🟥 आंबोलीचे फुलपाखरू उद्यान ७०लाख खर्चुनही मोजते शेवटच्या घटका..पारपोलीच्या उद्यानाची तीच गत होणार?

🟥 आंबोली हे थंड हवेचे ठिकाण व सतत चार महिने पाऊस असल्याने फुलपाखरांना आकर्षित करणारी नैसर्गिक झाडे मरून जातात..

🟥 आंबोली मध्ये २०१५ मध्ये झालेले फुलपाखरू उद्यान त्याच वेळी पारपोलीत होण होते गरजेचे..

🎥 Kokan Live Breaking News

✍️ संपादकीय : सीताराम गावडे

🎴सावंतवाडी, दि-२०:- आंबोली या थंड हवेच्या ठिकाणी 2015 च्या दरम्याने उप वन संरक्षक समाधान चव्हाण यांच्या आग्रहाखातर व तत्कालीन पालकमंत्री दीपक केसरकर यांच्या प्रयत्नाने फुलपाखरू उद्यान विकसित करण्यात आले, त्यानंतर या उद्यानावर सुमारे ७० लाख रुपये खर्च करण्यात आले, मात्र याचे फलित शून्यच आहे, कारण फुलपाखरांना आकर्षित करणारी नैसर्गिक झाडे जून ,जुलै ,ऑगस्ट या अतिवृष्टीच्या काळात आंबोली सारख्या थंड हवेच्या ठिकाणी तग धरू शकत नाहीत ती मरून जातात पर्यायाने फुलपाखरू ही या ठिकाणाहून स्थलांतर करून दुसऱ्या ठिकाणी निघून जातात त्यामुळे या उद्यानावर खर्च केलेले लाखो रुपये वाया जातात असे एका ज्येष्ठ तज्ञ व्यक्तीने आपले नाव न छापण्याच्या अटीवर सांगितले, असे असताना सुद्धा पारपोली येथे फुलपाखरू उद्यान करण्यात आले, भविष्यात त्या उद्यानावरही लाखो रुपये खर्च केले जातील हे पैसे कोणाच्या घशात जातात या मागचा खरा सूत्रधार कोण आहे?की फक्त अधिकाऱ्यांची घरे भरण्यासाठीच अशा प्रकारचे प्रकल्प, योजना राबविल्या जातात याचा शोध घ्यावा लागेल.

याबाबत आंबोली येथील पशुपक्षी प्रेमी व तज्ञ यांच्याशी चर्चा केल्यानंतर त्यांनी आंबोलीत विविध प्रकारचे पक्षी ,फुलपाखरे हे विशिष्ट काळात आकर्षित होतात मात्र पावसाळ्यात अतिवृष्टी व थंड हवेमुळे या ठिकाणी ती तग धरू शकत नाहीत म्हणून त्यांना स्थलांतरित व्हावेच लागते त्यामुळे अशा उद्दानावर खर्च करणे म्हणजे हा पैसा वाया घालवण्यासारखेच आहे, या उलट या ठिकाणी उभयचर प्राणी, व सरपटणारे प्राणी याचे उद्यान केल्यास लाखो पर्यटक भेट देऊन आंबोलीच्या विकासात भर पडेल, अशा प्रकारच्या प्रकल्पावर लाख रुपये खर्च होत असताना या प्रकल्पाकडे जाणारे रस्ते मात्र गायब झालेले आहेत, अरुंद डांबर गायब व खड्डे पडलेल्या रस्त्यांमुळे वाहने जाऊ शकत नाहीत, सर्वच पर्यटन स्थळाकडे जाणारे रस्ते खड्डेमय झाले आहेत, याकडे कोणीच लक्ष देत नाही, फक्त अशा प्रकारचे प्रकल्प अधिकारी मंत्री महोदयांना आणून उद्घाटन केले जातात त्यानंतर त्याकडे कोढ ढूंकुन सुध्था पाहत नाहीत,काही वर्षानंतर पुन्हा एकदा त्यावर खर्च केला जातो असा खर्च वारंवार करूनही त्याचे फलित काहीच निघत नाही त्यामुळे हा जनतेचा पैसा वाया जातो असे आमचे स्पष्ट मत आहे.

पारपोली येथील फुलपाखरू उद्यान विकसित करण्यासाठी निधी खर्च करण्यात आला आहे हा निधी फुलपाखरांसाठी विकसित होणार की पुन्हा अधिकाऱ्याच्या घशात जाणार की अन्य कोणाच्या याचा शोध घेणे गरजेचे आहे,मुळात पारपोली येथे नैसर्गिक साधन सामग्री आहे, फुलझाडे फुल पाखरांना आकर्षित करणारी झाडे हवी ती पण आहेत पण त्या झाडांचे जतन ,संगोपन, वनविभागाचे अधिकारी, कर्मचारी, करतील का हा संशोधनाचा विषय आहे.

‌‌. आज पर्यंत वन विभागाचा अनुभव पाहता वनविभागाने केलेले एकही काम फार काळ टिकले नाही, हा इतिहास आहे, त्यामुळे त्या अधिकाऱ्यांवर विश्वास किती ठेवावा हा ही प्रश्न आहे, मंत्री महोदयांनी याचा खोलवर विचार करून अशा प्रकारच्या योजना राबवणे गरजेचे आहे ,अधिकारी आपल्या स्वार्थासाठी फायद्यासाठी ,मंत्री महोदयांना काही योजना पटवून देत असतील मात्र या ठिकाणची भौगोलिक परिस्थिती या ठिकाणची ,वस्तुस्थिती याचा अभ्यास करणे गरजेचे आहे तरच अशा प्रकारचे प्रकल्प यशस्वी होऊ शकतात असे मत वर्धन यांनी व्यक्त केले.

पारपोली येथे जे फुलपाखरू उद्यान विकसित करण्यात आले आहेत त्या ठिकाणी फुलपाखरू किती आहेत ती किती दूरवर आहेत त्यांना मुख्य ठिकाणी आणण्यासाठी कोणत्या योजना राबविल्या पाहिजेत ,कोणती झाडे लावली पाहिजेत, याचा अभ्यास होणे गरजेचे आहे,नुसते अधिकारी व मंत्री महोदयांना खुश करण्यासाठी तात्पुरती उपाययोजना करायची व मंत्री महोदयांची पाठ फिरल्यानंतर तिथे आपणही पाठ करायची व शासनाचे लाख रुपये पाण्यात घालायचे असा प्रकार आजपर्यंत सुरू आहे या प्रकाराला कुठेतरी आळा बसणे ही काळाची गरज आहे नाहीतर या उद्यानाची अवस्था बिकठ आहे एवढे मात्र निश्चित.