🛑 जि.प शाळांमध्ये सावळा गोंधळ..

🛑 १ ली ते ७ वी पर्यंतच्या ६ पेक्षा कमी पट संख्या असलेल्या शाळांमध्ये २ शिक्षक तर ६ पेक्षा जस्त पट संख्या असलेल्या शाळांमध्ये केवळ एक १ शिक्षक

🛑 जि.प.मुख्य कार्यकारी अधिकारी यांनी यात लक्ष घालावे ; पालकांमधून होत आहे मागणी..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : प्रतिक राणे

🎴दोडामार्ग, दि-२९ :- जिल्हा परिषद शाळांमध्ये सध्या विद्यार्थी संख्या मध्ये मोठ्या प्रमाणात घट झाल्याचे दिसून येत आहे.असे असताना दोडामार्ग तालुक्यातील काही भागात शिक्षकांच्या संख्येचा व विद्यार्थ्यांच्या संख्येत सावळागोंधळ झाल्याचे दिसून येत आहे.

दोडामार्ग तालुक्यात ज्या ठिकाणी पहिली ते सातवी पर्यंतच्या शाळांमध्ये ६ विद्यार्थी आहेत त्या ठिकाणी एक शिक्षक आहे. तर काही ठिकाणी पहिली ते सातवी पर्यंतच्या शाळांमध्ये ३ विद्यार्थी आहेत त्या ठिकाणी २ शिक्षक आहेत. अशी कित्येक उदाहरणे दोडामार्ग तालुक्यातील अतिशय दुर्गम भागात दिसून येत आहेत.फुकेरी सारख्या अतिशय दुर्गम भागात एकच स्त्री शिक्षिका १ ली ते ७ वी पर्यंतच्या शाळेत असलेल्या ६ विद्यार्थ्यांना शिकवत आहे.तालुक्यातील काही जिल्हा परिषद शाळांमध्ये ६ पेक्षा कमी विद्यार्थी पट संख्या असलेल्या शाळांमध्ये २ शिक्षक आहेत.तर काही भागात ६ पेक्षा जास्त विद्यार्थी संख्या असूनही केवळ एकच शिक्षक पूर्ण शाळा सांभाळताना दिसत आहेत.या मुळे जिल्हा परिषद शाळांमध्ये होणारा हा सावळागोंधळ बंद व्हावा अशी मागणी पालकांमधून होत आहे.यासाठी जिल्हा परिषद मुख्य कार्यकारी अधिकारी यांनी यात जातीनिशी लक्ष घालून होणारा सावळागोंधळ दूर करावा अशी मागणी पालकांमधून होतं आहे.