…त्या हल्लेखोरांना अटक करा, अन्यथा पोलीस ठाण्यावर मोर्चा !

*🛑…त्या हल्लेखोरांना अटक करा, अन्यथा पोलीस ठाण्यावर मोर्चा !*

*🛑संदेश पारकर, सतीश सावंतांचा पोलिसांना इशारा: शेर्पे येथे उबाठा शिवसेना कार्यकर्त्याला मारहाणप्रकरण*

*🎥 KOKAN LIVE BREAKING ||NEWS CHANNEL*

*✍️ ब्युरो न्यूज :कोकण लाईव्ह ब्रेकिंग*

*🎴कणकवली, दि-११*:-खारेपाटण-वेर्ले वरचीवाडी येथील शिवसेना उबाठा पक्षाचे कार्यकर्ते रामकृष्ण उर्फ बाळा बाळकृष्ण राऊत (५८) यांना शेर्पे येथे झालेल्या मारहाणीबाबत गुन्हे दाखल असलेल्या भाजप पदाधिकारी, कार्यकर्ते यांच्यापैकी तीन दिवस उलटूनही कुणालाही अटक करण्यात आलेली नाही. त्यांना तात्काळ अटक करावी, या दाखल गुन्ह्यात ३०७ कलमाचा समावेश करावा अन्यथा लोकशाही मार्गाने पोलीस ठाण्यावर मोर्चा काढण्याचा इशारा उबाठा शिवसेनेचे जिल्हाप्रमुख संदेश पारकर, कणकवली विधानसभाप्रमुख सतीश सावंत, युवासेना जिल्हाप्रमुख सुशांत नाईक आदींनी कणकवली पोलीस ठाणे गाठून दिला. यावेळी उपस्थितांशी सहाय्यक पोलीस निरीक्षक मनोज पाटील, उपनिरीक्षक अनिल हाडळ, शरद देठे, रवींद्र शेगडे, सागर शिंदे आदींनी चर्चा केली. घटनेचा तपास योग्य पद्धतीने सुरू असून संशयितांचा शोधही घेत असल्याचे आश्वासन पाटील यांनी दिले. *३०७ कलम का लावले नाही?* कनेडी येथे राडा झाला, तेव्हा आमच्याविरोधात ३०७ कलम लावले गेले. मग, या गुन्ह्यात राऊत गंभीर जखमी असूनही ३०७ कलम का लावले गेले नाही, असा सवाल सतीश सावंत यांनी केला. वैद्यकीय अहवाल प्राप्त झाल्यानंतर याबाबत योग्य कार्यवाही होईल, असे पाटील म्हणाले. या घटनेबाबत एक पोलीस कर्मचारी काही ग्रामस्थांकडून कोऱ्या पेपरवर सह्या का मागत होता, असा सवालही सावंत यांनी केला. तक्रारदाराने सांगितले ते तक्रारीमध्ये घेतलेले नाही. संशयितांनी मारहाणीसाठी दांडे तलवारीचा वापर केला, असे तक्रारदाराचे म्हणणे असल्याचे पारकर म्हणाले.
*गुंडगिरीचा बंदोबस्त करा!*
राऊत यांना मारहाण करणाऱ्यांची परिसरात दहशत आहे. हे टोळके असून त्यांनी दोन गाड्यांमधून जाऊन मारहाण केली. मारहाण करणारे हे त्यांच्या पक्षाचे जबाबदार पदाधिकारी असून त्यांच्यावर या निवडणुकीची त्यांच्या पक्षातर्फे जबाबदारी होती, असे पारकर म्हणाले. साधा दुकानदार, दूध व्यावसायिक असणाऱ्या राऊत यांना का मारहाण केली गेली? राऊत आमच्या पक्षाचे काम करत असतील, तर त्यात गैर काय? असा सवालही सावंत यांनी केला. या गुंडगिरीचा वेळीच बंदोबस्त करण्याची मागणीही सावंत, पारकर यांनी केली. *सत्तेचा परिणाम असल्याचा आरोप* मारहाण करणारे पसार असून त्यांचे मोबाईलही बंद असल्याचे एपीआय पाटील म्हणाले. पण, गुन्ह्यात वापरलेल्या गाड्याही अद्याप जप्त नसल्याचे उबाठा शिवसेनेच्या कार्यकर्त्यांनी निदर्शनास आणले. निवडणूक कालावधीतील प्रकार असूनही प्रशसनातर्फे याची तक्रार देण्यात आली नसल्याचे पारकर म्हणाले . संतोष परब हल्ला प्रकरणात अवघ्या चार तासांत तपासाची चक्रे फिरली होती आता तीन दिवस उलटूनही संशयितांना अटक होत नाही, हा सत्तेचा परिणाम असल्याचा आरोप सावंत यांनी केला.
*धमक्या येत असल्याचा आरोप* मारहाण करणाऱ्यांपैकीच एका लोकप्रतिनिधीच्या घरी पोलीस बंदोबस्त ठेवण्यात आल्याचे उबाठा कार्यकर्त्यांनी निदर्शनास आणले. मात्र, हा पोलीस बंदोबस्त अनुचित प्रकार घडू नये, यासाठी असून तेथे एका टपरीकडे पोलीस तैनात करण्यात आले आहेत. त्यामुळे गैरसमज नको, असे पाटील यांनी स्पष्ट केले. मात्र, मारहाण करणाऱ्या लोकप्रतिनिधीच्याच घराकडे पोलीस असल्याने आमच्यात घबराट पसरली असून आम्हाला धमक्याही येत असल्याचे कार्यकर्त्यांनी सांगितले.
*गावात पोलीस संरक्षण ठेवा!*केवळ पंचनामे नकोत. संशयिताच्या घराची झडती घ्या. घटना घडली, त्या गावात पोलीस संरक्षण कायम ठेवा. अटकपूर्व जामीन मिळेपर्यंत मारहाण करणाऱ्यांना मोकळे ठेवू नका, असेही सावंत, पारकर, सुशांत नाईक म्हणाले. याप्रसंगी उबाठा शिवसेनेचे तालुकाप्रमुख कन्हैया पारकर, दिनेश शेलार, भूषण शेलार, धनराज शेलार, मंदार पवार, दीपक नमसे, संजय कापसे, प्रकाश नमसे, आनंदीबाई शेलार, सुनंदा तेली, मधुकर पांचाळ, वसंत पावसकर, गुरुनाथ तेली, संजय राऊत, समीर राऊत, मधुकर राऊत, संतोष राऊत आदी उपस्थित होते.

*सविस्तर बातमीसाठी खालील लिंक वर क्लिक करा…….👇👇👇👇*

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/G0QkRHSM8pVG6G6esWNkkp

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

*🔥💥 कोकण लाईव्ह ब्रेकिंग 💥🔥*
_*अचूक बातमी थेट हल्ला*_

*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*

*♦ब्युरो चीफ : विशाल पित्रे*
*📱संपर्क : +919405475712*

*▪️मुख्य कार्यालय*
*कोकण लाईव्ह ब्रेकिंग*
आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे
ता.सावंतवाडी, जि. सिंधुदुर्ग
——————————–
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_