🟥 ज्याच्या नशिबात असेल त्याला भाजपची उमेदवारी मिळेल ; भाजपा‌ प्रदेशाध्यक्ष बावनकुळे..

🟥 सावंतवाडी विधानसभा मतदारसंघ संघाच्या उमेदवारी बाबत सूचक विधान..

🎥 Kokan Live Breaking News

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-२०:- निवडणूक लढविण्यासाठी बरेच जण इच्छुक असतात मात्र कोणी कितीही इच्छुक असेल तरी सावंतवाडी मतदारसंघाची जागा ज्याच्या नशिबात असेल त्यालाच मिळेल असे सूचक विधान प्रदेशाध्यक्ष चंद्रशेखर बावनकुळे यांनी आज येथे पत्रकारांशी बोलताना केले. खासदारकीची उमेदवारी बाबतचा निर्णय भाजपा पार्लमेंट बोर्ड घेईल असेही त्यांनी सांगितले. दरम्यान भाजप विधानसभा संपर्क कार्यालयाचे प्रदेशाध्यक्ष श्री चंद्रशेखर बावनकुळे यांच्या हस्ते फित कापून उद्घाटन करण्यात आले. त्यानंतर त्यांनी पत्रकारांची सवाध साधला.

माजी आमदार राजन तेली म्हणाले मागच्या वेळी केवळ पक्षाने आदेश दिला नाही त्यामुळे एबी फॉर्म हातात असताना सुद्धा भाजप म्हणून निवडणूक लढवली नाही. परंतु त्याची पुनरावृत्ती यावेळी होऊ देऊ नका, विधानसभेच्या जागा आणि लोकसभा स्वबळावर लढू, या ठिकाणी ७० टक्के पेक्षा जास्त ग्रामपंचायती आमच्याकडे आहेत. सावंतवाडीचा नगराध्यक्ष भाजपचाच होता. त्यामुळे येणाऱ्या काळात मतदार संघ भाजपमय करण्यासाठी पक्षाने बळ द्यावे, असे त्यांनी सांगितले.

तेली यांच्या नव्या निवासस्थानी सुरू करण्यात आलेल्या “वॉर” रूमचे आज प्रदेशाध्यक्ष चंद्रशेखर बावनकुळे यांच्या हस्ते उद्घाटन झाले यावेळी आयोजित करण्यात आलेल्या कार्यक्रमात तेली बोलत होते.

यावेळी ते म्हणाले, या ठिकाणी भाजप सक्षम पणे निवडणूक लढू शकते. जिल्ह्यात भाजपची मोठी ताकद आहे. त्यामुळे सर्व जागा स्वबळावर लढवण्याची तयारी आमची आहे. त्यासाठी आवश्यक असलेले आदेश पक्षाने द्यावेत. मागच्या वेळी केवळ पक्षाचे आदेश नसल्यामुळे हातात एबी फॉर्म असताना सुद्धा मी अर्ज भरला नाही, त्याची पुनरावृत्ती होऊ नये यासाठी पक्षाचे प्रयत्न करावा बावनकुळे यांनी सावंतवाडी विधानसभा मतदारसंघासाठी अधिकचा वेळ द्यावा आम्ही निश्चितच तुम्हाला यश मिळवून देऊ, असे तेली म्हणाले.

यावेळी भाजपचे कुडाळ विधानसभा मतदारसंघ प्रमुख माजी खासदार निलेश राणे, आ. नितेश राणे, भाजपा प्रदेश सरचिटणीस विक्रांत पाटील, सोशल मिडीया प्रमुख नवनाथ बन, भाजपा जिल्हाध्यक्ष प्रभाकर सावंत, महिला जिल्हाध्यक्षा श्वेता कोरगांवकर, जिल्हा उपाध्यक्ष संजू परब, भाजप युवा मोर्चा प्रदेश सरचिटणीस प्रथमेश तेली, जिल्हा उपाध्यक्ष बाळू देसाई, सावंतवाडी शहर मंडल अध्यक्ष अजय गोंदावळे, संध्या तेरसे, माजी जि.प. सभापती गुरुनाथ पेडणेकर, शर्वाणी गांवकर, एकनाथ नाडकर्णी, जिल्हा बँक संचालक रवि मडगांवकर, प्रमोद कामत, पुखराज पुरोहित, माजी नगरसेवक मनोज नाईक, आनंद नेवगी, दिपाली भालेकर, शेखर गांवकर आदी उपस्थित होते.