🛑 मालवण बाजारपेठ येथील विलास ऍग्रो या विलास हरमलकर यांच्या दुकानाला लागली भीषण आग..

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴मालवण, दि-२४ :-* मालवण बाजारपेठ मारुती मंदिर समोरील विलास ऍग्रो या विलास हरमलकर यांच्या दुकानाला शनिवारी मध्यरात्री भीषण आग लागली. आगीत लाखोंची हानी झाली आहे.

येथील गुरुमाऊली या दुकानात रात्री उशिरा पर्य लावण्याचे काम करणाऱ्या कर्मचाऱ्यांना मारुती मंदिर समोरील विलास ऍग्रो या दुकानातून आगीचे लोट येत असल्याचे दिसून आले. त्यांनी याबाबत स्थानिक व्यापाऱ्यांना माहिती देत धाव घेतली.

स्थानिक व्यापारी फारूक ताजर, स्वप्नील अंधारी, विनायक सापळे, रणजित पारकर, शेखर अंधारी, सरदार ताजर, अमेय देसाई, विनू सापळे, हेमंत आचरेकर, साई मयेकर व अन्य व्यापारी यांनी पाणी, माती याचा वापर करून आग विझवण्याचे प्रयत्न सुरू केले. वीज कर्मचारी यांना बोलवत काही वीजपुरवठा खंडित करण्यात आला. नगरपालिका कर्मचारी वळंजू, कोकरे हेही घटनास्थळी पोहचले. आग विझवण्यासाठी पालिकेकडे असलेल्या फायर बॉल पैकी ७ ते ८ फायर बॉल आगीत टाकण्यात आले. मात्र आगीचा भडका मोठा असल्याने आग नियंत्रणात येत नव्हती.

अमेय देसाई यांनी गाडी धुण्यासाठी वावरण्यात येणारे फोर्स पाईप आणून अन्य व्यपारी बांधवांसह लगतच्या दुकानांच्या छपरावर चढून आगीवर नियंत्रण मिळवण्याचा प्रयत्न सुरू केला. स्वप्नील अंधारी, फारूक ताजर, रणजित पारकर हे काळोखात वरती अन्य दुकांनाच्या छपरावर चढून आग विझवत असताना रणजित पारकर हे छपरावरून कोसळले. त्यांना दुखापत झाली. नगराध्यक्ष यांचाही अंगावर विटा कोसळल्या. एकूणच स्थानिक व्यापारी आपल्या जीवाची पर्वा न करता आगीवर नियंत्रण मिळवण्याचे अथक प्रयत्न करत होते.

विलास ऍग्रोचे मालक विलास हरमलकर, नगराध्यक्ष महेश कांदळगावकर, माजी नगराध्यक्ष सुदेश आचरेकर, नगरसेवक दीपक पाटकर, बांधकाम सभापती मंदार केणी, व्यापारी संघ अध्यक्ष उमेश नेरुरकर, नितीन तायशेटये, उमेश सापळे, दिलीप वायंगणकर यासह अन्य व्यापारी वर्ग मदतकार्यात सहभागी होता.

*व्यापारी अलर्ट असल्यामुळे अनर्थ टळला*

बाजारपेठ येथील व्यापारी अलर्ट आल्यामुळे भडकत व आजूबाजूला पसरत जाणारी आग नियंत्रणात आणली गेल्याने मोठा अनर्थ टळला. विलास ऍग्रो यांच्या बाजूला असलेल्या रमेश पारकर यांच्याही दुकानाचे नुकसान झाले. मात्र व्यापारी बांधवांनी रात्रीच्या काळोखात मोठ्या हिमतीने व मेहनतीने आगीवर नियंत्रण मिळवले.

*अग्निशमन नसल्याने तीव्र नाराजी*

मालवण पालिकेची अग्निशमन यंत्रणा उपलब्ध नसल्याने उपस्थितांनी तीव्र नाराजी व्यक्त केली. नवीन अग्निशमन येईपर्यंत जुनी अग्निशमन गाडी आहे ती आम्हाला द्या आम्ही स्वखर्चाने ती दुरुस्त करतो. असे व्यापारी बांधवांच्या वतीने उमेश नेरुरकर, सुदेश आचरेकर, दीपक पाटकर, रणजित पारकर यांनी सांगितले. तसेच दिवाळी काळात जिल्ह्यातून एखादी अग्निशमन गाडी मालवण शहरात आणून ठेवणे गरजेचे आहे. पालिकेने याबाबत व्यवस्था करावी आम्ही त्या दिवसाचे अशी भूमिका उमेश नेरुरकर यांनी मांडली.