🛑 पाण्यासाठी माजी नगरसेवकाचे टाकीवर चढून आंदोलन हीच प्रशासनाची नाचक्की

🛑 नगरपरिषदेचे प्रशासन अडकले टक्केवारीत-नागरिकांच्या समस्यांकडे लक्ष कुणाचे

🛑 नगरपरिषदेतील प्रशासकाचा कारभार म्हणजे जुलमी इंग्रजी राजवट ; नागरिकांनी न्याय मागावा कोणाकडे हा मोठा यक्षप्रश्न

🛑 सावंतवाडी शहर म्हणजे आपला जीव असे म्हणणारे केसरकर लक्ष देतील का?

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सावंतवाडी, दि-१७:- सावंतवाडी शहराला पाणीपुरवठा करणारे पाळणेकोंड धरणात मुबलक पाणीसाठा असताना सावंतवाडी शहरातील नागरिकांना पाण्यासाठी तळमळावे लागते यासारखे दुसरे दुर्दैव नाही ,माजी नगरसेवक विलास जाधव यांना समाज मंदीर परिसर व गरड भागात पाणीपुरवठा होत नसल्याने चक्क 60 फूट उंचीवर असलेल्या टाकीवर चढून आंदोलन करावे लागते यातच प्रशासनाचा नाकर्तेपणा ,अकार्यक्षमता सिध्द होते.

प्रशासक किती भयानक असतो व प्रशासक आला की अधिकारी किती मुजोर होतात याचे उत्तम उदाहरण सावंतवाडी नगरपरिषद आहे, ज्या वेळी सावंतवाडी नगरपालिकेवर प्रशासक बसला व सावंतवाडीच्या शहराचा कारभार मुख्याधिकारी सागर साळुंखे यांच्या हातात गेला तेव्हा पासून सावंतवाडी शहर खऱ्या अर्थाने विकासापासून मागे गेले.नियोजन शून्य कार्यपद्धती, अकार्यक्षम मुख्याधिकारी, नगरपालिकेतील कर्मचाऱ्यांवर वचक नसलेले मुख्याधिकारी, असाच या मुख्याधिकाऱ्यांचा उल्लेख करावा लागेल, कारण गेली 30 वर्षे सावंतवाडी शहरासाठी न्याय मागण्यासाठी झटणाऱ्या एका माजी नगरसेवकाला पाण्यासाठी चक्क पाण्याच्या टाकीवर चढून आंदोलन छेडाव लागतं यासारखे दुसरे दुर्दैव नाही.

कालचे माजी नगरसेवक विलास जाधव यांचे आंदोलन हे खऱ्या अर्थाने प्रशासनाचे नाचक्की आहे असे आमचे ठाम मत आहे. सावंतवाडी शहराला पाळणे कोड व चिवाटेकडी येथून पाणीपुरवठा केला जातो या पाणीपुरवठ्याचे नियोजन माजी नगराध्यक्ष बबन साळगावकर, यांच्या काळात योग्य पद्धतीने केले जात होते,त्यामुळे नागरिकांना पाणी नाही अशी तक्रार करायला कुठेही जागा नाव्हती ,मात्र सत्ताधाऱ्यांचा कार्यकाळ संपल्यावर नगरपालिकेवर गेले दोन वर्षाहून अधिक काळ प्रशासक लादला गेला व त्याचे परिणाम सावंतवाडी शहराच्या विकासावर झाला, मुख्याधिकारी यांनी पहिल्यांदा संपूर्ण सावंतवाडी शहरात कुठून कुठचा रस्ता कुठच्या गल्लीत जातो याची माहिती करून घ्यावी व त्या रस्त्याची सध्याची अवस्था काय आहे हे ‘उघडा डोळे पहा नीट’ अशा पद्धतीने पहावे म्हणजे सावंतवाडी शहराला आपण किती मागे घेऊन गेलो हे त्यांच्या लक्षात ,येईल,आज पाण्याच्या टाकीवर माजी नगरसेवक विलास जाधव चढले असता एका नागरिकांनी आपल्या घराजवळ व माजी नगराध्यक्ष वाडकर यांच्या घराजवळ जाणाऱ्या रस्त्यावर कशा पध्दतीने झाडी वाढली आहे ,गटारे बंद झाली आहेत त्याचे फोटो काढून आणले त्यांचे ते फोटो पाहिल्यावर कुठे नेऊन ठेवली सावंतवाडी माझी असे म्हणण्याची वेळ आली आहे एवढी बिकट अवस्था सावंतवाडी शहराची करून ठेवली आहे.

सावंतवाडी शहरातील एकाही प्रोजेक्टवर यांचं लक्ष नाही एखादे काम सुरू असले तर त्या ठिकाणी नगरपालिकेचा एकही कर्मचारी नसतो ,मन मानेल तसे कंत्राटदार काम करत असतो त्यामुळे प्रशासकीय काळात जेवढी कामे झाली आहेत त्यांचे स्ट्रक्चरल ऑडिट करण्यात यावे अशी मागणी आता विविध पक्षाचे राजकीय पदाधिकारी करीत आहेत, माजी नगरसेवक विलास जाधव यांनी आज जे पाण्यासाठी उपोषण केले ते प्रशासनाच्या डोळ्यात घातलेले झणझणीत अंजन आहे . विलास जाधव म्हणजे नागरिकांच्या सोयीसाठी दिवस-रात्र राबणारे नेतृत्व स्वतःचा एक पाय गायबंदी असताना उच्च डायबिटीस असलेले विलास जाधव नागरिकांचे होणारे पाण्याविना हाल सहन न झाल्याने सुमारे 100 पायऱ्या चढून ते पन्नास फूट उंचीवर टाकीतील पाणी पाहण्यासाठी पोहोचले जेव्हा त्यांनी टाकीत वाकून पाहिले तेव्हा एक लाख क्षमता असलेल्या टाकी केवळ दहा हजारच लिटर पाणी होते त्यामुळे ते संतापले व तिथूनच जोपर्यंत टाकी पाण्याने भरली जात नाही तोपर्यंत खाली उतरणार नाही असा पवित्र घेतला. विलास जाधव यांनी अचानक घेतलेल्या पवित्रामुळे नगरपालिका प्रशासन खडबडून जागे झाले एरवी एसीत बसून राहणारे मुख्याधिकारी खडबडून जागे झालेत व घटनास्थळी फौज फाट्यासह दाखल झालेत व विलास जाधव यांची मनधरणी करू लागलेत, मात्र ठोस आश्वासनाशिवाय त्यांनी खाली उतरणार नाही असा पवित्रा घेतला अखेर विलास जाधव यांच्या आक्रमक पवित्र्यासमोर प्रशासनाला झुकावे लागले. मुख्याधिकारी साळुंखे यांनी दिलेल्या आश्वासनानंतर विलास जाधव खाली उतरले व त्यांनी प्रशासनावर कडक शब्दात ताशेरे ओढले.

सर्वसामान्य नागरिकांची कामे नगरपालिकेत होत नाहीत, नगरपालिका प्रशासन टक्केवारी गुंतली आहे, घरांच्या परवानगीची कामे रखडली जातात, नागरिकांना दहा वेळा नगरपालिकेत खेपा माराव्या लागतात त्यामुळे इंग्रजी राजवटी सारखा असलेला प्रशासक नको रे बाबा अशी म्हणण्याची वेळ नागरिकांवर आली आहे.

आम्ही नगरपरिषेदेच्या कार्यपध्दतीवर सडकून टीका केल्यावर शहरातील अनेक राजकीय पक्षांच्या पदाधिकाऱ्यांनी,नागरिकांनी फोन करून, संदेश पाठवून आमचे अभिनंदन केले, एखादा अधिकारी सर्वसामान्य नागरिकांना ब्रिटिश राजवटी सारखा वागवत असेल तर तो कोणत्याही दर्जाचा अधिकारी असो त्याच्यावर आम्ही लिहीणारच. त्यावेळी आमच्या लेखणीला कोणी धरू शकत नाही, कारण आम्ही स्वयंभू आहोत आमच्यावर कोणी बॉस नाही, त्यामुळे आम्हाला कोणी थांबवू शकत नाही, नागरिकांच्या हिताच्या आड एखादा अधिकारी येत असेल तर त्याला सावंतवाडी शहरात आम्ही स्वस्थ बसू देणार नाही हा आमचा निर्वाणीचा इशारा आहे. सावंतवाडी शहरातील नागरिकांना त्यांच्या घराच्या व इतर परवानग्यासाठी जर कोणी आर्थिक हितासाठी त्रास देण्याचा प्रयत्न करत असेल तर आम्ही त्याला निश्चितच वठणीवर आणू, कारण आम्ही परिणामाची चिंता करत नाही तो आमचा स्वभावही नाही, त्यामुळे कोणीतरी चुडत्यांचे साप करून आम्हाला घाबरविण्याचा प्रयत्न करत असेल तर त्यांनी एकच लक्षात ठेवावे आम्ही खरे सापच जवळ घेऊन फिरत असतो त्यामुळे अशा चुडत्याच्या सापांना आम्ही भिक घालणार नाही.

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_