🛑 कनिष्ठ महाविद्यालयाचे विद्यार्थी विद्यार्थिनी, अध्यापक वर्ग आणि अस्थायी समिती सदस्यांनी केले किल्ले पारगड येथे गिरिभ्रमण..

_*🛑 निसर्गसानिध्यात फुफ्फूसांची कार्यक्षमता वाढते..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ ब्युरो न्यूज : कोकण लाईव्ह ब्रेकिंग*

*🎴सावंतवाडी, दि-१६ :-* निसर्गसानिध्यात फुफ्फूसांची कार्यक्षमता वाढते असं म्हणतात आणि कोरोना काळात ती जाणीव पूर्वक वाढवायची असेल तर गिरी भ्रमणासार खा दुसरा पर्याय नाही. चौकूळ कनिष्ठ महाविद्यालयाचे विद्यार्थी विद्यार्थिनी, अध्यापक वर्ग आणि अस्थायी समिती सदस्यांनी आज किल्ले पारगड येथे गिरिभ्रमण केले. पारगड परिसरात अतिउत्साही पर्यटकांनी इतस्थता भिरकाविलेल्या पाण्याच्या रिकाम्या बाटल्या, खाद्यपदार्थ्यांच्या रिकामी प्लास्टिक पिशव्या इत्यादी चा कचरा गोळा करून तो सर्व कचरा त्यासाठी ठिकठिकाणी ठेवण्यात आलेल्या कचराकुंडीत जमा करून गड स्वछता मोहीम पार पाडली.

प्रा. राहुल गवस यांनी क्षत्रियकुलावतंस छत्रपती शिवाजी महाराजांच्या जयजयकाराची दिलेली हाळी आणि उपस्थितांनी केलेल्या जाणत्या राजाच्या जयजयकाराने पारगड चा आसमंत दुमदुमला. भवानी मंदिरात नवरात्रीनिमित्त होणाऱ्या मंत्रघोष्यांच्या निनादात कोरोना प्रोटोकॉल सांभाळून सर्वांनी घेतलेले भवानी मातेचे दर्शन आणि तदनंतर सर्वांनी एकत्र बसून घेतलेला अल्पोपहाराचा आस्वाद यांनी सर्वांची मने कशी ताजीतवानी झाली. गिरिभ्रमण हा एक धाडसी खेळप्रकार (Adventure Sport) असून युथ हॉस्टेल असोसिएशन ऑफ इंडिया (YHAI) चे सभासद होऊन महाराष्ट्रच नव्हे तर भारतभर ट्रेकिंग करणं कसं सुलभ होऊ शकतं या बद्धल सविस्तर माहिती विजय गावडे यांनी सळसळत्या उत्साहाच्या विध्यार्थी विध्यार्थिनींना दिली.

अशा रीतीने मने ताजीतवानी करणारा हा गिरिभ्रमणाचा कार्यक्रम आवरता घेत पारगडावरून सर्वजण गड उतार झाले.

……… विजय गावडे