळींशी व सामाजिक संस्थांशी कनेक्ट झाले पाहिजे, अशी अपेक्षा प्रवीण बांदेकर यांनी व्यक्त केली. दादा कुडतरकर यांनी ज्येष्ठ नागरिकांना भेडसावत असलले प्रश्न व समस्या सपकाळ यांच्यासमोर मांडल्या. हिंदू-मुस्लीमांमध्ये वाढत चाललेला तेढ कमी करण्यासाठी जिल्ह्यातील काँग्रेसच्या पदाधिकारी व कार्यकर्त्यांनी पुढाकार घेऊन दोन्ही धर्मांच्या बांधवांमध्ये मनोमिलन घडवून आणावे, अशी अपेक्षा विचारवंत व सामाजिक चळवळींमध्ये काम करणाऱ्या कार्यकर्त्यांनी व्यक्त केली. तत्पूर्वी सपकाळ यांचे गोपुरी आश्रमाच्यावतीने स्वागत करण्यात आले. यावेळी गोपुरी आश्रमाचे अध्यक्ष प्रा. राजेंद्र मुंबरकर, नशामुक्ती मंडळाच्या जिल्हा संघटक अर्पिता मुंबरकर, साहित्यिका सरिता पवार, दादा कुडतरकर, विनायक उर्फ बाळू मेस्त्री, व्ही. के. सावंत, विनायक सापळे, अमोल भोगले, अॅड. मनोज रावराणे, मनोज सावंत, नितीन जाळवे, नितीन तळेकर, महेश तेली, प्रवीण वरुणकर, नीलेश मालंडकर, आयेशा सय्यद, गौरी तेली, प्रदीपकुमार जाधव, डाॅ. सुनीता म्हापणकर आदी उपस्थित होते.

*मुंबईतील कोकणी माणसांचे वर्चस्व कमी करण्यासाठी भाजपचे प्रयत्न*

मुंबईमध्ये कोकणी माणसांचे वर्चस्व आहे. हे वर्चस्व कमी करणे हा भाजपचा वेगवेगळे कुटील डाव खेळत आहे. भाजपचे मंत्री, नेते, पदाधिकारी वादग्रस्त विधाने करून हिंदू-मुस्लीम व अन्य धर्मियांमध्ये तेढ निर्माण करीत आहेत. तोडा,फोडा आणि राज्य ब्रिटीशांची नीती भाजपने आत्मसात केली असून या नीतीद्वारे पक्ष काम करीत आहे. कोकणातील सर्व जिल्ह्यांमध्ये सध्या भय व राजकीय दहशततीचे वातावरण आहे. हे वातावरण तयार करणाऱ्यांच्याविरोधात काँग्रेसचे पक्ष कायदेशीर व रस्त्यावरील लढाई लढणार आहे. कोकणात सध्या बिघडलेले सामाजिक वातावरण सुधारण्यासाठी काँग्रेसचे पक्ष प्रत्येक जिल्ह्यात सदभावना पदयात्रा काढणार आहे. त्याची सुरुवात लवकरच सिंधुदुर्गातून होणार असून यात परिवर्तन व समाजावादी मंडळांनी सहभागी व्हावे, असे आवाहन हर्षवर्धन सपकाळ यांनी केले.

*सविस्तर बातमीसाठी खालील लिंक वर क्लिक करा…….👇👇👇👇*

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

https://twitter.com/livekokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_