🟥 निलेश राणे नावाचे वादळ कुडाळ मालवण मतदार संघात घोंघावतेय

🟥 भाजपचे पाठबळ,युवा वर्गाची प्रचंड फौज विद्यमान आमदार नाईक यांच्या बद्दलची मतदारांची नाराजी निलेश राणेंच्या पथ्यावर पडणार

🎥 Kokan Live Breaking News

✍️ संपादकीय : सीताराम गावडे

🎴सावंतवाडी, दि-१४:- महाराष्ट्रामध्ये व प्रामुख्याने कोकणा मध्ये धडाडीचे नेतृत्व करून कोकणचे नाव देशपातळीवर उंचावले असे व्यक्तिमत्व केंद्रीय मंत्री नारायण राणे ,त्यांचे सुपुत्र डॉ. निलेश राणे या युवा नेतृत्वाने पंधराव्या लोकसभेमध्ये रत्नागिरी-सिंधुदुर्ग लोकसभा मतदारसंघातून विजयी होऊन उपस्थिती दर्शवली. सर्वात तरुण खासदार म्हणून त्यांनी आपला दबदबा लोकसभेत निर्माण केला. तसेच रत्नागिरी सिंधुदुर्ग लोकसभा मतदारसंघासह अवघ्या कोकणामध्ये युवा नेतृत्व म्हणून निलेश राणे यांनी आपला ठसा उमटवला आहे.

खासदार असताना त्यांनी फक्त आपल्या मतदार संघा पुरतेच नव्हे, तर महाराष्ट्रात तरुणांचे आशास्थान म्हणून प्रेरणादायी काम केले. त्यांनी सतत तरुणांना प्रेरणा वाटावी अशा कामाची घौडदौड सुरू ठेवली. रोखठोक प्रतिक्रिया देणारे डॉ. निलेश राणे यांनी सुरू केलेल्या लोकसेवेतून कायमच प्रेरणा मिळत गेली. जनसेवेच्या व्रतात त्यांचा कधी खंड पडला नाही. त्यांच्या सोबत तरुणांची शक्तीदेखील आजही तशीच आहे. खासदार असो, नसो पण त्यांना खासदार म्हणूनच कार्यकर्ते, मित्रपरिवार ओळखतात. त्यांचे स्वागतही त्याच रुबाबात होते. माजी मुख्यमंत्री केंद्रीय मंत्री नारायण राणे यांच्या कुटुंबीयांनी सामाजिक बांधिलकी जपत कायमच लोकसेवा केली. त्यांच्या या लोकसेवक भुमिकेला जनतेने कायमच भरभरून दाद दिली आहे. त्याच प्रमाणे निलेश राणे यांच्या फळातील तरूण वर्ग देखील सदैव सहकार्य भुमिकेत आहे.

ज्यावेळी भाजपचे धडाडीचे युवा नेतृत्व निलेश राणे यांची भाजपच्या प्रदेश सचिवपदी नियुक्ती झाली आणि कार्यकर्त्यांमध्ये एकच उत्साह संचारला होता. निलेश राणेंची भाजपमधील अल्पकालावधीतील घोडदौड वाखण्याजोगीच म्हणावी लागेल. मुलूख मैदान तोफ म्हणूनही निलेश राणे यांची ख्याती असून, लहान वयात संसदीय राजकारणात घेतलेली उंच भरारी आणि अभ्यासपूर्ण नेतृत्व म्हणून निर्माण केलेला दबदबा हीच खरी निलेश राणेंची ओळख होय.

निलेश राणे यांनी २००९ मध्ये तत्कालीन शिवसेना नेते सुरेश प्रभू यांचा राजापूर लोकसभा मतदार संघातून पराभव करत लहान वयातच खासदार म्हणून संसदेत गेले. राजापूर मतदार संघाला कै. बॅ नाथ पै, मधू दंडवते अशा दिग्गजांची पार्श्वभूमी त्या मतदार संघातून निलेश राणे यांच्या सारख्या नवख्या युवकाने विजयश्री खेचून आणली, हे बघून अनेकांना आर्श्वयाचा धक्काच बसला. घरात राजकारणाचे बाळकडू मिळालेल्या निलेश राणे यांनी अभ्यासपूर्ण कामातून सर्वांची व्वा व्हा मिळवली. या काळात त्यांनी संसदेच्या वेगवेगळ्या समितीवर कामही केले. यातून सिंधुदुर्गचा ठसा उमटवला गेला. श्री. राणे यांनी आपल्या काळातच झाराप पत्रादेवी या महामार्गा ची मुर्हतमेढ रोवली तसेच हे कामही आपल्या काळातच पूर्ण करून घेतले. तसेच कोकण रेल्वेची अनेक कामे पूर्ण होण्यास मदत केली.पण ही कामे करत असताना कधीही कुठच्या ठेकेदाराला फोन लावला नाही,किंवा सध्या जसे टक्केवारीचे राजकारण चालेले तशी कुणाकडे कामाची टक्केवारी मागितली नाही,असे स्वच्छ काम त्यांनी केले त्यामुळे त्यांची लोकप्रियता आणखीनच वाढत गेली. सर्व सामान्य कार्यकर्ता केंद्रबिंदू मानून ते सतत त्यांच्या साठी काम करत राहिले आणि कार्यकर्त्यांचा विश्वास कमवला. एखाद्या कार्यकर्त्यावर कोणताही प्रसंग येऊ दे त्याच्या साठी निलेश राणे धावून गेले नाही. असा एक क्षण ही होणार नाही. कार्यकर्ता संकटात असला कि आपल्या नेत्याला म्हणजेच निलेश राणे यांना फोन वरून संर्पक करणारच ..राणे त्यांच्या हाकेला धावून जाणारच हे समीकरण बनले आहे. २००९ साली खासदार बनलेल्या निलेश राणे यांनी २०१४ व २०१९ मध्ये पुन्हा नशीब आजमवण्याचा प्रयत्न केला त्यांचा पराभव झाला. त्यांनी हा पराभव मान्य केला पण ते खचून गेले नाहीत,त्याच ताकदीने, त्याच जोमाने,त्याच जिद्दीने ते या पवित्र भूमीवर घट्ट पाय रोवून उभे राहिलेत,एखादा खासदार माजी खासदार झाला की आपण सदैव चर्चेत राहण्यासाठी धडपडत राहतो मात्र निलेश राणेंच्या बाबतीत ही सर्व गणिते उलटी फिरतात ते ज्या ठिकाणी उभे राहतात तिथून बातमी सुरु होते,

कार्यकर्त्यांवर जिवापाड प्रेम करणारा नेता,प्रत्येकाला नावाने ओळखणारा नेता, त्यांच्या सुखदुःखात सहभागी होणारा आपला घरातील एक सदस्य अशाच नजरेने कार्यकर्ते त्यांच्या कडे पाहतात, डॉ निलेश राणे यांचा रोखठोक स्वभाव काहिंना अडचणीचा वाटत असला तरी तीच त्यांची खरी ओळख आहे.दिलदार हृदयाचा, विशाल मनाचा, मैत्रीला जागणारा प्रसंगही राजकारण बाजूला ठेवून मित्रासाठी धावून जाणारा एक सच्चा मित्र अशी नीलेश राणे यांची ओळख आहे .निलेश राणे यांचा स्वभाव आक्रमक असल्याने व खोटे त्यांना रूचत नसल्याने एखाद्या घटनेत कोणीतरी चुकीची माहिती देऊन ती त्यांच्या मनावर बिंबवण्याचा प्रयत्न करत असेल तर त्यावेळी ते आक्रमक होतात व याच आक्रमकतेचा गैरफायदा घेऊन अनेक जणांनी निलेश राणे यांच्या विरोधात लोकांमध्ये संभ्रम निर्माण करण्याचा प्रयत्न केला, एखादी गोष्ट पुन्हा पुन्हा सांगितली गेली की काहीना ती खरी वाटते ,तशाच प्रकारचा प्रचार निलेश राणे यांच्या बाबतीत केला गेल्यामुळे एक माणुसकीला जगणारा सच्चा माणूस, हृदयस्पर्शी नेतृत्व, निलेश राणे यांच्याबद्दल जनतेत गैरसमज निर्माण झाला, मात्र निलेश राणेंची आक्रमक शैली ही अज्ञाया विरुद्ध लढणारी आहे .

एखादा मुजोर अधिकारी सर्वसामान्य जनतेला वेठीस धरत असेल तर त्या मूजोर अधिकाऱ्याला वठणीवर आणण्यासाठी प्रसंगी साम-दाम-दंड-भेद चा वापर करावा लागतो तो वापर राणे यांनी स्वतःसाठी नाही तर कार्यकर्त्यांसाठी केलेला असतो व असे नेतृत्व राजकारणात असणे ही काळाची गरज असते, नाहीतर अधिकारी वर्ग मस्तावतील व जनतेला वेठीस धरुन आपली इच्छित साध्य करून घेतील. गेल्या ३२ वर्षात अनेक राजकारणी आम्ही जवळून पाहिलेत त्यांचा अनुभव घेतला मात्र माजी खासदार डॉक्टर निलेश राणे यांच्या बाबतीत सांगायचे झाले तर मैत्रीला व शब्दाला जागणार एक सच्चा राजकारणाच्या पलिकडील व्यक्ती असेच त्यांचे वर्णन करावे लागेल.

रत्नागिरी -सिंधुदुर्ग जिल्ह्यात त्यांच्याकडे कार्यकर्त्यांची मोठी फळी आहे हे सर्व कार्यकर्ते युवा आहेत,व याच कार्यकर्त्यांच्या जोरावर त्यांनी सिंधुदुर्ग रत्नागिरी लोकसभा मतदारसंघात आपले वलय निर्माण केले आहे.खर पाहिल गेलं तर रत्नागिरी सिंधुदुर्ग लोकसभा मतदारसंघावर नीलेश राणे यांचाच हक्क आहे,कारण या मतदार संघात २०१९ च्या लोकसभा निवडणुकीत स्वःताच्या स्वाभिमान पक्षातून लढून कोणत्याही इतर पक्षांच्या कुबड्या न घेता दोन नंबरची नेत्रदीपक मते मिळवली होती. तरीही हा लोकसभेवरील दावा तुर्तास बाजूला ठेवून त्यांनी कुडाळ मालवण मतदारसंघातून विधानसभेसाठी ची तयारी सुरू केली आहे, मागच्या विधानसभा निवडणुकीत शिवसेनेचे वैभव नाईक हे नवख्या रणजीत देसाई यांच्याविरुद्ध फक्त नऊ हजारच्या फरकाने विजयी झाले होते त्या ठिकाणी अधिकृत पक्षाचा उमेदवार असला असता तर चित्र उलटे दिसले असते, मात्र ते विजयी झाल्यापासून डॉक्टर नीलेश राणे यांनी कुडाळ मालवण मतदारसंघात लक्ष घालण्यास सुरुवात केली, कुडाळ मालवण मतदारसंघ हा तसा राणेंचा बाले किल्ला.. राणेंच्या भाजपा प्रवेशानंतर तो भाजपमय झाला, नारायण राणे यांचे वलय आजही या मतदारसंघात आहे, त्यामुळे या मतदारसंघात जर भाजपने पूर्ण ताकद लावली तर निलेश राणे यांचा विजय सोपा आहे ,जर आपापसातील कुरबुरी -मनभेद -विसरून सर्वांनी एकत्र येत एक दिलाने काम करणे गरजेचे आहे व ते एक दिलाने काम यावेळी होईल असे चित्र दिसत आहे व त्या दृष्टीने निलेश राणे या मतदारसंघात ठाण मांडून बसले आहेत, गेल्या दहा वर्षातील वैभव नाईक यांच्या कारकीर्दी मधील उणीवा ते जनतेसमोर मांडून विकास कामाचा पाढा वाचत आहे, त्यांचे ठिकठिकाणी होत असलेले स्वागत ही त्यांच्या विजयाची नांदी आहे..

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_