प्रा सतीश बागवे यांना उत्कृष्ट उद्योजक पुरस्काराने सन्मानित
प्रा सतीश बागवे यांना उत्कृष्ट उद्योजक पुरस्काराने सन्मानित
सावंतवाडी –
येथील परफेक्ट कन्ट्रक्शनचे मालक व सकल मराठा समाजाचे सल्लागार सेवानिवृत्त प्राध्यापक सतीश बागवे यांना उत्कृष्ट उद्योजक पुरस्काराने मराठा बिझनेसमन फोरम चै अध्यक्ष राजेंद्र सावंत यांनी सन्मान चिन्ह देऊन गोरविले.
सावंतवाडी येथील राणी पार्वती देवी हायस्कूल व कनिष्ठ महाविद्यालय मध्ये सेवानिवृत्त झालेले प्रा सतीश बागवे यांनी परफेक्ट कन्ट्रक्शनच्या माध्यमातून हजारो हातांना काम देऊन रोजगार निर्माण केला,ते मराठा समाजाच्या प्रत्येक कार्यक्रमात स्क्रीय असतात,तसेच सकल मराठा समाजाचे ते सल्लागार सदस्य आहेत,गेली अनेक वर्षे ते परफेक्ट कन्ट्रक्शनच्या माध्यमातून रोजगार निर्मिती करीत आहेत त्यांच्या या सेवेची दखल घेत मराठा उद्योजकांसाठी राज्य व देश पातळीवर काम करणाऱ्या मराठा बिझनेसमेन फोरम या संस्थेने बागवे यांचा हिर्लोक मामाचे गाव रिसाॅर्ट मध्ये आयोजित कार्यक्रमात सन्मानित केले.
यावेळी फोरमचे अध्यक्ष प्रसिद्ध उद्योगपती व बिल्डर राजेंद्र सावंत,सचिव अरुण पवार, ब्रिगेडियर सुधीर सावंत, संतोष कदम,अच्युत सावंत भोसले,सौ अर्चना घारे परब, अखिल भारतीय मराठा महासंघाचे जिल्हाध्यक्ष ॲडव्होकेट सुहास सावंत,सकल मराठा समाजाचे सावंतवाडी तालुकाध्यक्ष सीताराम गावडे व मान्यवर मंडळी उपस्थित होती.