🟥 फुकेरीच्या हनुमंतगडावर सापडली तोफ व छत्रपती शिवाजी महाराज यांची दीड टन वजनाची दगडी मुर्ती..

*🟥 सह्याद्री प्रतिष्ठानच्या दुर्गसेवकांनी तोफ व मुर्ती शोधून स्वातंत्र्यदिनी घडवला नवा इतिहास..*

*🟥 छत्रपती शिवाजी महाराज यांची सिंहासनारुढ दगडी मुर्ती आणि दरीत सापडलेली तोफ गडावर नेण्याची मोहिम प्रतिष्ठानच्या सिंधुदुर्ग विभागाचे अध्यक्ष सुनील राऊळ आणि त्यांच्या सर्व सहकाऱ्यांनी आणली वर..*

*🎥 Kokan Live Breaking News*

*✍️ प्रतिनिधी : सुखदेव राऊळ*

*🎴सावंतवाडी, दि-१८:-* दोडामार्ग तालुक्यातील ऐतिहासिक हनुमंतगडावर ‘सह्याद्री प्रतिष्ठान’च्या दुर्गसेवकांनी एक नवा इतिहास घडवला. गडावरील प्रस्तावित स्मारकासाठी छत्रपती शिवाजी महाराज यांची दीड टन वजनाची दगडी मुर्ती आणि दिंडी दरवाजाजवळच्या खोल दरीत पडलेली आणि अन्य एक तोफ गडावर नेण्याची अत्यंत कठीण आणि अविश्वसनीय वाटेल, अशी मोहिम या बहाद्दर मावळ्यांनी धुक्याचे लोट, थंडगार वारे, पावसाचे सपकारे यांच्या माऱ्यात प्रचंड उत्साहात पार पाडून स्वातंत्र्याचा अमृतमहोत्सव आगळ्यावेगळ्या रितीने साजरा केला.

‘सह्याद्री प्रतिष्ठान, हिंदुस्तान’ या दुर्गसंवर्धनाचा वसा घेतलेल्या संघटनेच्या सिंधुदुर्ग शाखेने आणि फुकेरी येथील श्री देवी माऊली सांस्कृतिक कला क्रीडा मंडळ यांनी गेली तीन वर्षे शनिवार, रविवारी सातत्यपुर्ण श्रमदान मोहिमा राबवुन दगडमातीत पुरुन गेलेले महाद्वार मोकळे केले. तसेच गडाखाली असलेल्या दोन तोफा गडावर आणल्या. हनुमंतगडावर लवकरच उभारल्या जाणाऱ्या स्मारकासाठी दीड टन वजनाची छत्रपती शिवाजी महाराज यांची सिंहासनारुढ दगडी मुर्ती आणि दरीत सापडलेली तोफ गडावर नेण्याची मोहिम प्रतिष्ठानच्या सिंधुदुर्ग विभागाचे अध्यक्ष सुनील राऊळ आणि त्यांच्या सर्व सहकाऱ्यांनी आखली. विशेष म्हणजे या महत्वपुर्ण मोहिमेला प्रतिष्ठानचे संस्थापक अध्यक्ष श्री. श्रमिक गोजमगुंडे आणि त्यांचे पन्नास सहकारी दुर्गसेवक पुणे येथुन खास आले होते. देशात स्वातंत्र्याचा अमृत महोत्सव साजरा होत होता. परंतु हनुमंतगडावर सह्याद्री प्रतिष्ठानच्या दुर्गसेवकांचे काही वेगळेच चालले होते.

या खास मोहिमेसाठी जमलेल्या दुर्गसेवकांनी अतिशय नियोजनपुर्वक छ. शिवाजी महाराज यांची मुर्ती गडावर आणली. जोराचा पाऊस, थंडगार वारे, धुक्याची चादर आणि निसरडी वाट अशा प्रतिकुल परिस्थितीमध्ये ही मुर्ती गडावर सुखरुप आणण्यात आली. यानंतर दुर्गसेवकांचा मोर्चा दिंडीदरवाजाजवळच्या ३५० फुट खोल दरीतील तोफेकडे वळला. या तोफेपर्यंत पोचणेच मुश्कील असताना एक पथक सुरक्षेची काळजी घेऊन खाली उतरले. मजबुत दोरखंड बांधुन ‘छत्रपती शिवाजी महाराज की जय’, ‘हर हर महादेव’, ‘जय भवानी, जय शिवाजी’ अशा घोषणांच्या जयघोषात ही तोफ गडावर आणण्यात आली. यात मुंबई, पुणे, कोल्हापूर, वसई, विरार, पालघर, धाराशिव, पनवेल, सांगली, गोवा व पंचक्रोशीतील असे एकूण २५० दुर्गसेवक सहभागी झाले होते. एक तोफ याआधीच्या मोहिमेत महादरवाजापासून काही अंतरावर खाली आणून ठेवली होती. ती सकाळी मुंबई, पनवेल, सांगली, धाराशिव, निपाणी, कोल्हापूर आणि सिंधुदुर्ग येथील दुर्गसेवकांनी गडावर अवघ्या अर्ध्या तासात चढवली, त्यानंतर पुणे येथून आलेल्या जवळपास ५० दुर्गसेवकांनी इतरांच्या मदतीने मुर्ती अवघ्या दोन तासात गडावर चढवली. एवढे करून कोणाच्याही चेह-यावर थकवा जाणवत नव्हता. मुर्ती ठेवल्या ठेवल्या लगेच काही दुर्गसेवक दरीत असलेली तोफ वर काढायला निघाले आणि काही दुर्गसेवक स्मारकाला लागणारे चिरे, खडी वगैरे सामान आणत होते. दरीत ३५० फुटांवर असलेली तोफ गडावर आणायला दोन तास लागले. काटेकुटे, झाडीझुडपे तुडवत दगडमातीत घसरत ही तोफ गडावर आणली गेली. लवकरच गडावर जुन्या स्मारकाचा जीर्णोद्धार करून मूर्तीची दिमाखात प्रतिष्ठापना करण्यात येणार आहे.

श्रमिक गोजमगुंडे यांच्या हस्ते गडावर राष्ट्रध्वजारोहण करुन त्याला सलामी देण्यात आली. कार्यक्रमानंतर श्रमिक गोजमगुंडे यांचा शाल, श्रीफळ आणि मानपत्र देऊन सचिव सिद्धेश परब यांनी सत्कार केला. श्री. परब यांनी मानपत्राचे वाचन केले. सह्याद्री प्रतिष्ठानच्या सिंधुदुर्ग विभागाच्यावतीने येत्या डिसेंबरपर्यंत हनुमंतगडावर भव्य स्मारक उभारुन त्याचे लोकार्पण केले जाणार आहे. सह्याद्री प्रतिष्ठानच्यावतीने सिंधुदुर्ग जिल्ह्यात राबविल्या जाणाऱ्या विविध मोहिमांमध्ये सहभागी होऊ इच्छिणाऱ्यांनी जिल्हाध्यक्ष सुनील राऊळ (८८०५१४१६११), प्रशासक प्रकाश सावंत (८६००२३४६१४) किंवा खजिनदार विवेक गावडे (९५४५७२८९२९) यांच्याशी संपर्क साधावा, असे आवाहन करण्यात आले आहे.

सह्याद्री प्रतिष्ठान ही संस्था गेल्या 14 वर्षापासुन गडकिल्ले संवर्धनासाठी महाराष्ट्रभर कार्य करत आहे. ही संस्था श्रमिक गोजमगुंडे यांनी २००७ साली स्थापन केली. संस्थेने आतापर्यंत महाराष्ट्रातील विविध किल्ल्यांवर १३०० हून अधिक स्वच्छता मोहिमा राबविल्या आहेत. तसेच देशातील शेकडो किल्ल्यांवर दुर्गदर्शन मोहिमा राबविल्या आहेत. या मोहिमा केंद्र पुरातत्व विभाग, राज्य पुरातत्व विभाग तसेच वन विभागाच्या अंतर्गत संरक्षित असलेल्या किल्ल्यांवर राबविल्या गेल्या असून वन विभागाबरोबर संयुक्त मोहिमांचे यापूर्वी आयोजन करण्यात आले आहे. संस्थेमार्फत वन विभागासोबत महाराष्ट्रातील ५० हून अधिक किल्ल्यांवर सूचना फलक दिशादर्शक लावण्यात आले आहेत. तसेच २५ किल्ल्यांवर प्रवेशद्वारे बसवण्यात आली आहेत. ४५ हून अधिक धुळ खात पडलेल्या तोफांना तोफगाडे बसवण्याच काम संस्थेने केले आहे.

या संस्थेच्या सिंधुदुर्ग जिल्हा शाखेची स्थापना मार्च २०२०मध्ये झाली.. सिंधुदुर्ग विभागातर्फे पहिली मोहिम २६ डिसेंबर २०२० रोजी हनुमंतगड किल्ल्यावर घेण्यात आली. हनुमंतगडावर आतापर्यंत २५ हून अधिक दुर्गसंवर्धन मोहिमा घेण्यात आल्या आहेत. यात महादरवाजा पुर्ण माती खाली दडला होता, त्याला प्रकाशात आणण्यात आल. तसेच त्याच्या बाजूचे बुरुज आणि समोरील पायरी मार्ग मोकळा करण्याच काम चालू आहे. हनुमंत गडावर एकुण ५ तोफा आहेत त्यातील २ तोफांना तोफगाड्यांवर विराजमान करण्यात येणार आहे.

 

*_……………सविस्तर बातमीसाठी खालील लिंकवर क्लिक करा…._*

👇🏻👇🏻👇🏻👇🏼👇🏼👇🏼👇🏼👇🏼👇🏼👇🏼👇🏼👇🏼

 

 

———————————————————–

*🤗मुतखडा 💯% विरघळण्यासाठी*

 

🍃 *नवजीवन स्मॅशस्टोन*

*https://youtu.be/3a1swis3W1E*

*👍विना ऑपरेशन मुतखडा💯% निघतो*

 

💁‍♂️ *मित्रानो खर्चिक व वेदनादायक*

❌ *ऑपरेशन टाळा* ❌

 

📍 *हे चूर्ण शुद्ध आयुर्वेदिक* *वनस्पतींचे योग्य मिश्रण असल्याने* *स्टोन विरघळण्यासाठी अत्यंत गुणकारी*

 

📍 *वैशिष्ठे* 📍

*🔸किडनी व मूत्राशय स्वच्छ आणि निरोगी ठेवते*

*🔹लघवीचे विकार दूर होऊन लघवी साफ होते*

*🔸शरीरातील उष्णता कमी करते*

*🔹100% आयुर्वेदिक कोणताही दुष्परिणाम नाही*

♦️ *लाखो समाधानी पेशंट*

 

🔊 *एक महिना चा कोर्स फक्त 2199 रू*

 

✅ *एक वेळ अवश्य वापरा*

 

*💯% फरक नाहीतर पैसे परत*

 

🚊 *रिझल्ट बघण्यासाठी क्लिक करा*

https://bit.ly/3sh8qr2

 

🪀 *अधिक माहिती करिता व्हॉटसअप करा*

https://bit.ly/3pygYsU

 

☎️ *घर पोहोच सेवे साठी आत्ताच सम्पर्क साधा*

9145229999 / 9145339999

 

🎯 *आमचे दुसरे अत्यंत प्रभावी उत्पादन*

 

🩸 *मूळव्याध चा समुळ नाश*

*फक्त एक महिन्यात*

📍 *लवणोत्तम्म चुर्ण*

https://bit.ly/3LPKlPj

 

🧑🏻‍🎤 *सांधेदुखी ला करा राम राम*

*फक्त एक महिन्यात*

📍 *वेदना हर ऑईल व चुर्ण*

 

🎯 *शुगर साठी शर्करांत चुर्ण*

🎥 *https://youtu.be/fQYIzFlDo0M*

 

___________________________

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_