🟥 राजन तेली उमेदवारी साठी,अन्य पक्षात जाणार,या सोडलेल्या पुड्या…पुड्यांचे केंद्र बिंदू कणकवली की मुंबई

 

*🟥 भाजपचे शिलेदार राजन तेली उमेदवारीसाठी अन्य पक्षात जाणार नाहीत, कार्यकर्त्यांना विश्वास*

*🟥 मागील विधानसभा निवडणुकीत पक्ष चिन्ह असते तर राजन तेली आमदार असते कार्यकर्त्यांची भावना..*

_*🎥 Kokan Live Breaking News*_

*✍️ संपादकीय : सीताराम गावडे*

*🎴सावंतवाडी, दि-२७:-* राजन म्हणजे राजा,राजन तेली राजा मनाचा राजा माणूस,उमद्या वयात शिवसेनेचा कडवा शिवसैनिक असलेल्या राजन तेली यांनी शिवसेना पक्षात आसताना संघटनेसाठी स्वताचा काडीमात्र संबंध नसताना केवळ पक्षासाठी अनेक गुन्हे स्वताच्या अंगावर घेतले, तुरुंगात ही राहवे लागले, मात्र डगमगून न जाता हा कडवा सैनिक घट्ट पाय रोवून या पवित्र भूमीवर घट्ट उभा राहिला,पक्षाचे नेते नारायण राणे सांगतिल ते धोरण बांधतील ते तोरण, या म्हणीप्रमाणे सावली सारखा त्यांच्या पाठीशी भक्कमपणे उभा राहिला,पक्षाने त्यांना अनेक पदे देऊन सन्मानित केले,जिल्हा परिषद अध्यक्ष,सभापती ते विधान परिषदेत आमदार असा राजन तेली यांचा यशाचा आलेख चढताच राहिला,म्हणतात ते काही खोटे नाही एखादी व्यक्ती यशाची शिखरे गाठायला लागली की शत्रु ही मोठ्या प्रमाणात निर्माण होतात, त्यात बाहेरील शत्रू व स्वकीय शत्रू असे दोन गट पडतात,राजन तेलींच्या बाबतीत नेमके हेच घडले, पण खचून न जाता, विचलीत न होता, नारायण राणे यांच्या पाठीशी ठामपणे ते उभे राहिलेत,त्याच्या बरोबर राजकीय प्रत्येक प्रसंगात ते सावली सारखे पाठीशी राहिलेत, अगदी नारायण राणे शिवसेना पक्ष सोडून काॅग्रेस मध्ये गेले तेव्हाही, प्रशासनाचा प्रचंड अभ्यास, कार्यकर्त्यांशी जुळलेली नाळ, ग्रामीण भागात कार्यकर्त्यांचे विणलेले जाळे, ही राजन तेली यांची जमेची बाजू असल्याने त्यांचे राजकीय पटलावर नाव सदैव चर्चेत राहिले, त्यामुळेच त्यांचे पक्षातही शत्रू निर्माण झालेत, त्यांना चोहुबाजूने घेरण्याचा प्रयत्न झाला, त्यावेळी या चक्रव्यूहातून बाहेर पडण्यासाठी त्यांनी आपल्या मनातील खदखद बोलून दाखवली व त्यांना पक्ष सोडणे भाग पडले.
नारायण राणे यांच्याशी घेतलेली फारकत त्यांना डोईजड होणार असे वाटत असताना त्यांनी स्वतःच्या कार्य कौशल्याने आपले भक्कम स्थान निर्माण केले व विधानसभेच्या निवडणुकीत राष्ट्रवादीकडून अधिकृत उमेदवारी मिळाली असतानाही त्यांनी वरिष्ठ नेत्यांशी असलेल्या आपल्या दृढ संबंधांमुळे एका रात्रीत भाजपची उमेदवारी मिळून भाजप पक्षात प्रवेश केला, त्यावेळी केंद्रीय मंत्री नारायण राणे हे काँग्रेस पक्षाचे कोकणातील नेते होते, एवढे मोठे बंड राजन तेली यांना झेपेल का असे वाटत असतानाच त्यांनी सावंतवाडी विधानसभा मतदारसंघात भाजपची बांदा ग्रामपंचायत व दोडामार्ग येथील राजेंद्र म्हापसेकर जि प सदस्य यापलीकडे भाजपची ताकद नसताना स्वकर्तृत्वावर कार्यकर्त्यांच्या जोरावर तीस हजार मते मिळवून दुसऱ्या स्थानावर राहिलेत, तर काँग्रेसचा उमेदवार तिसऱ्या स्थानावर फेकला गेला, त्यावेळीच राजन तेली या मतदारसंघाचे पुढचे आमदार होतील अशी अनेकांनी भाकीते वर्तवली,व त्या दृष्टीने राजन तेली यांनी या मतदारसंघात तयारी सुरुवात केली,व याच वेळी केंद्रीय मंत्री नारायण राणे यांनी आपला स्वाभिमान पक्ष बरखास्त करून भाजप मध्ये प्रवेश केला व भाजप जिल्ह्यात एक नंबर वर आला.
शिवसेनेचे बाळकडू सुरुवातीपासून प्यायल्याने कार्यकर्त्यांना आपल्याकडे कसे ओढावे ,कार्यकर्त्यांची कामे कशी करावी याची क्लुप्ती त्यांना माहिती होती, त्यांनी अनेक मोहऱ्यांना आपलेसे केले व पुढील विधानसभा निवडणुकीत ते अपक्ष म्हणून निवडणूक रिंगणात उतरले, भाजपने त्यांना साथ दिली व अवघ्या बारा हजार मताने त्यांचा पराभव झाला.भाजपचे पक्ष चिन्ह सोबत असते व प्रत्येक पदाधिकाऱ्याने मीच निवडणूकीला उभा आहे असे समजून काम केले असते तर वेगळे चित्र दिसले असते.
भाजपचा एक जिगरबाज शिलेदार म्हणून राजन तेली यांची ओळख निर्माण झाली व या शिलेदाराने संपूर्ण जिल्ह्यात भाजपचे जाळे निर्माण केले व भाजप पक्षाला चांगले दिवस दिसू लागले, आता पुढच्या विधानसभेला अडीच वर्षे शिल्लक राहिलीत,राजन तेली या मतदारसंघावर दावा करणार हे सर्व ज्ञात आहे,म्हणूनच की काय; त्यांच्या बाबत अफवांचे पीक आले आहे,या अफवांचे मुख्य सूत्रधार स्वकीय आहेत की विरोधक याचा शोध राजन तेली निश्चितच घेतली कारन ते काही कच्चा गुरुचे चेले नाहीत ते ही मुरब्बी राजकारणी आहेत पण याच वेळी एक सांगावे असे वाटते, मुळात भाजपची विचारधारा घराघरात पोहोचविणारा सच्चा शिलेदार राजन तेली हा भाजप पक्ष सोडून कुठेही जाणार नाही याची शाश्वती भाजप नेत्यांना व कार्यकर्त्यांना असल्याने त्यांना नामोहरण करण्यासाठी वेगवेगळे फासे टाकले जात आहेत त्यातच ते आपल्याला उमेदवारी मिळविण्यासाठी उद्धव बाळासाहेब ठाकरे शिवसेनेत प्रवेश करतील अशी पुडी सोडली जात आहे, मात्र या पुड्या निरर्थक आहेत, राजन तेली भाजपा सोडून अन्य कोणत्याही पक्षात जाणार नाहीत,ही काळ्या दगडावरची पांढरी रेष आहे, त्यामुळे भाजप सोडून राजन तेली अन्य पक्षात जाणार व आपले स्थान भक्कम होणार, अशी दिव्या स्वप्न पाहणाऱ्यांनी त्या स्वप्नातून बाहेर पडू नये अशी कार्यकर्त्यांची इच्छा आहे.
जे नशिबात आहे ते कोण हिरावून घेऊ शकत नाही, ज्याची काम करण्याची ताकद आहे, इच्छाशक्ती आहे, जो कार्यकर्त्यांसाठी अहोरात्र झटतो त्यांला नेहमी दैव साथ देते, त्याला कितीही, कोणीही कसलिही बलाढ्य ताकद लावून घेरण्याचा प्रयत्न केला तरी नियती ही तारणारच,जशी सावंतवाडी चे माजी नगराध्यक्ष दीपक केसरकर यांना नियतीने साथी देऊन तीन वेळा आमदार केले, तिसऱ्या वेळी कोण आमदार होऊ शकत नाही असे सांगितले जात असताना दीपक केसरकर बारा हजाराच्या फरकाने निवडून येऊन आमदार झालेत, मंत्री झालेत, त्यामुळे कोणी कितीही देव पाण्यात ठेवले तरी ज्याच्या जे नशिबात आहे ते त्याला मिळणारच ते कोणी हिरावून घेऊ शकत नाही असे आमचे ठाम मत आहे .
राजन तेली बाबत ज्या अनेक बावड्या उठवल्या जात आहेत त्या वावड्या कुठून बाहेर पडतात? ,त्या पुड्या कोण सोडतो? त्या मागचा त्यांचा उद्देश काय? हे सर्वांना न्यात आहे, मात्र जो खरा कार्यकर्ता असतो तो कधी खचून जात नाही तो आपल्या अन्य कार्यकर्त्यांच्या जीवावर भक्कम पाय रोवूऊ उभा राहतो ,त्याचे मूर्तीमंत उदाहरण म्हणजे राजन तेली आहेत, अनेक निवडणुकीत राजन तेली विजयाच्या जवळ असताना त्यांना स्वकीयांनि विरोधी प्रचार केल्यामुळे पराभवाला सामोरे जावे लागले,हे अनेक जण जाणून आहेत, मात्र कोण उघडपणे बोलत नाहीत एवढेच,काही वेळा आपल्यावर होत असलेला अन्याय सहन होत नसल्याने राजन तेली आपली भूमिका परखडपणे मांडतात व ती त्यांना मांडावीच लागते तरच कार्यकर्ता जिवंत राहू शकतो, कार्यकर्त्यांसाठी ते अहोरात्र झटत असतात हे कोणीही कार्यकर्ता सांगू शकतो, राजन तेली सावंतवाडीत आले की त्यांच्याभोवती कार्यकर्त्यांचे मोहळ असते व हे मोहळ असेच जमा होत नाही,त्यासाठी काहीतरी योगदान द्यावे लागते ते योगदान राजन तेली यांनी दिले आहे असे आमचे स्पष्ट मत आहे,
राजन तेली यांना आम्ही गेली 30 वर्षे ओळखतो संघटन कौशल्य त्यांच्याजवळ आहे व त्याच जोरावर त्यांनी अनेक ठिकाणी नेतृत्व केले, कार्यकर्त्यांना कसे तयार करायचे, कसे घडवायचे ,कोणत्या प्रकारचे बाळकडू पाजायचे,म्हणजे कार्यकर्ता कोणालाही भिडू शकतो याचा सर्व अभ्यास राजन तेली यांनी केला आहे व विधान परिषदेचे आमदार असताना अनेक पक्षांच्या नेत्यांशी त्यांनी अगदी जवळच्या संबंधही निर्माण केले आहेत. म्हणूनच कोणाचे कोणतेही काम असले तरी राजेंतली थेट मंत्रालयात जाऊन ते आमदार नसतानाही करून आणू शकतात हा कार्यकर्त्यांना विश्वास आहे, म्हणून राजन तेली आमदार व्हावेत अशी प्रत्येक कार्यकर्त्यांची भावना आहे, त्यांना आमदार करायचे की नाही हे सावंतवाडी विधानसभेतील मतदार ठरवतील ते कोणाच्या हातात नाही, किंवा ते ज्या पक्षात काम करतात ते पक्षश्रेष्ठी कोणाला उमेदवारी द्यायची व कोणाला नाही ते ठरवतील ,भाजप पक्षाच्या बाबतीत कोणी आराखडे आखणे योग्य ठरणार नाही ,कारण मी.. मी .. म्हणणाऱ्यांना पक्षाने घरी बसवले आहे, भाजपाला तळागाळात जाऊन काम करणारा कार्यकर्ता लागतो, त्यामुळे तळागाळातील कार्यकर्त्याला म्हणजेच राजन तेली यांना न्याय मिळेल असा सर्वसामान्यांना कार्यकर्त्यांला विश्वास आहे व तो विश्वास तेली सार्थ ठरवतील अशी कार्यकर्त्यांची भावना आहे,म्हणून पुढील विधानसभेची निवडणूक राजन तेली अन्य पक्षात जाऊन निवडणूक लढवणार अशी दिव्या स्वप्ने कोणी पाहू नयेत कारण राजन तेली भाजपा पक्ष सोडून कुठेही जाणार नाहीत, याचा शंभर टक्के विश्वास सावंतवाडी विधानसभा मतदारसंघातील जनतेला व त्यांच्या कार्यकर्त्यांना आहे, दुसऱ्याने मारलेली लांब रेषा पुसण्या अयशस्वी प्रयत्न करण्या पेक्षा आपण त्याच्या पेक्षा लांब रेष मारण्याचा प्रयत्न करावा म्हणजे नियती आपल्यालाही साथ देईल, एवढेच या निमित्ताने मी तेली विरोधकांना सांगू इच्छितो….तूर्तास एवढेच

*……………._सविस्तर बातमीसाठी खालील लिंकवर क्लिक करा…._*
👇🏻👇🏻👇🏻

_________________________

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/Cjzc6ZFBkl7JH6OQ0yQYy2
————————————-
*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

*🔥💥 कोकण लाईव्ह ब्रेकिंग 💥🔥*

*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*

*♦ब्युरो चीफ : विशाल पित्रे*
*📱संपर्क : +919405475712*

*▪️मुख्य कार्यालय*
*कोकण लाईव्ह ब्रेकिंग*
आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे
ता.सावंतवाडी, जि. सिंधुदुर्ग
——————————–

*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_