🛑 सिंधुदुर्गात राणेंना वजा करून बाकी काही शिल्लक राहत नाही हे पुन्हा एकदा झाले सिद्ध

🛑 जिल्ह्यात वेगळे पर्व यावे म्हणून देव पाण्यात ठेवणारे राणेंच्या लाटेत गेले वाहून

🛑 तीन राणे व चौथे केसरकर यांच्या एकत्रित समिकरणाने अनेकांची स्वप्ने भंगली

🛑 पालकमंत्री नितेश राणे व आमदार निलेश राणे यांची गाडी सूसाट

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सिंधुदुर्ग, दि-०१:– कोकणात राणेंना वजा करून बाकी काही शिल्लक राहत नाही हे अनेक घटनांवरून सिध्द झाल्याने, भाजप पक्षश्रेष्ठींनी ऐन वेळी खासदारकीच्या निवडणुकीत नारायण राणे यांना रिंगणात उतरविले ,ही खेळी भाजपने खेळली नसती तर पुन्हा एकदा विनायक राऊत खासदार झाले असते हे सांगायला कोणत्याही जोतिषाची गरज नव्हती .राणेंचे पर्व संपुष्टात आणण्यासाठी ज्यांनी ज्यांनी देव पाण्यात ठेवले होते ते बुडालेच, दुसऱ्या साठी खोदलेल्या खड्ड्यात ते स्वतःच पडले व पुन्हा एकदा नारायण राणे म्हणजे कोकण हे सिद्ध झाले व पालकमंत्री नितेश राणे, आमदार निलेश राणे यांच्या रुपाने पुन्हा एकदा मोठ्या जोमाने राणे पर्वाची सुरुवात झाली.

खासदारकीच्या निवडणुकीत नारायण राणेंना सिंधुदुर्गाने साथ दिली नसती तर वेगळे चित्र दिसले असते मात्र ते नियतिलाही मान्य नव्हते म्हणून एक हाती सिंधुदुर्गाने नारायण राणे यांना साथ दिली व याच जोरावर राणे विजयी झालेत व भल्या भल्यांची स्वप्ने भंगली.नारायण राणे यांनी मुख्यमंत्री, केंद्रीय मंत्री, खासदार अशी सर्वच पदे भूषवली, राजकीय गाढा अनुभव त्यांच्या गाठीशी व दोन्ही पुत्र निलेश व नितेश यांनी घेतलेली मेहनत फळाला आली व फक्त आणि फक्त सिंधुदुर्ग जिल्ह्याच्या जिवावर नारायण राणे विजयी झालेत.व पुन्हा एकदा जिल्ह्यात राणे पर्व सुरू झाले.

विधानसभा निवडणुकीत नितेश राणे व निलेश राणे या दोन बंधूना एकाच पक्षातून उमेदवारी मिळणार नाही ही पुढी पण देव पाण्यात ठेवणाऱ्यांनी सोडली होती,व त्यात ते यशस्वीही झालेत मात्र खासदार नारायण राणे, माजी खासदार निलेश राणे यांनी आपले वजन वापरले व निलेश राणे यांचा शिंदे शिवसेनेमध्ये प्रवेश झाला, कुडाळ मालवण मतदारसंघात शिवसेनेच्या वैभव नाईक यांना छुपी मदत केली गेली,रसद पुरविण्यात आली मात्र या सर्व गोष्टींना निलेश राणे पुरुन उरले.

फंदफितुरी होत आहे हे लक्षात येऊनही निलेश राणे शांत राहिलेत व आपल्या भोवती रचलेला चक्रव्यूह कसा भेदता येईल याची रणनिती आखली व त्यात ते यशस्वी झालेत. या फंद फितुरीत मताधिक्य मोठ्या प्रमाणात घटले असले तरी निलेश राणेंचा वार ते रोखू शकले नाहीत, जिल्ह्यात तिन्ही आमदार खासदार नारायण राणे यांचेच निवडून आल्याने अनेकांचे मनसुबे मात्र धुळीस मिळालेत.

तिसऱ्यांदा निवडून आलेले आमदार नितेश राणे यांना कॅबिनेट मंत्री करुन सिंधुदुर्ग जिल्ह्याची सर्व सुत्रे हाती दिली, पालकमंत्री म्हणून नितेश राणे यांची निवड झाल्यावर जिल्ह्यात खऱ्या अर्थाने राणेंचे पर्व सुरू झाले, समुद्राला भरती प्रमाणे ओहटी ही असते म्हणून ओहटी आली म्हणून ती तशीच राहील या भ्रमात जे राहिलेत ते तोंडावर पडले,ते हे विसरले की आपण ज्यांना वजा करायची स्वप्ने बघतो ते नारायण राणे आहेत.ते अशी लाट घेऊन आलेत की त्या लाटेत भले भले वाहून गेलेत,जे वाहून गेलेत ते आता कुठे किनारा शोधतायत.१९९० पासून सिंधुदुर्गात राणेंचे पर्व सुरू आहे, सिंधुदुर्गात जी काही विकास कामे धरणे,बंधारे,कालवे,गाव तिथे रस्ते दिसताहेत त्याचे सर्व श्रेय राणे यांनाच जाते.गेली चौतीस वर्षे राणे कुटुंबियांचे या जिल्ह्यसाठीच नव्हे तर कोकणासाठी योगदान आहे,त्यामुळे नव्या पर्वाची स्वप्न पाहणारे एक तर अडाणी असावेत किंवा राजकीय अपरिपक्वता असलेले…कोकणातील जनता ज्याची एक कप चहा पिली तरी त्याची जाण ठेवणारी आहे ती राणेंचे ३४ वर्षातील ऋण कसे काय विसरेल.

आज खासदार नारायण राणे, पालकमंत्री नितेश राणे, आमदार निलेश राणे,व सावंतवाडीचे आमदार दिपक केसरकर एकत्र येत सिंधुदुर्गाच्या विकासाठी पाऊले उचलत आहेत व हेच अनेकांना पचन होत नाही, कुडाळ मालवण मतदारसंघाचे आमदार निलेश राणे यांनी शिवसेना वाढविण्यासाठी धडक पाऊले उचलल्यावर अनेकांना धडकी भरली,मात्र आमदार निलेश राणे थांबले नाहीत,त्यांनी ज्या पक्षात मी आहे त्या पक्षाला शंभर टक्के न्याय देणार असे ठणकावून सांगितले व कामाला लागलेत.दोन राणे भाजप व एक शिवसेना असे जरी गणित असले तरी विचारसरणी एकच आहे,जिथे आहे तिथे शंभर टक्के.

नारायण राणेंचे पर्व कधीच संपुष्टात आले नव्हते,दोन वेळा पराभव पत्करावा लागल्यानंतर अनेक राजकीय विश्लेषकांनी राणे राजकीय संन्यास घेणार का?असा प्रश्न उपस्थित केला होता,मात्र नारायणराव राणे त्यावेळी शांत राहिलेत ती वादळा पूर्विची शांतता होती,तेच राणे थेट राज्यसभेवर गेलेत व केंद्रात केंद्रीय मंत्री झालेत.पुन्हा एकदा लोकनियुक्त खासदार म्हणून निवडून आलेत. राणेंचे राजकीय अंदाज बांधणे येऱ्या गबळ्याचे काम नव्हे,ज्यांनी आपल्या पन्नास वर्षाच्या राजकीय कारकीर्दीत अनेकांना घडविले एका विशिष्ट उंचीवरून नेऊन ठेवले त्या नारायण राणे यांना राजकारणातून, कोकणातून वजा करण्याच्या फंदात कोणी पडू नये हे सिंधुदुर्गात सुरु असलेल्या राणे पर्वाने पुन्हा एकदा सिद्ध केले आहे.

सिंधुदुर्ग जिल्ह्याच्या पालकमंत्री पदाची सूत्रे हाती घेतल्यानंतर जनतेला जे अभिप्रेत आहे त्याच विषयाला पालकमंत्री नितेश राणे यांनी हात घातला, जिल्ह्यातील मटका,जुगार,चरस, गांजा,गोवा बनावटी दारु याचे समुळ उच्चाटन करण्याचा चंग बांधून तसे आदेश पारित केले व आपल्या नेतृत्वाची चमक दाखवली,विकास कामात हयगय खपवून घेणार नाही असे अधिकाऱ्यांना ठणकावून सांगितले,आता खऱ्या अर्थाने जिल्ह्याच्या विकासाला चालना मिळेल याचा विश्वास बाळगायला काही हरकत नाही असे आमचे ठाम मत आहे.

ऐन उमेदीच्या काळात सिंधुदुर्ग रत्नागिरी लोकसभा मतदारसंघाचे खासदार झालेले निलेश राणे कधीच कुठच्याच बाबतीत मागे राहिले नाहीत,लोकसभेत आपल्या अभ्यासू वृत्तीची चुणूक त्यांनी अनेक वेळा दाखविली,मात्र पुढील दोन निवडणुकीत त्यांना पराभवाला सामोरं जावे लागले,मात्र पराभवाने खचून न जाता ते सतत जनतेत राहिलेत म्हणून मागील दहा वर्षात राणेंचा करिष्मा कमी झाला,युवकांमध्ये त्यांनी प्रचंड क्रेझ आहे,युवाई त्यांच्यावर जिव ओतून प्रेम करते, म्हणूनच कुडाळ मालवण मतदारसंघातून निवडणूक लढवताना युवकांनी ती आपली लढाई आहे असे समजून काम केले व निलेश राणे फंदफितुरी होऊन सुद्धा आमदार झालेत.

तिन्ही राणेंचा झालेला विजय अनेकांच्या जिव्हारी लागला,सिंधुदुर्गाचे राजकारण आपल्या भोवतीच फिरायला पाहिजे असे ज्यांना ज्यांना वाटत होते त्यांचे मनसुबे धुळीस मिळाले,व जिल्ह्यात पुन्हा एकदा नव्या जोमाने नव्या ताकतीने नव्या दमाने राणे पर्व सुरू झाले किंबहुना राणेंचे पर्व कधीच संपले नव्हते ते संपण्यासाठी ज्यांनी ज्यांनी देव पाण्यात ठेवले होते ते मात्र नाका तोंडाने पडले.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_