🟥 सिंधुदुर्ग जिल्हा अमली पदार्थांच्या विळख्यात, तपासणी नाकी हप्ता केंद्र..

🟥 येत्या तीन महिन्यांत तपासणी नाक्यावर सुधारणा न झाल्यास तपासणी नाकी बंद करण्यासाठी मंत्रालया बाहेर आंदोलन..

🟥 चरस,गांजा, गोवा बनावटीची विषारी अवैध दारु चा सिंधुदुर्गाला विळखा..

🎥 Kokan Live Breaking News

✍️ संपादकीय : सीताराम गावडे

🎴सावंतवाडी, दि-०३:– गोवा राज्यातून तसेच इतर पर राज्यातून सिंधुदुर्ग जिल्ह्यात करोडो रुपयांची येणारी दारू ,चरस, गांजा, सिंधुदुर्गातील तपासणी नाकी चकवून येत असतील तर ही बिनकामाची तपासणी नाकी काय कामाची? सदरची तपासणी नाकी बंद करण्यात यावी या मागणीसाठी शासनाला तीन महिन्याची मुदत आम्ही देत आहोत. यामध्ये सदरच्या तपासणी नाक्यावर सुधारणा करावी अन्यथा ती तपासणी नाकी बंद करण्यात यावी अन्यथा 26 जानेवारी २०२५ रोजी गृहमंत्र्यांच्या विरोधात मंत्रालया समोर आंदोलन छेडण्यात येईल याची नोंद प्रशासनाने घ्यावी.

अमली पदार्थांचा केंद्रबिंदू गोव्या नजीकचा व सिंधुदुर्ग जिल्ह्यातील सासोली हे गाव असल्याचे तपासणीत सिद्ध झाले आहे, सिंधुदुर्ग जिल्ह्यात करोडो रुपयांचा अवैद्य विषारी दारु परराज्यातून येत आहे व सिंधुदुर्गातील तपासणी नाकी बिनकामाची बनली आहेत या नाक्यावर फक्त हप्ता गोळा करण्याची कामे केली जातात, म्हणजे सदरची नाकी ही हप्ता केंद्र आहेत का असा प्रश्न पडला आहे?

आज सिंधुदुर्ग जिल्ह्यातील खेड्या पाड्यात चरस, गांजा, अवैद्य गोवा बनावटीची दारू विकली जाते, मात्र पोलीस प्रशासन, राज्य उत्पादन शुल्क विभाग, एलसीबी, डीएसबी, सीआयडी, अशा प्रशासनाने अनेक शाखा निर्माण केल्या असतानाही राजरोसपणे गोवा बनावटीची विषारी दारु सिंधुदुर्गात येतेच, त्याचबरोबर मनुष्य जीवनासाठी घातक ठरणारे गांजा,चरस ,यासारखे अमली पदार्थही सिंधुदुर्गात राजरोस विक्री होऊ लागले आहेत,याची पाळेमुळे खूप खोलवर गेली आहेत,व या धंद्यांना राजकीय पाठबळ असल्याशिवाय एवढे मोठे रॅकेट चालविले जाणार नाही हे ही सूर्यप्रकाशा एवढे सत्य आहे.

गुजरातमधून या सर्व अमली पदार्थांचा इतर राज्यात पुरवठा केला जातो. त्यामुळे शासनाच्या अनेक गुप्तचर यंत्रणा हा मुद्देमाल परराज्यात जाईपर्यंत झोपा काढत असतात काय? हा महत्त्वाचा प्रश्न आहे, आज युवा पिढी या व्यसनाने बरबाद झाली आहे ,गांजा, चरस, यासारख्या व्यसनांनी मेंदूवरील ताबा सुटून अनेक विचित्र घटना युवा वर्गाकडून घडल्याचे आपण पाहिल्या आहेत.एकुलता एक मुलगा या व्यतनांच्या आहारी जाऊन पैशासाठी आई-वडिलांना मारहाण केल्याच्या घटना ताज्या आहेत, तर या व्यसनाच्या आहारी जाऊन अनेक युवकांनी आत्महत्या केल्याची घटना ताज्या आहेत, हे लोण जेव्हा हप्ते खाणाऱ्यांच्या घरापर्यंत पोहोचल्याशिवाय राहणार नाही कारण नियतीचे हे कालचक्र आहे.

सिंधुदुर्ग जिल्ह्यात व महाराष्ट्राच्या इतरत्र जिल्ह्यात गोवा बनावटीची दारू मोठ्या प्रमाणात पुरवठा होते व हा पुरवठा करणारे अगदी काही कालावधीतच मालामाल होतात ,मात्र यामध्ये अनेकांची कुटुंब उध्वस्त होऊन ऐन उमेदीच्या काळात स्त्रियांची कपाळे पांढरी झाली आहेत,

ऐन उमेदीत काहीजण या विषारी दारूच्या आहारी जाऊन आपले जीवन गमावून बसले आहेत ,याविरुद्ध वारंवार उठाव करून काही प्रमाणात याला आळा बसला मात्र अजूनही मोठ्या प्रमाणात गोवा बनावटीची दारू सिंधुदुर्ग व इतरत्र जिल्ह्यात पुरवठा होत आहे,हे होत असताना जिल्ह्यातील पोलीस यंत्रणा ,राज्य उत्पादन शुल्क विभाग, एलसीबी उघड्या डोळ्यांनी पाहत असून या दारू धंदेवाल्यांकडेच आम्हाला एक केस द्या व दोन गाड्या घेऊन जा अशी मांडवली करत आहेत, त्यामुळे दारु पकडण्याची कारवाई म्हणजे जनतेच्या डोळ्यात धूळफेक आहे,

मिळालेल्या माहितीनुसार गोवा बनावटीची दारू पुरवठा करणारे काही जण आता नाशिक पुणे मुंबई येथेही मोठ्या प्रमाणात दारू सप्लाय करू लागले आहेत व यांची लिंक वरपर्यंत आहे म्हणे, त्यामुळे त्यांचे कोणीच काही वाकडे करू शकत नाही, या दोन नंबर पैशाच्या जीवावर त्यांची मुजोरी एवढी वाढली की रस्त्यात गाडी उभी करून सर्वसामान्य नागरिकांना दमटवण्याचे प्रकारही घडत आहेत, धुम स्टाईल ने तळ्याच्या काठी मोठ्या आवाजाने गाड्या फिरवणे आधी प्रकार सावंवाडीत वाढू लागले आहेत न दिसणाऱे गाडीचे नंबर प्लेट, काळ्या काचीच्या गाड्या, हे माफीया राजरोसपणे वापरतात पोलीस मात्र त्यांच्यावर कोणतीही कारवाई करत नाहीत किंवा त्यांच्यावर कारवाई करण्याची हिम्मत पोलिसांना होत नाही या मागचे कारण काय आहे हे सर्वांनाच माहिती आहे म्हणून आम्ही वेळोवेळी मागणी केली की ज्या राज्यातून अशा प्रकारचा अवैध्य मद्य पुरवठा दुसऱ्या राज्यात पाठवण्यासाठी केला जातो व ती दारू पकडली गेल्यानंतर ज्या बारमालकाकडून किंवा दारूच्या फॅक्टरी मधून सदरची दारू विक्रीस घेतली गेली त्या मालकावरही कारवाई करण्यात यावी कारण मोठ्या प्रमाणात महाराष्ट्राचा टॅक्स व्हॅट या मधून बुडवला जात आहे.

सर्व सामान्य नागरिकाला जीएसटी इन्कम टॅक्स यासाठी वेठीस धरणारे अधिकारी यावेळी मात्र मुगगिळून गप्प का असतात हा संशोधनाचा विषय आहे.

गांजा बरोबर गोव्यातील विषारी दारूचाही नायनाट होणे गरजेचे आहे, सिंधुदुर्ग जिल्ह्यातील इतरत्र राज्यात जी दारू पाठविली जाते ती गोव्यातील म्हणजे डुप्लिकेट दारू असते गोवा दारुत अल्कोहोलचे प्रमाण हे मर्यादे पेक्षा चौपट असल्याने ही दारू पिणाऱ्यांना लिव्हरचा त्रास होऊन लिव्हर खराब होण्याची प्रक्रिया वर्षभरात सुरू होते व दारू पिणाऱा वर्ष ,दीड वर्षात मृत्यू मुखी जातो,असे अनेकांचे संसार उघड्यावर पडले आहेत व हा धंदा करणारे मात्र गब्बर झाले आहेत, त्यामुळे सिंधुदुर्ग पोलिसांनी राज्य उत्पादन शुल्क विभागाने याचे समूळ उच्चाटन करणे गरजेचे आहे ,सिंधुदुर्ग जिल्हा अवैध धंद्याच्या विळख्यात आहे असे म्हटले जाते ते शंभर टक्के सूर्यप्रकाश एवढे सत्य आहे, कारण या जिल्ह्यात आता एखाद्या दुकानात सिगरेट मिळावी तसा गांजा मिळतोय, कारवाई होते मात्र हा गांजा कोणी आणला त्याचा मुख्य विक्रेता कोण त्या मुख्य विक्रेत्याकडे कोणाकडून गांजा आला याच्या मुळाशी पोलीस किंवा संबंधित विभाग कधीही पोहोचला नाही,. त्यामुळे हे अमली पदार्थ विक्री राजरोसपणे सुरू आहे.

वर्षानुवर्षे एकाच ठिकाणी ठाण मांडून बसलेले पोलीस, राज्य उत्पादन शुल्काचे पोलीस, यांना याची सर्व माहिती असून सुद्धा केवळ आर्थिक प्रभैलनाने ते मुग गिळून गप्प आहेत, या गोष्टींवर येत्या तीन महिन्यात योग्य ती कारवाई न झाल्यास समाज प्रेमी नागरिकांना सोबत घेऊन मुख्यमंत्र्यांच्या कार्यालया बाहेर २६ जानेवारी रोजी उपोषण छेडण्याचा निर्णय मी घेतला आहे. समाजातील विविध घटक माझ्या या लढ्याला पाठिंबा देतील व माझ्या सोबतीला येतील याचाही मला शंभर टक्के विश्वास आहे.

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_