🟥 महावितरणच्या अनागोंदी कारभारा विरोधात कार्यकारी अभियंतांना राष्ट्रवादी काँग्रेसच्या माध्यमातून घेराव..

*🟥 भविष्यात या कारभारात सुधारणा न झाल्यास राष्ट्रवादी काँग्रेसच्या माध्यमातून जिल्हाभरात वीज ग्राहकांना सोबत घेऊन धडक आंदोलनाचा इशारा..*

*🎥 Kokan Live Breaking News*

*✍️ प्रतिनिधी : प्रशांत मोरजकर*

*🎴सावंतवाडी, दि-२४:-* महावितरणच्या अनागोंदी कारभारा विरोधात कार्यकारी अभियंतांना राष्ट्रवादी काँग्रेसच्या माध्यमातून घेराव घालत जाब विचारण्यात आला. यावेळी भविष्यात या कारभारात सुधारणा न झाल्यास राष्ट्रवादी काँग्रेसच्या माध्यमातून जिल्हाभरात वीज ग्राहकांना सोबत घेऊन धडक आंदोलनाचा गंभीर इशारा तालुकाध्यक्ष पुंडलिक दळवी यांनी दिला.

अधिकाऱ्यांना धारेवर धरत असताना सिंधुदुर्ग जिल्ह्यात महावितरण कंपनीकडून वीज ग्राहकांची भरमसाठ लूटमारमुळे सामान्य जनता हैराण झाली आहे. त्यांच्या दुर्लक्षामुळे वाढीव वीज बिलामुळे जनता मेटाकुटीला आली असून महावितरणकडून प्रत्येक महिन्याच्या बिलामध्ये वेगवेगळ्या प्रकारे शब्दाचा खेळ करून एकाच अर्थाचे शब्द (इंधन समायोजन बाहन आकार बीज शुल्क, स्थिर आकार) तयार करून विविध आकारांचा अन्यायकारक असा बिलात समावेश करून बीज ग्राहकांकडून दर महिन्यात करोडो रुपयांची भ्रष्ट मार्गानं लूट सतत करत आहेत. राज्यकर्ते मात्र यावर बोलत नाहीत. जनतेचे कैवारी म्हणणारे राज्यकर्ते महावितरणचे बटिक झाले असून सामान्य जनता बीज बिलांच्या जाचक जिझीया करातून मुक्तता मिळविण्यासाठी धडपडत आहे. आज सामान्य वाढलेल्या बिलातून सुटका करूनठी एकवेळ पूर्वी प्रमाणे दिवा बत्तीच्या शोधात आहे. मात्र पूर्वी मिळणारे केरोसीन सुद्धा शासनाने बंद केले आहे. महावितरण वीज ग्राहकांवर अन्यायकारक वीज बीले माथी मारून जनतेची मोठ्या प्रमाणात महालूट करून आर्थिक भ्रष्टाचार करत आहे. वीज ग्राहकांना अन्य पर्याय नसल्याने ही अन्यायकारक वाढीव बीले स्विकारण्याशिवाय पर्याय नाहीय,

सतत भरमसाठ बिलांत वाढ होत असल्याने ग्राहक हैराण झाले असून महावितरणच्या विरोधात जात वीज ग्राहकांनी आक्रमक भूमिका घेऊन आपल्यावर होणाऱ्या अन्यायाला वाचा फोडण्यासाठी वेळप्रसंगी रस्त्यावर उतरण्याच्या मानसिकतेपर्यंत येत असल्याचे सध्या सिंधुदुर्ग जिल्ह्यात वातावरण तयार होत आहे. अन्यायकारक कर आकारणी करून जनतेच्या माथी जादा वीजबिले मारत करत असलेली लूट तात्काळ थांबवावी, अन्यथा राष्ट्रवादी काँग्रेसच्या माध्यमातून जिल्हाभरात वीज ग्राहकांना सोबत घेऊन धडक आंदोलन करण्यात येईल असा इशारा राष्ट्रवादी काँग्रेस पार्टीचे तालुकाध्यक्ष पुंडलिक दळवी यांनी दिला आहे.

यावेळी राष्ट्रवादी तालुकाध्यक्ष पुंडलिक दळवी, उद्योग व व्यापार सेल कार्याध्यक्ष हिदायतुल्ला खान, रत्नागिरी महिला राष्ट्रवादी निरीक्षक दर्शना बाबर – देसाई, माजी नगरसेविका अफरोज राजगुरू, युवती जिल्हाध्यक्षा सावली पाटकर, इफ्तेकार राजगुरू, संतोष जोईल, हर्षद बेग नंदकिशोर नाईक, सिद्धेश तेंडुलकर, आसिफ शेख, नितीन सातपुते, सायली दुभाषी उपस्थित होते.