🛑 दशक्रोशी नेमळे क्रिकेट स्पर्धेत श्री स्वामी समर्थ संघ विजेता तर शिवभक्त वॉरियर्स उपविजेता..

🛑 नेमळे भजनप्रेमी मित्रमंडळाचे आयोजन..

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-१७:- भजन प्रेमी मित्रमंडळ नेमळे आयोजित दशक्रोशी प्रीमियर लीग १३/१४/१५ मार्च रोजी आझाद मैदान कामळेवीर येथे पार पडली. या स्पर्धेत नेमळे, आकेरी, हुमरस, तेर्सेबांबर्डे, झाराप, तळवडे, वजराठ, आडेली, मळगाव, निरवडे या दहा गावातील शेकडो खेळाडू एकूण १२ संघांच्या माध्यमातून सहभागी झाले होते. पहिल्या दोन दिवसात साखळी सामने पार पडल्यानंतर शेवटच्या दिवशी उप उपांत्य, उपांत्य आणि अंतिम सामने पार पडले.

पहिला उपांत्य सामना जयशंभो वॉरियर्स विरूद्ध शिवभक्त वॉरियर्स यांच्यात झाला. या सामन्यात गौरव सडेकरच्या ४९ धावांच्या तुफानी फलंदाजीने शिवभक्त वॉरियर्स संघाने उभे केलेले ५८ धावांचे आव्हान जयशंभो वॉरियर्स संघाला पेलावले नाही . जयशंभो वॉरियर्स संघ निर्धारित पाच षटकात फक्त २९ धावा करू शकला त्यामुळे हा सामना शिवभक्त वॉरियर्स संघाने सहज जिंकून अंतिम फेरीत प्रवेश केला. तर दुसरा उपांत्य सामना श्री स्वामी समर्थ नेमळे विरूध्द रायकर ईलेवन आडेली यांच्यात झाला. प्रथम फलंदाजी करताना निर्धारित पाच षटकात रायकर आडेली संघ ४० धावाच करू शकला. प्रत्युत्तरदाखल खेळताना स्वामी समर्थ नेमळे संघाने सुदेश याच्या ४ चेंडूत १९ धावांच्या जोरावर हा सामना जिंकून अंतिम फेरीत प्रवेश केला.

या स्पर्धेचा अंतिम सामना श्री स्वामी समर्थ विरुद्ध शिवभक्त वॉरियर्स यांच्यात झाला. या सामन्याचे नाणाफेक नेमळे उपसरपंच सखाराम (ताता) राऊळ यांच्या शुभहस्ते झाली.‌ यावेळी राष्ट्रगीताने अंतिम सामन्यास सुरवात करण्यात आली. शिवभक्त वॉरियर्स नाणेफेक जिंकून प्रथम फलंदाजी स्वीकारली. पाच षटकाच्या या सामन्यात गौरव सडेकरच्या ३४ धावांच्या जोरावर शिवभक्त वॉरियर्स संघाने ५४ धावांचे लक्ष्य श्री स्वामी समर्थ नेमळे संघासमोर ठेवले. प्रत्युत्तर दाखल खेळताना श्री स्वामी समर्थ संघाने वैभव कोंडस्कर 18, सलीम 16 धावच्या मदतीने 2 चेंडू शिल्लक ठेवून हा सामना जिंकुन भजनप्रेमी कला क्रीडा मंडळ नेमळे चषकावर आपले नाव कोरले.

विजेत्या श्री स्वामी समर्थ संघास भजनप्रेमी मंडळ पुरस्कृत रोख २५००१₹ आणि मा. सरपंच सौ. दीपिका भैरे पुरस्कृत चषक देऊन गौरविण्यात आले. तर उपविजेत्या शिवभक्त वॉरियर्स संघास भजनप्रेमी मंडळ पुरस्कृत १५०००₹ आणि मा. उपसरपंच श्री. ताता राऊळ पुरस्कृत चषक देऊन गौरविण्यात आले. तसेच उत्कृष्ट फलंदाज वैभव कोंडूस्कर याला मयूर स्पोर्ट्स झाराप पुरस्कृत बॅट तर उत्कृष्ट गोलंदाज जयराम कासकर यास महेश्वरी फरसाण कोलगाव पुरस्कृत टेबल फॅन देण्यात आला. तर उत्कृष्ट क्षेत्ररक्षक अभी राऊळ यास कार्तिकी नितीन पांगम पुरस्कृत इस्त्री, उद्योनमुख खेळाडू सुदेश वालावलकर यास मयुर स्पोर्ट्स झाराप पुरस्कृत टीशर्ट पँट तर स्पर्धेचा मालिकावीर गौरव सडेकर यास स्वामी समर्थ होलसेल अंडा व्यापारी मारुती वास्टर कुडाळ पुरस्कृत टॉवर फॅन देऊन गौरविण्यात आले. तसेच स्पर्धेतील प्रत्येक सामन्यात उल्लेखनीय कामगिरी करणारे खेळाडूंना सचिन मुळीक पुरस्कृत सुपारी व नारळ रोप देऊन सन्मानित करण्यात आले.

स्पर्धेच्या पारितोषिक वितरण समारंभ प्रसंगी श्री. दिलीप भैरे, उपसरपंच सखाराम राऊळ, मिलिंद नेमळेकर, राजेश गुडेकर, परशुराम राऊळ, एकनाथ चव्हाण, विक्रम पांगम, संगीता मुळीक, वाडीवरवडे सरपंच अमेय धुरी आणि मान्यवर उपस्थित होते. स्पर्धेसाठी मैदान उपलब्ध करून दिल्याबद्दल कमाल व आसद सांगवकर, स्पर्धेसाठी चेंडू पूरवल्याबद्दल श्री रमेश चव्हाण, लाईटची सोय केल्याबद्दल डॉ. तन्वीर शेख, मंडप व्यवस्था पार्वती डेकोरेटर श्री विजय राऊळ, जनरेटर व्यवस्था श्री दामू भैरे यांचे मंडळाच्या वतीने आभार मानण्यात आले. या स्पर्धेसाठी पंच भरत वेंगुर्लेकर, लक्ष्मण होडवडेकर, शिवराज परब यांनी काम पाहिले. तर समलोचन प्रणय (तळवडे), सचिन सावंत तर सूत्रसंचालन भुषण नाईक यांनी केले.

स्पर्धा यशस्वी होण्यासाठी कृष्णकांत धुरी आणि मंडळाचे कार्यकर्ते यांनी अथक परिश्रम केले. अशीच दरवर्षी स्पर्धा आयोजित करण्याचा संकल्प मंडळाने केला आहे.

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_