🟥 २०२४ पर्यंत टर्मिनस झाले नाही तर आंदोलन छेडू..

 

*🟥 वसई सावंतवाडी कोकण रेल्वे प्रवासी संघटना मुंबई अध्यक्ष शांताराम नाईक यांचा इशारा..*

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴सावंतवाडी,दि.१७:-* सावंतवाडी रेल्वे रोड स्टेशनवर टर्मिनस व्हावे म्हणून १२ वर्षांपूर्वी निर्णय घेतला आहे मात्र टर्मिनस उभे राहिले नसल्याने कोकण रेल्वे मार्गावर धावणाऱ्या सुमारे शंभर रेल्वे पैकी हाताच्या बोटावर मोजता येतील इतक्या रेल्वेना थांबा मिळाला आहे. टर्मिनस झाले तर विशेषतः सर्व रेल्वे सावंतवाडी, सिंधुदुर्ग जिल्ह्यातील स्टेशनवर थांबविल्या जातील. दरम्यान २०२४ पर्यंत टर्मिनस झाले नाही तर आंदोलन छेडण्याचा इशारा वसई सावंतवाडी कोकण रेल्वे प्रवासी संघटना मुंबई अध्यक्ष शांताराम नाईक यांनी दिला.

सावंतवाडी रोड रेल्वे स्टेशनवर शांताराम नाईक, सेक्रेटरी यशवंत जड्यार,भरत पंडित आणि माजी आमदार कै जयानंद मठकर यांचे नातू, रोटरॅक्ट अध्यक्ष मिहिर मठकर यांच्यासह मान्यवरांनी स्टेशन मास्तर यांना निवेदन दिले त्यानंतर बोलत होते.

सावंतवाडी स्टेशनचा कोकण रेल्वे विभागात टर्मिनस असा उल्लेख असल्याचे निदर्शनास येत आहे. मात्र, अपुऱ्या सुविधांमुळे मुंबई ते सिंधुदुर्ग दरम्याने प्रवास करणाऱ्या कोकणवासिय चाकरमन्यांना याचा काहीच फायदा होत नाही. परिणामी याचा फायदा दक्षिणेतील गोवा, कर्नाटक, केरळ, तामिळनाडू राज्यांना झाल्याचे दिसून येत आहे. यासाठी प्रवासी संघटनेला माहितीच्या अधिकाराखाली रेल्वे प्रशासनाने सावंतवाडी टर्मिनसला कोणत्या सुविधा दिलेल्या आहेत ते लेखी स्वरूपात कळवावे व सावंतवाडी टर्मिनसला कोकण रेल्वेचे शिल्पकार प्रा. मधू दंडवते यांचे नाव देण्यात यावे अशी मागणी वसई सावंतवाडी कोकण रेल्वे प्रवासी संघटनेच्या माध्यमातून सावंतवाडी स्टेशन मास्तर यांच्याकडे करण्यात आली. तर १२ वर्ष रखडलेल्या टर्मिनसच काम २०२४ पर्यंत पुर्ण न केल्यास उग्र आंदोलन छेडणार असल्याचा इशारा संघटनेचे अध्यक्ष शांताराम नाईक यांनी दिला.

यावेळी अध्यक्ष शांताराम नाईक म्हणाले, अनेक वर्ष अर्ज, विनंत्या करून ९२ वेळा निवेदन दिले. त्याकडे रेल्वे प्रशासन दुर्लक्ष करत आहे. १२ वर्ष रखडलेल्या सावंतवाडी टर्मिनसच काम २०२४ पर्यंत पुर्ण न झाल्यास कोकण रेल्वे कार्पोरेशन ते मंत्रालयावर मोर्चा काढणार, याच नेतृत्व मी करणार असा इशारा दिला. सावंतवाडी टर्मिनस झाले तर सर्व गाड्या थांबाव्यात लागतील. टर्मिनस नसल्याने वसई सावंतवाडी गाडी सुरु केली जात नाही. तसेच शंभर रेल्वे मार्गावर धावत आहेत त्या धुळ उडवत जात आहेत त्याचा कोकणातील प्रवाशांना फायदा नाही. दक्षिण कडील राज्यांना मात्र फायदा झाला आहे. कोकण मात्र भकास ठरले आहे.

यावेळी सेक्रेटरी यशवंत जडयार म्हणाले, रेल्वे प्रवासी संघटनेच्या माध्यमातून सुसज्ज अस सावंतवाडी टर्मिनस व्हावं अशी आग्रही मागणी केली आहे. कोकण रेल्वेला २५ वर्ष होत असताना याचा लाभ दुर्देवाने कोकणवासीयांना झालेला नाही. याउलट दक्षिणेतील राज्यांना या सुपरफास्ट गाड्यांचा फायदा अधिक होत आहे. कोकण रेल्वे व रेल्वे बोर्डाकडे पॅसेंजर गाड्या व स्लो दर्जाच्या गाड्यांची मागणी केली आहे. कोकणातील प्रत्येक स्थानकावर त्या गाड्यांना थांबा मिळावा अशी मागणी केली आहे. तर सावंतवाडी टर्मिनस मार्गी लागल्यास रेल्वे प्रवाशांचे सर्व प्रश्न मार्गी लागतील. त्यामुळे सावंतवाडी टर्मीनस सुरू होऊन कोकणातील भुमिपुत्रांना त्याचा लाभ मिळावा यासाठी आम्ही आग्रही असणार आहोत.

यावेळी वसई सावंतवाडी कोकण रेल्वे प्रवासी संघटना मुंबई अध्यक्ष शांताराम नाईक, सेक्रेटरी यशवंत जडयार, सदस्य भरत पंडित, खजिनदार शेखर बागवे, बाळ वेळकर, सागर तळवडेकर, सावंतवाडीचे मिहीर मठकर, विहंग गोठस्कर, सिद्धेश सावंत, वेत्ये माजी सरपंच सुनिल गावडे, माजगाव माजी सरपंच आबा सावंत, वेत्ये सरपंच गुणाजी गावडे, योगेश नाईक, विनोद ठाकुर, प्रशांत बुगडे, संदीप पांढरे, संतोष गावडे, बाळू गावडे, सत्यवान गावडे, सुभाष मयेकर,सुशील चौगुले, शरद जाधव, दशरथ पेडणेकर, सतिश पाथरूट, मिलिंद दहीवले, राजाराम आळवे, अमिता आजगावकर आदी उपस्थित होते.

माजी आमदार कै जयानंद मठकर यांचे नातू रोटरॅक्ट अध्यक्ष मिहिर मठकर म्हणाले, सावंतवाडी रेल्वे टर्मिनस आणि गाड्या थांबवण्याबाबत आम्हीही गेले काही दिवस निवेदने,माहिती अधिकाराचा उपयोग करत आहोत. टर्मिनस चा दुसरा टप्पा पूर्ण झाला तर सर्व गाड्या इथे थांबतील. सध्या शंभर रेल्वे या मार्गावरून धावत आहे मात्र हाताच्या बोटावर मोजता येतील, इतक्यात रेल्वेना थांबा आहे त्यामुळे टर्मिनस दुसरा टप्पा पूर्ण झाला तर सर्व गाड्या थांबतील त्यासाठी कृती समिती पुनर्जीवित करून गल्लीपासून दिल्लीपर्यंत सर्वांना एकत्रित घेऊन कोकण रेल्वे प्रवाशांची गैरसोय दूर करतानाच सावंतवाडी टर्मिनस होण्यासाठी प्रयत्न केला जाईल असे मिहीर मटकर म्हणाले.

 

 

*_…………..सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

____________________________

 

 

 

 

*_🥦🛤️सुंदरवाडी म्हणजेच सावंतवाडी.. निसर्गाने नटलेल्या सावंतवाडी मध्ये घर घेण्याचे आपले स्वप्न आता आम्ही पूर्ण करू🏠🏝️_*

 

 

*🥳स्वप्नातलं घर ….आवाक्यातला घर🏬 ….एकच नक्षत्र रेसिडेन्सी🥳*

 

 

*🎦Kokan Live Breaking||Advertise*

 

 

_✨🏃🏼‍♂️🏃🏼‍♂️सावंतवाडी शहरात अगदी बाजारपेठेपासून हाकेच्या अंतरावर घ्या 🤩तुमचे हक्काचे घर🏘️_

 

*🏬नक्षत्र रेसिडेन्सी🏬*

_सावंतवाडी_

 

*🏬Ready Possession Flat’s Available*

 

*🏃🏼‍♂️वेळ दवडू नका आजच आपले हक्काचे घर बुक करा*

 

*🎴अधिक माहितीसाठी संपर्क:-*

9422054540

9422075777

 

*🏫पत्ता :-*

*Nakshtra Residency*

भटवाडी रोड, लक्ष्‍मीनारायण मंदिर,

रॉयल गार्डन शेजारी,सावंतवाडी ४१६५१०

 

*▪️ऑफिस पत्ता:-*

UG/35,Laxminakshtra Tower

Kudal, Dist. Sindhudurg

 

———————————————-

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FI3hIvhih7mCHz64IDqTeh

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_