बांदा गवळीटेंब वाडी येथील युवकाने गळफास घेऊन केली आत्महत्या.
बांदा:प्रतिनिधी:शैलेश गवस
बांदा शहरातील गवळीटेम्ब येथील शिवराम धोंडीराम चव्हाण (वय २४) या युवकाने आपल्या राहत्या घरात गळफास घेऊन आत्महत्या केल्याने एकच खळबळ उडाली आहे.आज दुपारी साडेतीन वाजण्याच्या सुमारास ही घटना उघडकीस आली.मृतदेह विच्छेदनासाठी बांदा प्राथमिक आरोग्य केंद्रात नेण्यात आला आहे.बांदा पोलीस उपनिरीक्षक समीर भोसले व कर्मचारी घटनास्थळी दाखल झाले असून पंचनामा करण्याचे काम सुरु आहे.
