🟥 कोरोना महामारीमुळे निर्माण झालेल्या शैक्षणिक नुकसानाच्या शुन्यातून यशाचे विश्व निर्माण करा ; आर. आर. राऊळ

🟥 मळगांव इंग्लिश स्कूल मळगांव च्या एस. एस. सी.गुणवंत व शिष्यवृत्तीधारक विद्यार्थी-विद्यार्थीनींचा सत्कार प्रसंगी उपस्थित मान्यवरांकडून मोलाचा सल्ला..

🎥 Kokan Live Braking News

✍ प्रतिनिधी : सुखदेव राऊळ

🎴सावंतवाडी , दि-१३ :- “कोरोना महामारीमुळे शिक्षणाच्या झालेल्या नुकसान तसेच कोरोना महामारीमुळे अभ्यासक्रमाबाबत झालेल्या नुकसानातून सर्व विद्यार्थ्यांनी मात मिळवली आहे. या संकटातून यशस्वी मार्गक्रमण केले आहे. शालेय परिक्षांप्रमाणेच विविध स्पर्धा परीक्षा,क्रीडा स्पर्धा यामध्ये जास्तीत जास्त यश मिळवले आहे.या यशस्वी विद्यार्थी-विद्यार्थीनींचा सत्कार करताना खरोखरच आनंद होत आहे.” अशा शब्दांत पारितोषिक प्राप्त विद्यार्थ्यांचे कौतुक करताना मळगांव ऐक्यवर्धक संघ, मुंबईचे सचिव आर. आर. राऊळ यांनी या विद्यार्थी- विद्यार्थिनीना पुढील वाटचालीसाठी शुभेच्छा दिल्या.मळगांव ऐक्यवर्धक संघ (मुंबई) संचलित मळगांव इंग्लिश स्कूल मळगांव, तालुका सावंतवाडी यांच्या वतीने संपन्न 61 व्या वार्षिक पारितोषिक वितरण समारंभ 2019-20 व 2020-21 प्रसंगी कार्यक्रमाध्यक्ष म्हणून बोलत होते.

मळगांव इंग्लिश स्कूल मळगांव च्या पाडगावकर सभागृहात बा. भ. कांबळी रंगमंच येथे सोमवार दिनांक 11 एप्रिल 2022 रोजी पार पडलेल्या या पारितोषिक वितरण सोहळ्यावेळी माजी विद्यार्थी तथा बॅक आॅफ इंडियाचे शाखा अध्यक्ष नंदकुमार प्रभुदेसाई, माजी विद्यार्थी तथा

निरवडे सरपंच हरी वारंग, शाळा समितीचे चेअरमन मनोहर राघोबा राऊळ ,नेव्हल डाॅकयार्ड मुंबईचे निवृत्त अधिक्षक हेमंत शंकर परब, माजी मुख्याध्यापक तथा शाळेचे माजी विद्यार्थी दिवाकर राऊळ, मळगांव सरपंच शाळेच्या विद्यार्थीनी सौ. स्नेहल जामदार, शाळेच्या विद्यमान मुख्याध्यापिका तथा शाळेच्या माजी विद्यार्थीनी सौ. श्रद्धा सावंत, माजी मुख्याध्यापक बाळकृष्ण मुळीक, मोहन मुळीक, संस्था संचालक तथा माजी विद्यार्थी रामचंद्र केळुसकर,माजी विद्यार्थी तथा शाळा समिती सदस्य दिपक जोशी ,माजी विद्यार्थी मदन राऊळ, कोकण लाईव्हचे पत्रकार तथा माजी विद्यार्थी सुखदेव राऊळ, दै. तरुण भारतचे वार्ताहर निलेश परब, ग्रामपंचायत सदस्य आनंद देवळी, ग्रामस्थ काळोजी घन:श्याम राऊळ तसेच मळगांव गावातील बहूसंख्य ग्रामस्थ तथा पालक मोठ्या संख्येने उपस्थित होते.

यावेळी पुढे बोलताना आर.आर.राऊळ यांनी “या कार्यक्रमात व्यासपीठावर स्थानापन्न असलेल्या मध्ये बरेच मान्यवर या शाळेचे माजी विद्यार्थी-विद्यार्थीनी आहेत. त्यांच्या कडून प्रेरणा घ्या. व्यासपीठावर बसलेल्या मान्यवरांपैकी हरी वारंग यांनी शुन्यातून विश्व निर्माण केले आहे. या सर्वांचा आदर्श घ्या.तुम्हीही असे उज्ज्वल यश मिळवा. तुम्हीही एक दिवस या व्यासपीठावर अशाच कार्यक्रमात मान्यवर असाल. यासाठी पालक व गुरुजनांचे ऐका. मोबाईलचा योग्य वापर करा.आपल्या मधील गुण हेरुन विकास करा. ” असा सल्लाही दिला.

तर या कार्यक्रमाचे प्रमुख पाहुणे तथा माजी विद्यार्थी नंदकुमार प्रभुदेसाई यांनी ” आज या शाळेने व शाळेतील आजी-माजी शिक्षकांनी विद्यार्थी- विद्यार्थिनींची गुणात्मक प्रगती केली आहे. इमारती बरोबरच विद्यार्थी- विद्यार्थिनींची गुणवत्ता विकसित केली आहे. अभ्यासाबरोबरच सांस्कृतिक, क्रीडा क्षेत्रात प्रगती केली आहे. या शाळेने अनेक गुणवंत विद्यार्थी घडवले आहेत. आपणास ही या शाळेने दिलेल्या ज्ञानाचा प्रचंड फायदा मिळाला आहे. यामुळेच मी मला जे उत्पन्न मिळते त्यापैकी थोडा हिस्सा दरवर्षी शाळेला देण्याचा प्रयत्न करत असतो.”असे सांगितले. तसेच त्यांनी पुढे बोलताना, “आपल्या शिक्षणाचा उपयोग स्वतः चे आयुष्य घडविण्यासाठी करताना समाज घडविण्यासाठी करावा.” असा सल्ला देताना, ” पालक आपल्या मुलांना आवडीने मोबाईल देतात. मुलांनी त्याचा योग्य वापर करायला हवा. “असे मत व्यक्त करताना मुलांना प्रश्न केला की, ” तुम्ही यु ट्युबचा वापर करता का? प्रभुदेसाई यांनी यावेळी सभागृहात उपस्थित विद्यार्थी- विद्यार्थीनीनी दिलेल्या हो अशा उत्तरादाखल तुम्ही यु ट्युबवरील ज्ञानाचा योग्य वापर करा. या ज्ञानाचा तलवारीचा जसा चांगला उपयोग होतो तसा चांगला उपयोग करा. शिवाजी महाराजांचा इतिहास अभ्यासा. या अभ्यासाचा स्पर्धा परीक्षा, मुलाखतींच्या वेळी उपयोग होईल. तसेच आज तुम्हांला जी सेमी इंग्रजी शिक्षण पद्धत आहे ती शिकून घ्या. इंग्रजी वर्तमान पत्रांचे वाचन करा. इंग्रजी शब्द वाक्यांचे संस्कृत प्रमाणे पाठांतर करा. ” असा मोलाचे मार्गदर्शन करताना प्रभुदेसाई यांनी कलेचा व्यासंग लावून घ्या. आतापासूनच चांगले छंद जोपासा. गुगलचा चांगल्या पद्धतीने वापर करा. “तूच आहेस तुझ्या जीवनाचा शिल्पकार” या पंडित वामनराव पै यांची शिकवण आचरणात आणा. आयुष्यात मोठे बनण्याचे ध्येय बाळगा”असा सल्ला ही प्रभुदेसाई यांनी दिला.

माजी मुख्याध्यापक तथा माजी विद्यार्थी दिवाकर राऊळ यांनी, ” प्रत्येक विद्यार्थ्यांने आपल्या मधील पैलू, बुद्धीमत्तेचा वापर करुन आपल्या मधील गुणवत्ता सिद्ध करा. वेळेचा सदुपयोग करा. शारीरिक श्रम करा. ” असा सल्ला सत्कार मुर्ती व उपस्थित सर्व विद्यार्थ्यांना देतानाच पालकांना आपल्या मुलांकडे लक्ष देण्याचा सल्ला दिला.

तर माजी विद्यार्थी तथा निरवडे सरपंच हरी वारंग यांनी शाळेने केलेला सत्कार खुप मोठा असतो. मी आज माजी विद्यार्थी असलो तरी माझे शाळेकडे लक्ष आहे. तुम्ही जेव्हा माजी विद्यार्थी बनला तेव्हा शाळेकडे वळून बघा. शाळेला भविष्यात भरीव मदत द्या. माजी मुख्याध्यापक भागवत सर यांनी दिलेला सांस्कृतिक वारसा जपा. ” असा सल्ला दिला. तसेच आपल्या एस. एस. सी. बॅच 1987-88 च्या वतीने यावर्षी जशी शालेय गणवेष वाटप केले त्याप्रमाणे दरवर्षी शाळेला आमच्या गृप च्या वतीने मदत करत राहणार आहोत” असे आश्वासन दिले.

नेव्हल डाॅकयार्ड मुंबईचे निवृत्त अधिक्षक हेमंत परब यांनी शाळेतर्फे होत असलेला सत्कार खुप मोठा असतो, असे प्रतिपादन केले.

यावेळी उपस्थित मान्यवरांच्या हस्ते वर्ष 2019-20 मधील एस. एस. सी. गुणवत्ताधारक कु. ओमप्रकाश संतोष गोसावी, कु. समर्था संतोष गावडे, कु. अपर्णा भीमसेन नाईक, कु. लाजरी सत्यवान हरमलकर, कु. प्रज्ञा प्रविण साळगावकर, कु. शुभ चंद्र विजय शिरोडकर, कु. तेजस नंदकिशोर कवठणकर, कु. श्वेतकुमार साबा तेंडोलकर, कु. सोनाली मयूर मडव,कु.लक्ष्मी संजय परब, कु. गौरव धोंडू गावकर यांचा तसेच वर्ष 2020-21 मधील एस. एस. सी. गुणवत्ताधारक कु. अमिषा ओमप्रकाश तिवरेकर , कु. मयुरेश तुळशीदास नाईक, कु. प्रांजल श्यामकुमार कळसूलकर , कु. प्रभाती आनंद देवळी, कु. कृष्णनाथ शांताराम जोशी, कु. गायत्री बापू गावकर व शिष्यवृत्तीधारक कु.पार्थ प्रशांतकुमार राऊळ, कु. साहिश दिगंबर तळेकर आदी गुणवंत विद्यार्थी-विद्यार्थीनींचा उपस्थित मान्यवरांच्या हस्ते सत्कार करण्यात आला.

या कार्यक्रमाचे प्रास्ताविक करताना शाळेच्या मुख्याध्यापिका तथा माजी विद्यार्थीनी सौ. श्रद्धा सावंत यांनी मागील दोन शैक्षणिक वर्षातील शैक्षणिक, क्रीडा, सांस्कृतिक प्रगतीचा आढावा घेतला. कारीवडेकर यांनी गुणवंत विद्यार्थ्यांच्या नावाची घोषणा केली.

कार्यक्रमाचे सूत्रसंचालन करताना शिक्षक ओमप्रकाश तिवरेकर सर यांनी सर्व विद्यार्थ्यांना दिर्घायुष्य व आरोग्य लाभो अशी प्रार्थना केली.

शिक्षिका सौ.प्रज्ञा मातोंडकर यांनी वर्ष 2019-20 व वर्ष 2020-21 च्या वार्षिक अहवालाचे वाचन केले. कार्यक्रमाला सहकार्य करणाऱ्या सर्वांचे आभार प्रदर्शन शिक्षक तथा पर्यवेक्षक एम. बी. फाले सर यांनी केले.

यावेळी विद्यार्थी- विद्यार्थी- विद्यार्थिनींनी सुमधुर ईशस्तवन व स्वागतगीत सादर केले.सुचित्रा धुरी, सिद्धी गावडे, रिद्धी राणे,भूमी नाटेकर सिया नाटेकर, तनिष्का राऊळ, सिद्धी राणे, हर्षिता गावडे यांनी ईशस्तवन व स्वागतगीत मध्ये सुमधुर गायन तर ईशस्तवन स्वागतगीत साठी

हार्मोनियम साथ निलेश मेस्त्री याने तर तबलावादन ओमकार गोसावी याने केले. तसेच यावेळी महाराष्ट्र- भूमी नाटेकर,

गोवा-दिक्षिता राऊळ,

कर्नाटक-सिया नाटेकर

उत्तर प्रदेश-सुचित्रा धुरी,

जम्मू काश्मीर-तनिष्का राऊळ

यांना आंतरभारती स्वागत केले.

या कार्यक्रमात मळगांव इंग्लिश स्कूल मळगांवचे आजी-माजी विद्यार्थी-विद्यार्थीनी , मळगांव ग्रामस्थ व मित्र मंडळी यांनी मोठ्या संख्येने उपस्थित होते. हा कार्यक्रम यशस्वी करण्यासाठी सांस्कृतिक विभाग प्रमुख ऋतुजा राजेंद्र सावंत-भोसले, शालेय सांस्कृतिक मंत्री मयंक राजाराम शिरोडकर, शालेय मुख्यमंत्री शिवम महेश शिरोडकर व शाळेच्या मुख्याध्यापिका सौ. श्रद्धा सु. सावंत , शिक्षक तथा पर्यवेक्षक एम. बी. फाले सर, शिक्षक ओमप्रकाश तिवरेकर सर, संदीप कारीवडेकर सर , शिवाजी ठाकरे सर ,सहाय्यक शिक्षक सुनिल कदम सर, विठ्ठल सावंत सर,

प्रकाश केसरकर सर ,शिक्षिका सौ. नम्रता सातार्डेकर मॅडम,सौ.शैलजा परुळकर मॅडम,सौ.प्रज्ञा मातोंडकर मॅडम,सौ.नेहा गोसावी मॅडम, श्रीम.प्रज्ञा पार्सेकर मॅडम,सौ.ऋतुजा सावंत भोसले मॅडम, सौ. ए.जी. मोर्ये,

ग्रंथपाल तथा माजी विद्यार्थी सतीश राऊळ, लिपिक तथा माजी विद्यार्थी गोविंद कानसे,शिपाई तथा माजी विद्यार्थी बाळा जाधव,शिपाई तथा माजी विद्यार्थी तथा प्रयोगशाळा परिचर विलास जाधव,शिपाई रमेश भांडे, संगणक प्रशिक्षक तथा माजी विद्यार्थी रितेश राऊळ

यांनी परिश्रम घेतले.

 

 

*_…………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻

 

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_