🛑 कसई दोडामार्ग नगरपंचायत निवडणुकीतील शिवसेनेच्या पराभवास तालुकाप्रमुख बाबूराव धुरी यांची एकाधिकारशाही कारणीभूत ; प्रवीण गवस

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : प्रतिक राणे

🎴दोडामार्ग, दि-२० :– दोडामार्ग नगरपंचायत निवडणुकीतील पराभवास तालुकाप्रमुख बाबूराव धुरी यांची एकाधिकारशाही कारणीभूत आहे. संघटनेपेक्षा त्यांना स्वतःला मोठे करायचे होते म्हणून शिवसेनेला दारुण पराभवाला सामोरे जावे लागले, अशी टीका सरपंच सेवा संघटनेचे जिल्हा संघटक प्रवीण गवस यांनी प्रसिध्दी पत्रकाद्वारे केली.

गेल्या काही वर्षात पक्ष संघटना वाढीसाठी त्यांनी काहीही प्रयत्न केलेले नाहीत. तळागाळात पोचून आमदार दीपक केसरकर, खासदार विनायक राऊत यांनी केलेल्या विकासकामांची माहिती सर्वांना देणे आवश्यक होते. विकासकाम झाल्यावर तिथे तो निधी कुणी दिला याची प्रसिद्धी करणे आवश्यक होते. तसे फलक लावले जात नाहीत किंवा पत्रकार परिषद घेवून माहितीही दिली जात नाही. नगरपंचायतीसाठी आमदार केसरकर यांनी लाखोंचा निधी दिला त्याची माहिती नगरपंचायतमधील रहिवाशांना करून देणे आवश्यक होते. तेथेही प्रसिद्धी दिली गेलेली नाही. शिवसेनेची राज्यात सत्ता आहे. खासदार आमदार पालकमंत्री शिवसेनेचे आहेत. त्यांनी केलेली कामे तालुकाप्रमुख म्हणून त्यांनी प्रसिद्धी माध्यमाच्या माध्यमातून लोकांपर्यंत पोचवणे आवश्यक होते.पण तसे झालेले नाही. या उलट शिवसेनेकडून पूरग्रस्तांना आलेली मदतीची योग्य प्रसिद्धी न करता ती मदत आपणच दिल्याचे सांगून त्यांनी स्वतःची प्रसिध्दी करवून घेतली.

खासदार, आमदार यांनी ठिकठिकाणी हायमास्ट दिवे दिले. त्या दिव्यांचे उद्घाटन भाजपचे पदाधिकारी करतात. नगरपंचायतसाठी आमदार केसरकर यांनी हायमास्ट दिला, उद्घाटन भाजपच्या संतोष नानचे यांनी केले. खासदार विनायक राऊत यांनी दिलेला हायमास्ट झरेबांबर पिकुळे येथे शिवसेनेने लावला. उद्घाटन मात्र भाजपच्या राजेंद्र म्हापसेकर यांनी केले. त्यामुळे सर्वांना वाटले ते भाजपचेच काम आहे. श्री. धुरी जेव्हा एखाद्या कामाचे भूमिपूजन किंवा उद्घाटन करायला जातात तेव्हा ते शिवसेनेच्या स्थानिक पदाधिकाऱ्यांना पण बोलावत नाहीत. निवडणुका असतांनाही ते कुठल्याच कार्यकर्त्यांना व पदाधिकाऱ्यांना विश्वासात घेत नाहीत. स्वतःच उमेदवार ठरवतात. जुन्या कार्यकर्त्यांना डावलून पक्षात नव्याने प्रवेश केलेल्याना ते इतरांचा विरोध असतानाही उमेदवारी देतात.त्याबाबत वरिष्ठांकडे तक्रारीही गेल्या आहेत. त्यांनी वेळीच त्यावर निर्णयI घेतला असता तर शिवसेनेची आज जी अपमानास्पद हार झाली ती तरी झाली नसती. अश्या अनेक टिका सामाजिक कार्यकर्ते प्रविण गवस यांनी प्रसिद्धी पत्रकाद्वारे केल्या आहे.

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

*♦कार्यकारी संपादक : आनंद धोंड*

*📱संपर्क : +919423958828*

*♦ब्युरो चीफ : विशाल पित्रे*

*📱संपर्क : +919405475712*

 

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/I4y2vaGHgX3BJcpWZe94nr

 

*🖥️ कोकण लाईव्ह ब्रेकिंग*

_अचूक बातमी थेट हल्ला_