🟥 आता केसरकर यांचा गाॅडफादर कोण? ; शिवसेना तालुकाप्रमुख रूपेश राऊळ

*🎥 Kokan Live Breaking News*

*✍️ ब्युरो न्यूज : कोकण लाईव्ह ब्रेकींग*

*🎴सावंतवाडी,दि.२५ :-* शिवसेना पक्षप्रमुख उद्धव ठाकरे यांनी आमदार दीपक केसरकर यांना सिंधुदुर्ग जिल्ह्याचे पालकमंत्री, गृह, अर्थ नियोजन ग्रामविकास राज्यमंत्री केले होते. पण शिंदे फडणवीस सरकारने मंत्री आणि पालकमंत्री पदावर केसरकर यांची बोळवण केली आहे. भाजपाने केसरकर यांना जोरदार झटका दिला आहे. आता केसरकर यांचा गाॅडफादर कोण? असा प्रश्न शिवसेना तालुकाप्रमुख रूपेश राऊळ यांनी पत्रकार परिषदेत उपस्थित केला आहे.

मुंबई व कोल्हापूर जिल्हा चे पालकमंत्रीपद देवून हवेत असलेल्या दीपक केसरकर यांना भाजपने “जोर का झटका” दिला आहे. आता तरी त्यांना भाजपची खरी चाल कळली, असेल असा टोला आज येथे आयोजित पत्रकार परिषदेत शिवसेना तालुकाप्रमुख रूपेश राऊळ यांनी लगावला.

यापुर्वी ते आमदार म्हणून मतदार संघात दुर्मिळ होते, मुक्काम मुंबई होता. आत्ता मात्र ते अतीदुर्मीळ होणार आहेत. त्याचा फटका मतदार संघाला बसणार आहे. त्यामुळे त्यांनी दिलेल्या आश्वासनाकडे दुर्लक्ष होईल. मल्टीस्पेशालिटी,कबुलायतदार गावकर जमीन तसेच बेरोजगारांची प्रश्नांची उत्तरे सुटली जाणार का? असा प्रश्न उपस्थित केला.

 

यावेळी वेंगुर्ले तालुका प्रमुख यशवंत परब, चंद्रकांत कासार, वेत्ये उपसरपंच गुणाजी गावडे, अजित सांगेलकर, आबा सावंत, सुनील गावडे, विनोद ठाकूर, राजाराम गावडे, प्रशांत बुगडे आदी उपस्थित होते.

श्री. राऊळ पुढे म्हणाले, श्री. केसरकर यांना मिळालेली मंत्रिपदे त्यांच्या मनासारखी नाही. तसे ते नाराज आहेत. मात्र ५० खोके मिळाल्यामुळे बोलून दाखवू शकत नाहीत, असा चिमटा त्यांनी काढला. आता नव्या सरकारमध्ये त्यांना शोभेल असे शिक्षण मंत्री पद मिळाले आहे. त्यांनी निदान जिल्ह्यातील मोडकळीस आलेल्या शाळांची तरी दुरुस्ती करून घ्यावी, असा टोलाही त्यांनी लागला. केसरकारांची परिस्थिती “ना घर का ना घाट का” अशी झाली आहे. केसरकरांचा फायदा सावंतवाडी मतदारसंघात भाजप घेत आहे. त्यामुळे आता त्यांना रानच मोकळे झाले, अशी ही टीका त्यांनी केली.

भाजपाने केसरकर यांना जागा दाखवून दिली आहे त्यामुळे केसरकर यांना कोण संपवतोय हे कळले असेल असे रूपेश राऊळ यांनी सांगितले ते म्हणाले, शिवसेना पक्ष आणि शिवसेना प्रमुख बाळासाहेब ठाकरे यांच्याशी गद्दारी करणारे संपले हा इतिहास आहे. ज्या पक्षात प्रवेश केला तेथे गाॅडफादर शोधावा लागला हे आता केसरकर यांना करावे लागेल असे ते म्हणाले.

सर्वपीत्री आमवास्येला घाईगडबडीत शिंदे सरकारने पालकमंत्री जाहीर केले ही दुदैवी बाब आहे. मुंबई उच्च न्यायालयाने सत्य मेव जयते न्याय दिला त्यामुळे सरकारच्या पायाखालची जमीन सरकली. त्यामुळेच जलदगतीने पालकमंत्री जाहीर झाले आहेत, असे राऊळ यांनी सांगितले.

केसरकर यांच्या रूपाने सिंधुदुर्ग जिल्ह्यात मंत्री असताना रवींद्र चव्हाण यांना पालकमंत्री पद दिले गेले याचे आत्मपरीक्षण करण्याची गरज केसरकर यांना आहे असे वेंगुर्ले तालुका प्रमुख यशवंत परब यांनी सांगितले.

यावेळी श्री.कासार म्हणाले, शिवसेनेत मानाचे पद मिळत नसल्यामुळे आपण नाराज आहे, असे सांगून शिंदे गटासोबत जाणाऱ्या केसरकारांना तरी किती मान मिळाला याची त्यांनी आत्मचिंतन करावे. सन्मान मिळत नसल्यामुळे शिवसेना सोडणारे केसरकर शिंदे गटातील मंत्री पदाचा राजीनामा देतील का ? असा सवाल त्यांनी उपस्थित केला. तर स्थानिक आमदार असताना बाहेरच्यांना या ठिकाणी पालकमंत्री पदाची जबाबदारी दिली जाते, हे सुद्धा केसरकरांचे एक मोठे अपयश आहे. त्यांच्या मतदारसंघात कब्जा मिळवण्यासाठी भाजपाची ही खेळी आहे, हे आता तरी त्यांनी ओळखावे, असा टोला लगावला.

 

 

*……………_सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

_________________________

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_