🟥 सोसाट्याचा वारा आणि चक्रीवादळाने मळगांव गावात केले ग्रामस्थ व शेतकऱ्यांचे अतोनात नुकसान..

*🟥 मळगांव सरपंच स्नेहल जामदार, उपसरपंच हनुमंत पेडणेकर, पोलीस पाटील रोशनी जाधव व तलाठी सहाय्यक सुंदर सावळ व पत्रकार सुखदेव राऊळ यांच्या उपस्थितीत तलाठी सचिन गोरे यांच्या मार्फत पंचनामे..*

*🟥 तळवडे गावातूनही नुकसान झाल्याचे तलाठी गोरे यांना काॅल..*

*🎥 Kokan Live Braking News*

*✍️ ब्युरो न्यूज : कोकण लाईव्ह ब्रेकिंग*

*🎴सावंतवाडी, दि-१३:-* गुरुवारी संध्याकाळी साडेसात वाजण्याच्या सुमारास अचानक घोघांवत आलेला सोसाट्याचा वारा आणि चक्रीवादळाने तळवडे गावाला आपल्या कवेत घेत, मळगांव गावापर्यंत पोहोचत तळवडे सहीत मळगांव गावातील सावळवाडा, माळीचेघर व झाराप- पत्रादेवी मार्गाजवळील कुंभार्ली मध्ये शेतकरी ग्रामस्थांचे अतोनात नुकसान झाले. या नुकसानात झाडे, घरांची छप्पर, छप्परांची कौले, शौचालये,सिमेंट व गॅलोनाईट पत्रे तसेच वीजेचे पोल, विद्युत वाहिन्या तसेच गडगे आदी जमीनदोस्त झाल्या. यामुळे प्रत्येकाचे सरासरी 5 हजार ते 30 हजार रुपयांचे नुकसान झाले. या नुकसानाची पहाणी तळवडे गावाच्या सरपंच-उपसरपंच यांच्या सहीत तलाठी गोरे यांनी करुन नुकसानाचे पंचनामे केले.

मागील अनेक वर्षांच्या कालावधीत छोट्या मोठ्या वादळी वाऱ्यां व्यतिरिक्त कोणत्याही प्रकारचे मोठे नुकसान मळेवाड, तळवडे व मळगांव गावात झाल्याचा इतिहास नसताना गुरुवारी सायंकाळी साडेसात वाजण्याच्या तिन्ही सांज प्रहरी अचानक आलेल्या या चक्रीवादळाने मळगांव मधील सावळवाडा येथील सुभाष देवळी यांच्या घराचे पत्रे , कौले, उडून जाण्या सहीत विद्युत जोडणीच्या खांबावर घरापर्यंत आलेल्या वायर तुटून पडल्या. यामुळे देवळी यांच्या घराचे 15 पत्रे व कौले फुटून 15 हजार 750 रुपयाचे व विद्युत जोडणीच्या वायर तुटून अतोनात नुकसान झाले. तर मनोहर बाळा सावळ यांच्या घराचे गॅलोनाईट पत्रे ,कौले,लाकडी वासे,विद्युत जोडणी वायर तुटून व लागणारा माड पडून 13 हजार 500 रुपयाचे नुकसान झाले. सुभाष अंकुश सावळ यांच्या घराचे पत्रे, कौले, रीप असे मिळून 15 हजार 600 रुपयाचे नुकसान झाले. दशरथ परशुराम सावळ यांच्या घराचे गॅलोनाईट पत्रे, कौले, कोने फुटून 13 हजार रुपयाचे नुकसान झाले. नंदकिशोर बाळा सावळ यांच्या घराचे, दोन माड, 1 चाफ्याचे झाड, 1 बेलाचे झाड व 1 शेगलाचे झाड असे मोठे नुकसान झाले. तर जांभळे वाडी येथील महेश जांभळे यांच्या घरावर माड पडल्याने पत्रे व कौले फुटून 21 हजार रुपयांचे नुकसान झाले.

माळीचेघर येथील दत्तात्रय रामचंद्र राऊळ यांच्या घराची कौले, कोने , सिमेंट पत्रे गॅलोनाईट पत्रे असे 10 हजार 500 रुपयाचे नुकसान झाले. तसेच त्यांची परड्यातील तीन जांभळ ,फणस, चिंच व माड

अशी झाडे उन्मळून पडली. तर त्यांच्या घरा जवळील विद्युत जोडणीची वायरही तुटली. तसेच त्यांच्या व त्यांचे बंधू आत्माराम राऊळ व अर्जुन राऊळ यांच्या शौचालयांचेही मोठे नुकसान झाले.तर नागेश यशवंत राऊळ यांच्या घराची कौले, कोने, सिमेंट पत्रे असे मिळून 4 हजार 800 रुपयाचे नुकसान झाले. तसेच त्यांची फणस, आंबा, काटे आसन, कलम, आईन व मोय अशी झाडे उन्मळून व तुटून अतोनात नुकसान झाले. तर मळगांव कुंभार्ली येथील देवदास सोनू नाईक यांचे झाराप- पत्रादेवी महामार्गावरील व्यवसायीक गाळा व घराचेही मोठे नुकसान झाले. त्यांच्या या गाळे व घरावरील सिमेंट पत्रे फुटून 7 हजार 200 रुपयांचे नुकसान झाले. तर मळगांव सावळवाडा येथील शाळेच्या आवारातील भले मोठे आंब्याचे झाड पडून आकाराची संरक्षक भिंत कोसळून शाळेचे खुप नुकसान झाले.या सर्व नुकसानाची पहाणी मळगांव सरपंच स्नेहल जामदार, उपसरपंच हनुमंत पेडणेकर, पोलीस पाटील रोशनी जाधव, तलाठी सचिन गोरे व तलाठी सहाय्यक सुंदर सावळ यांनी करुन नैसर्गिक आपत्तीने झालेल्या नुकसानाचे पंचनामे नोंद केले. यावेळी पत्रकार सुखदेव राऊळ पंच म्हणून उपस्थित होते. यावेळी टिळक सावळ, आबा सावळ आदींनी मदत कार्य केले. दरम्यान तळवडे गावात नुकसान झाल्या बाबत तलाठी सचिन गोरे यांना काॅल येत होते. त्याच प्रमाणे मळगांव बाजार पेठ, मळगांव घाटी, माजगाव येथेही बरेच नुकसान झाले.

 

*_………………सविस्तर बातमीसाठी खालील लिंकवर क्लिक करा…._*

👇🏻👇🏻👇🏻👇🏼👇🏼👇🏼👇🏼👇🏼👇🏼👇🏼👇🏼👇🏼

 

———————————————————–

*💥 बंपर ऑफर बंपर ऑफर💥*

*🟥 आता पेट्रोल फ्री फ्री फ्री*

 

*🏍️ 150cc पर्यंतच्या कोणत्याही 🛵 टू व्हीलर इन्शुरन्स वर 1️⃣ लिटर पेट्रोल फ्री*

 

*🔴 🚕फोर व्हिलर 🚙थर्ड पार्टी इन्शुरन्स वर 2️⃣ लिटर पेट्रोल फ्री🆓*

 

 

 

*🔴 त्वरा करा ऑफर काही कालावधी साठी*

 

___________________________

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_