🟥 कळसुलकर इंग्लिश स्कूलच्या गरजू व होतकरू विद्यार्थीनींच्या गणवेशासाठी भरीव आर्थिक सहाय्य

🎥 Kokan Live Breaking News

✍️ प्रतिनिधी : प्रशांत मोरजकर

🎴सावंतवाडी, दि-०९:- सावंतवाडी एज्युकेशन सोसायटी, सावंतवाडी संचालित कळसुलकर इंग्लिश स्कूल व आय बी सय्यद कनिष्ठ महाविद्यालय, सावंतवाडीच्या माध्यमिक विभागाच्या गरजू व होतकरू विद्यार्थिनींना प्रशालेच्या एस एस सी1992 बॅचच्या माजी विद्यार्थिनी यांनी गणवेशासाठी भरीव आर्थिक सहाय्य दिले.

प्रशालेतील इयत्ता पाचवी ते नववी च्या गरजू व होतकरू 34 विद्यार्थिनींना शालेय गणवेशासाठी आर्थिक भरीव योगदान रुपये – 14,000/- प्रशालेच्या माजी विद्यार्थिनी प्रज्ञा सातावळेकर, दीपा पेडणेकर, रूपा नागण्णावार, अंजली बेंडीगिरी, नूतन कर्पे, नीलम पावसकर, मनीषा रेडकर, किरण धुरी तसेच त्यांच्या मैत्रिणी जागृती प्रभू तेंडुलकर व स्वाती गरुड* यांनी सहकार्य केले. प्रशालेच्या सभागृहामध्ये श्रीमती नूतन कर्पे प्रशालेचे मुख्याध्यापक श्री एन.पी.मानकर ज्येष्ठ शिक्षक श्री एस एस वैज, शिक्षिका श्रीम.एस एस चव्हाण,श्रीम.एस.जी.सामंत, श्रीम एस एस दळवी, शिक्षक श्री पी बी बागुल, श्री जी बी गवस, श्री ए जे ठाकूर, चतुर्थ कर्मचारी श्री निलेश रौराळे यांच्या हस्ते विद्यार्थिनींना गणवेशाचे वाटप करण्यात आले.

प्रशाले विषयी असलेले स्नेह या माजी विद्यार्थिनींनी प्रशालेच्या गरजू विद्यार्थिनींना मदतीचा हात दिला.

संस्थेचे अध्यक्ष श्री शैलेश पई, सचिव प्रसाद नार्वेकर, संस्थेचे पदाधिकारी तसेच माजी विद्यार्थी संघाचे अध्यक्ष श्री दत्तप्रसाद गोठोसकर, प्रशालेचे मुख्याध्यापक श्री एन पी मानकर, प्रशालेचे शिक्षक, शिक्षकेतर कर्मचारी यांमार्फत देणगी देणार्‍या सर्व माजी विद्यार्थिनींचे आभार मानण्यात आले. प्रस्तुत गणवेशाची निधी उपलब्ध करून देण्यासाठी प्रशालेचे जेष्ठ शिक्षक श्री एस एस वैज व माजी विद्यार्थिनी नूतन कर्पे,नीलम पावसकर यांचे मोलाचे सहकार्य लाभले. प्रशालेच्या शिक्षिका श्रीम.एस एस चव्हाण यांनी कार्यक्रमाचे आभार मानले.