🟥 शिरशिंगे गावातील बी.एस.एन.एल. टॉवर व बी.एस.एन.एल.( सावंतवाडी ) कार्यालयातील अधिकारी झाले आहेत डोकेदुखी ….

🟥 शिरशिंगे गावातील ग्रामस्थांनी बी.एस.एन.एल. कार्यालयात सादर केले निवेदन ; पंधरा दिवसात काम नाही केलात तर..

🟥 निवेदनाच्या माध्यमातून दिला आंदोलनाचा इशारा….

🎥 Kokan Live Breaking News

✍️ प्रतिनिधी : नाना धोंड

🎴सावंतवाडी, दि-१७:- मोबाईलचे नेटवर्क नसल्याने हैराण झालेल्या शिरशिंगे ग्रामस्थांनी आज येथील बीएसएनएलच्या कार्यालयावर धडक दिली. यावेळी आठ दिवसात समस्या सोडवा, अन्यथा आंदोलन केले जाईल, असा इशारा जिल्हा प्रबंधक रविकिरण जुन्नू यांना देण्यात आला आहे. गेले अनेक दिवस मोबाईल नसल्यामुळे अनेक समस्यांना तोंड द्यावे लागत आहे, असे ग्रामस्थांचे म्हणणे आहे.
सावंतवाडी तालुक्यातील शिरशिंगे गावातील बी.एस.एन.एल. ची सुविधा लाईट गेल्यावर बंद होते, या संदर्भात आज येथील ग्रामस्थांनी जिल्हा प्रबंधक जुन्नू यांची भेट घेत त्यांना धारेवर धरले होते.
टॉवर ला बॅटरी बॅकअप नसल्याने लाईट गेल्यावर नेटवर्क जातं यासाठी येत्या आठ दिवसात बॅटरी दुरुस्ती करा आणि तांत्रिक अडचणी असतील तर त्या लवकर सोडवा अन्यथा लोकशाही मार्गाने आंदोलन छेडण्यात येईल अशा प्रकरचा इशारा यावेळी ग्रामस्थांनी दिला.दरम्यान जिल्हा प्रबंधक यांनी येत्या १५ दिवसात सेवा सुरळीत करण्याचे आश्वासन दिले.
यावेळी उपस्थित श्री राजन तेली माजी आमदार व भाजपचे जि. माजी जिल्हाध्यक्ष, श्री रवींद्र मडगावकर माजी सभापती व सिं.बँक संचालक सदस्य, श्री पंढरी राऊळ जि. प. सदस्य, श्री दीपक राऊळ दीपक राऊळ शिरशिंगे सरपंच, लवू भिंगारे सांगेली सरपंच, सचिन धोंड शिरशिंगे उपसरपंच, नारायण राऊळ, गणपत राणे,गणू राऊळ, पांडुरंग राऊळ,प्रशांत देसाई, राजेंद्र सावरवाडकर, अंकुश परब,जीवन लाड आदी उपस्थित होते.