🟥 यशवंतगडाजवळ अवैध उत्खनन केल्याच्या प्रकरणी १० जणांना एकूण २६ लाख रुपये दंड !

*🟥 शिवप्रेमींच्या उपोषणाला यश..*

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴वेंगुर्ला, दि-२३:-* राज्य संरक्षित स्मारक असलेल्या – तालुक्यातील यशवंतगडाच्या तटबंदीजवळ अवैधपणे गौण खनिजाचे (माती) उत्खनन केल्याच्या प्रकरणी एकूण २६ लाख ७१ सहस्र २०० रुपये स्वामित्वधन (रॉयल्टी) १५ दिवसांत भरावे, तसेच ही रक्कम भरल्याचे चलन (पावती) कार्यालयाला सादर करावे. दिलेल्या मुदतीत ही रक्कम न भरल्यास महाराष्ट्र भूमी महसूल अधिनियमांतील तरतुदीनुसार ही रक्कम भूमी महसुलाची थकबाकी म्हणून सक्तीने वसूल करण्यात येईल, असा आदेश वेंगुर्लातहसीलदार प्रविण आबाजी लोकरे यांनी या प्रकरणातील संबंधित १० जणांना दिला आहे.

गडाजवळील अवैध बांधकामाच्या विरोधात आवाज उठवणारे आणि प्रसंगी दीर्घकालीन उपोषण करणारे शिवप्रेमी तथा भारतीय भ्रष्टाचार निवारण संस्थेचे कोकण प्रांताचे मुख्य कार्यकारी अधिकारी राजन बापू रेडकर, भूषण विलास मांजरेकर आणि त्यांचे सहकारी यांच्या लढ्याला पहिल्या टप्प्यात यश आले आहे. या आदेशात तहसीलदार लोकरे यांनी म्हटले आहे की,

 

१. यशवंतगडालगत असलेल्या श्री गणपति मंदिराच्या तटाला लागूनच तटबंदीच्या भरावाच्या मातीचे अनधिकृतपणे उत्खनन करून सपाटीकरण आणि बांधकाम चालू करण्यात आले आहे.

 

२. या संरक्षित स्मारकाच्या नियंत्रित क्षेत्रात कोणतेही उत्खनन, कोणतेही बांधकाम करण्यासाठी पुरातत्व खात्याची अनुमती घेणे आवश्यक असल्याचे कळवूनही संरक्षित क्षेत्राच्या तटबंदीच्या भरावाच्या मातीचे उत्खनन करण्यात आले.

 

३. अवैधरित्या करण्यात आलेल्या बांधकामाच्या विरोधात श्री. राजन रेडकर आणि श्री. भूषण मांजरेकर यांनी तक्रार दिली होती. त्यानुसार वस्तूस्थितीची पहाणी करण्यात आली. यानुसार मौजे सुकळभाट, वेंगुर्ला येथील सर्वेक्षण क्रमांक ३४, हिस्सा क्रमांक 0, एकूण क्षेत्र ०.४०.०० हेक्टर या क्षेत्रामध्ये ४७७ ब्रास मातीचे अवैध उत्खनन करण्यात आल्याचे स्पष्ट झाले.

 

४. यासाठी श्रीमती प्रीती श्रीवास्तव, पुणे; दिलिप विष्णु सावंत, रेडी श्रीमती अनिता कृष्णा सावंत, रेडी सागर कृष्णा सावंत, रेडी श्रीमती कीर्ती कालिदास बांदेकर, शिरोडा; श्रीमती अर्चना अनंत तेंडुलकर, कणकवली; श्रीमती उज्वला उल्हास कोचरेकर, खानोली प्रदीप विनायक दळवी, सुकळभाट सदानंद विनायक दळवी, सुकळभाट आणि नीळकंठ विनायक दळवी, सुकळभाट यांच्याकडून उपरोक्त रक्कम वसूल करण्यात यावी.

 

५. यामध्ये शासकीय दरानुसार प्रती ब्रास ६०० रुपये याप्रमाणे ४७७ ब्राससाठी २ लाख ८६ सहस्र २०० रुपये आणि दंड म्हणून बाजारभावाच्या पाचपट यानुसार प्रती ब्रास ५ सहस्र रुपये प्रमाणे ४७७ ब्राससाठी २३ लाख ८५ सहस्र रुपये असे एकूण २६ लाख ७१ सहस्र २०० रुपये भरावेत.

 

सिंधुदुर्ग जिल्ह्यातील शिवप्रेमी सिंधुदुर्ग संघटना, दूर्गवीर मावळा संघटना, सह्याद्री प्रतिष्ठान हिंदुस्थान, सिंधुदुर्गव श्री शिवप्रतिष्ठान हिंदुस्तान संघटनांनी या शिवकार्याच्या गड संवर्धन कार्याचे समर्थन केलेले आहे.

 

तसेच पर्यावरण अभ्यासक व पीएचडी संशोधक मुंबई विद्यापीठाचे श्रीधर पेडणेकर यांनी अशा पध्दतीने पर्यावरणाचा -हास करून सीआरझेड क्षेत्रात अनधिकृत बांधकामाबाबत खंत व्यक्त केली असून त्यांचेवर अशाप्रकारे त्या संबंधितांवर शासनाने कठोर कारवाई करणे गरजेचे आहे असे मत व्यक्त करून उपोषणकर्ते राजन रेडकर, भूषण मांजरेकर व जिल्ह्यातील शिवप्रेमींचे अभिनंदन करून शुभेच्छा दिल्या आहेत.

 

*रेडी येथील यशवंतगडाच्या डागडुजीसाठी साडेपाच कोटी रुपये खर्च..*

 

 

वेंगुर्ला- युनेस्कोच्या सूचित समाविष्ट असलेल्या – यशवंतगडाची डागडुजी करणे आणि नवीन चिऱ्याचे बांधकाम करणे यांकरता आतापर्यंत शासनाकडून ५ कोटी ५८ लाख ४५ सहस्र ८४५ रुपये निधी पूर्णपणे खर्ची पडला आहे, अशा माहितीचे पत्र महाराष्ट्र शासनाच्या पुरातत्व विभागाचे साहाय्यक संचालक डॉ. वि. पुं. वाहणे यांनी येथील शिवप्रेमी राजन रेडकर यांना दिले आहे.

शिवप्रेमी श्री. रेडकर आणि त्यांचे सहकारी यांनी यापूर्वी यशवंतगडाच्या नजीक झालेले अवैध उत्खनन आणि बांधकाम यांच्या विरोधात आवाज उठवला होता. तसेच हे कृत्य करणाऱ्यांवर कारवाई व्हावी, यासाठी उपोषण केले होते. या अनुषंगाने श्री. रेडकर यांनी पुरातत्व खात्याने यशवंत गडाच्या संवर्धनासाठी आतापर्यंत किती निधी खर्च केला याची माहिती मागितली होती.

“पुरातत्व खात्याने केलेला खर्च गावातील किती लोकांना ठाऊक आहे ? जनता जो कर भरते, त्याचा विनियोग कसा होतो ? त्याकडे प्रत्येक गावातील नागरिकांचे लक्ष हवे. सर्वसाधारणपणे साडेपाच कोटी रुपये खर्च होत असतांना स्थानिकांना त्याविषयी माहितीही नसावी, हे आश्चर्यकारक आहे. या खर्चाला शासकीय भाषेत काय म्हणायचे ?”, असा संतप्त प्रश्न श्री. रेडकर यांनी उपस्थित केला आहे.

काहींच्या म्हणण्यानुसार शिवप्रेमी यशवंतगडाचे संवर्धन आणि जतन होण्यासाठी येथे कार्यरत असतात. सध्या गडावर स्वच्छता दिसते, त्यात शिवप्रेमींचा त्याग मोठा आहे. शिवप्रेमी सातत्याने येथे कार्यरत नसतात, तर पुरातत्व खात्याने या गडाची अशी निगा राखली असती का ? हा मोठा प्रश्न आहे.

 

 

*_……………सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

*😍☺️🏠बस झाली जीवाची मुंबई..*

आता हवी जिवाभावाची सावली.. लाल माती आणि गोड शहाळी.. शांतता आणि समाधानाची खात्री.. आपल्या हक्काचं घर निसर्गरम्य कोकणात असावे असे प्रत्येकाचे स्वप्न असते.. हे स्वप्न साकारायचं आहे ना? मग चिंता कशाला? आहे ना आपल्या हक्काचं *आदित्य ग्रीन्स..*

 

*🚆🏕️सावंतवाडी रोड रेल्वे स्टेशन जवळ निसर्गरम्य परिसरात तीन ते पाच गुंठ्याचे एन ए प्लॉट्स उपलब्ध*

 

*💫आमची वैशिष्ट्ये:*

 

*▪️भूखंडला फक्त अकरा लाखा पासून सुरवात*

*🛣️9 -12 मीटर रुंदीचे प्रशस्त अंतर्गत रस्ते…*

*💡विद्युत पुरवठ्याची सोय ..*

*🚰 प्रकल्पांची स्वतःची अशी पाणीपुरवठा योजना*..

*📑सर्व सरकारी परमिशन सहीत…*

*🧾प्रत्येक प्लाॅट चा स्वतंत्र सातबारा*

*💷राष्ट्रीयीकृत बँकांचे आर्थिक सहाय्य उपलब्ध..*

*🏠आवश्‍यकतेनुसार घर बांधून देण्याची सुविधा उपलब्ध..*

*🥦प्रत्येक प्लॉटमध्ये फळझाडांची लागवड.*

*🏝️आबालवृद्धांच्या मनोरंजनासाठी सुसज्ज पार्क ..*

*🚶🏻‍♂️मळगाव रेल्वे स्टेशन (टर्मीनस) पासुन एक किमी अंतरावर..*

*▪️मुंबई-गोवा हायवे पासून दिड कि.मी. अंतरावर कोकणातील घर साकार करणारी आर्थिक दृष्ट्या फायदेशीर व प्रसन्न वातावरणात असणारी मनःशांती देणारी गुंतवणूक..*

 

*🎴विकासक श्री. अतुल लक्ष्मण नाखरे, सावंतवाडी*

7820800938

 

*🏬 ऑफिस*

शॉप नंबर 4 पहिला मजला आदित्य बिजनेस सेंटर गांधी चौक सावंतवाडी. जिल्हा सिंधुदुर्ग.

संपर्क : 9420204505

9404740679

*👨🏻‍🎓कायदेशीर सल्लागार*

अॅड. एम. एस. भांगले.

ता.सावंतवाडी, जि.सिंधुदुर्ग.

मोबाईल : 9422374276

 

___________________________

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_