मळगांव केंद्रशाळेच्या विद्यमान मुख्याध्यापिका सौ.सिमा रमेश चव्हाण यांच्या तर्फे केंद्रशाळेसाठी लोखंडी कपाट भेट 

माजी व्यवस्थापन समिती अध्यक्ष गजानन सातार्डेकर व माजी उपाध्यक्ष साक्षी कुडव यांच्याकडून चव्हाण मॅडम यांचे अभिनंदन!

सावंतवाडी (सुखदेव राऊळ)

मळगांव केंद्रशाळेच्या विद्यमान मुख्याध्यापिका सौ.सिमा रमेश चव्हाण यांनी केंद्रशाळेसाठी लोखंडी कपाट भेट दिले असून यामुळे शाळेच्या साहित्यात भर पडली आहे. सध्या मुख्याध्यापक असलेल्या चव्हाण मॅडम येत्या 31 डिसेंबर 2022 रोजी निवृत्त होत आहेत.

आपण ज्या प्रशालेमध्ये एवढी वर्षे सेवा केली त्या शाळेचे आपण काहितरी देण लागतो या उदात्त भावनेने त्यांनी शाळेसाठी लोखंडी कपाट भेट देउन एक वेगळा आदर्श निर्माण केला आहे.चव्हाण मॅडम यांनी दिलेल्या या उपयुक्त वस्तू बाबत माजी व्यवस्थापन समिती अध्यक्ष गजानन सातार्डेकर व माजी उपाध्यक्ष साक्षी कुडव यांनी चव्हाण मॅडम यांचे अभिनंदन केले आहे.तसेच विद्यमान व्यवस्थापन समितीनेही चव्हाण मॅडम यांचे आभार मानले आहेत.यावेळी उपस्थित भावी मुख्याध्यापक जोशी सर,जाधव मॅडम,शिंदे मॅडम,कानगूडे मॅडम व श्रीकृष्णा ठाकर आदींनी चव्हाण मॅडम यांचे अभिनंदन केले आहे.